ਜਲੰਧਰ

ਆਕਾਸ਼ਵਾਣੀ ਨੇ 90 ਸਾਲਾ ਜਸ਼ਨਾਂ ਤਹਿਤ ਵਾਕਾਥੌਨ ਕਰਵਾਈ <br/>

ਆਕਾਸ਼ਵਾਣੀ ਨੇ 90 ਸਾਲਾ ਜਸ਼ਨਾਂ ਤਹਿਤ ਕਰਵਾਈ ਵਾਕਾਥੌਨ 'ਚ ਹਿੱਸਾ ਲੈ ਰਹੇ ਅਧਿਕਾਰੀ, ਸੈਂਕੜੇ ਸਰੋਤੇ, ਸਟਾਫ ਮੈਂਬਰ, ਐਂਕਰ ਅਤੇ ਪੇਸ਼ਕਾਰ ਤੇ ਹੋਰ | ਤਸਵੀਰ:-ਮੁਨੀਸ਼ <br/> 10-05-2026

ਜਲੰਧਰ, 9 ਮਈ (ਡਾ. ਜਤਿੰਦਰ ਸਾਬੀ) ਆਕਾਸ਼ਵਾਣੀ ਦੀ ਸਥਾਪਨਾ ਦੇ 90 ਸਾਲ ਪੂਰੇ ਹੋਣ 'ਤੇ, ਰਾਸ਼ਟਰੀ ਜਨਤਕ ਪ੍ਰਸਾਰਕ ਦੇ ਜਲੰਧਰ ਸਟੇਸ਼ਨ ਨੇ ਇੱਥੇ ਵਾਕਾਥੌਨ ਦਾ ਆਯੋਜਨ ਕੀਤਾ | ਸੈਂਕੜੇ ਸਰੋਤਿਆਂ, ਸਟਾਫ ਮੈਂਬਰਾਂ, ਐਂਕਰਾਂ ਅਤੇ ਪੇਸ਼ਕਾਰਾਂ ਨੇ ਇਸ ਵਿੱਚ ਹਿੱਸਾ ਲਿਆ | ਆਕਾਸ਼ਵਾਣੀ ਪੰਜਾਬ ਦੇ ਕਲੱਸਟਰ ਹੈੱਡ ਅਤੇ ਡਿਪਟੀ ਡਾਇਰੈਕਟਰ ਜਨਰਲ (ਡੀਡੀਜੀ), ਰਣਜੀਤ ਮੀਣਾ ਅਤੇ ਡੀਡੀਜੀ, ਜਲੰਧਰ ਦੂਰਦਰਸ਼ਨ, ਆਰ ਕੇ ਜਾਰੰਗਲ ਵਲੋਂ ਨਿਊਜ਼ ਅਤੇ ਪ੍ਰੋਗਰਾਮ ਮੁਖੀਆਂ ਦੇ ਨਾਲ ਵਾਕਾਥੌਨ ਨੂੰ ਹਰੀ ਝੰਡੀ ਦਿਖਾਈ ਅਤੇ ਵਾਕਾਥੌਨ ਨੂੰ ਆਕਾਸ਼ਵਾਣੀ ਐੱਫਐੱਮ ਸਟੂਡੀਓ ਨਾਲ ਲਾਈਵ ਜੋੜਿਆ ਗਿਆ | ਸਰੋਤਿਆਂ, ਸਾਬਕਾ ਕਰਮਚਾਰੀਆਂ ਅਤੇ ਹੋਰਾਂ ਨੇ ਐੱਫਐੱਮ ਸਟੂਡੀਓ ਵਿੱਚ ਐਂਕਰਾਂ ਵਲੋਂ ਸਰਬੋਤਮ ਗੀਤ ਵਜਾਏ ਜਾਣ 'ਤੇ ਆਪਣੇ ਤਜ਼ਰਬੇ ਸਾਂਝੇ ਕੀਤੇ | ਜਿਵੇਂ ਹੀ ਨੌਜਵਾਨ ਐਂਕਰ ਅਤੇ ਪੇਸ਼ਕਾਰ ਵੱਖ-ਵੱਖ ਗੀਤਾਂ ਦੀਆਂ ਧੁਨਾਂ 'ਤੇ ਨੱਚੇ, ਵਾਕਾਥੌਨ ਹੋਰ ਵੀ ਰੰਗੀਨ ਹੋ ਗਿਆ | 'ਬਹੁਜਨ ਹਿਤਾਯ - ਬਹੁਜਨ ਸੁਖਾਯ' ਭਾਵ ''ਸਾਰਿਆਂ ਦੇ ਭਲੇ ਲਈ, ਸਾਰਿਆਂ ਦੀ ਖੁਸ਼ਹਾਲੀ ਲਈ'' ਦੇ ਆਪਣੇ ਉੱਚ ਆਦਰਸ਼ਾਂ 'ਤੇ ਖਰਾ ਉਤਰਦਿਆਂ, ਰਾਸ਼ਟਰੀ ਪ੍ਰਸਾਰਕ ਪਿਛਲੇ ਨੌ ਦਹਾਕਿਆਂ ਤੋਂ 591 ਕੇਂਦਰਾਂ ਰਾਹੀਂ ਵੱਖ-ਵੱਖ ਪ੍ਰੋਗਰਾਮਾਂ ਅਤੇ ਖ਼ਬਰ ਬੁਲੇਟਿਨਾਂ ਰਾਹੀਂ ਜਾਣਕਾਰੀ, ਸਿੱਖਿਆ ਅਤੇ ਮਨੋਰੰਜਨ ਪ੍ਰਦਾਨ ਕਰਦਿਆਂ ਦੇਸ਼ ਦੀ 98 ਫੀਸਦੀ ਆਬਾਦੀ ਤੱਕ ਪਹੁੰਚ ਬਣਾਈ ਹੈ | 8 ਜੂਨ 1936 ਨੂੰ ਇੰਡਿਅਨ ਸਟੇਟ ਬ੍ਰਾਡਕਾਸਟਿੰਗ ਸਰਵਿਸ ਦਾ ਨਾਮ ਬਦਲ ਕੇ ਆਲ ਇੰਡੀਆ ਰੇਡੀਓ (ਏਆਈਆਰ) ਰੱਖਿਆ ਗਿਆ ਸੀ | ਇਹ ਇਤਿਹਾਸਕ ਦਿਨ ਦੇਸ਼ ਦੇ ਸੱਭਿਆਚਾਰਕ, ਸੂਚਨਾ ਅਤੇ ਪ੍ਰਸਾਰਣ ਇਤਿਹਾਸ ਵਿੱਚ ਇੱਕ ਵਿਸ਼ੇਸ਼ ਪਲ ਦੀ ਨਿਸ਼ਾਨਦੇਹੀ ਕਰਦਾ ਹੈ, ਜਦੋਂ ਪੀੜੀਆਂ ਤੱਕ ਗੂੰਜਦੀ ਇੱਕ ਆਵਾਜ਼ ਪੈਦਾ ਹੋਈ ਸੀ | ਆਜ਼ਾਦੀ ਤੋਂ ਬਾਅਦ ਏਆਈਆਰ ਦਾ ਤੇਜ਼ੀ ਨਾਲ ਵਿਸਥਾਰ ਹੋਇਆ ਅਤੇ 1956 ਵਿੱਚ ਇਸ ਨੇ ''ਆਕਾਸ਼ਵਾਣੀ'' ਨਾਮ ਅਪਣਾਇਆ | ਇਹ ਦੇਸ਼ ਦੀ ਅਜਿਹੀ ਵਿਰਾਸਤ ਹੈ ਜੋ ਆਉਣ ਵਾਲੀਆਂ ਪੀੜੀਆਂ ਤੱਕ ਜੀਵੰਤ ਰਹੇਗੀ |

ਪਿਛਲੀ ਖ਼ਬਰ ਇੰਨੋਸੈਂਟ ਹਾਰਟਸ ਸਕੂਲ 'ਚ ਪਿਆਰ, ਸਤਿਕਾਰ ਨਾਲ ਮਨਾਇਆ 'ਮਾਂ ਦਿਵਸ' ਅਗਲੀ ਖ਼ਬਰ ਮਾਂ ਦੀ ਸਿਹਤ ਹੀ ਪਰਿਵਾਰ ਦੀ ਖੁਸ਼ਹਾਲੀ ਦੀ ਨੀਂਹ-ਡਾ. ਬਲਰਾਜ ਗੁਪਤਾ ਰਤਨ ਹਸਪਤਾਲ

ਆਕਾਸ਼ਵਾਣੀ ਨੇ 90 ਸਾਲਾ ਜਸ਼ਨਾਂ ਤਹਿਤ ਵਾਕਾਥੌਨ ਕਰਵਾਈ <br/>

ਸੰਬੰਧਿਤ ਖ਼ਬਰਾਂ