ਦੁਸਾਂਝ ਕਲਾਂ, 11 ਮਈ (ਰਾਮ ਪ੍ਰਕਾਸ਼ ਟੋਨੀ)-ਕਰੀਬੀ ਪਿੰਡ ਚੱਕ ਦੇਸ਼ ਰਾਜ ਵਿਖੇ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ 13ਵਾਂ ਕਬੱਡੀ ਟੂਰਨਾਮੈਂਟ ਸਮੂਹ ਪਿੰਡ ਵਾਸੀਆਂ, ਗ੍ਰਾਮ ਪੰਚਾਇਤ ਅਤੇ ਐਨ.ਆਰ.ਆਈਜ਼ ਵੀਰਾਂ ਦੇ ਸਹਿਯੋਗ ਨਾਲ ਕਰਵਾਇਆ ਜਾ ਰਿਹਾ ਹੈ | ਇਹ ਟੂਰਨਾਮੈਂਟ ਸ਼੍ਰੀ ਮਾਨ 108 ਸੰਤ ਬਾਬਾ ਧਿਆਨ ਦਾਸ ਜੀ ਧੂਣੇ ਵਾਲੇ ਅਤੇ ਸ੍ਰੀ ਮਾਨ ਸੰਤ ਬਾਬਾ ਚਰਨ ਦਾਸ ਧੂਣੇ ਵਾਲਿਆਂ ਦੀ ਨਿੱਘੀ ਯਾਦ ਨੂੰ ਸਮਰਪਿਤ, ਮਈ ਦਿਨ ਸ਼ਨੀਵਾਰ ਨੂੰ ਕਰਵਾਇਆ ਜਾ ਰਿਹਾ ਹੈ | ਮਹੰਤ ਬਾਬਾ ਅਮਰ ਦਾਸ ਜੀ ਧੂਣੇ ਵਾਲ਼ੇ ਅਤੇ ਮਹੰਤ ਬਾਬਾ ਹਰੀ ਦਾਸ ਧੂਣੇ ਵਾਲਿਆਂ ਵਲੋਂ ਨੌਜਵਾਨ ਪੀੜ੍ਹੀ ਨੂੰ ਆਸ਼ੀਰਵਾਦ ਦਿੱਤਾ ਜਾਵੇਗਾ | ਸੋਢੀ ਪ੍ਰਧਾਨ, ਪ੍ਰਮੋਟਰ ਦੀਪਾ ਹੁੰਦਲ, ਰਣਵੀਰ ਮਾਹਲ ਯੂ.ਐੱਸ.ਏ, ਅਵਤਾਰ ਬਾਂਸਲ ਅਸਟ੍ਰੇਲੀਆ, ਹਰਮੇਲ ਜਾਲਫ਼, ਗੁਰਦੀਪ ਦੀਪਾ ਮਤਫੱਲੂ, ਮਾਸਟਰ ਹਰਜਿੰਦਰ ਸਿੰਘ ਦਾ ਸਮੂਹ ਪਰਿਵਾਰ, ਸਤਵਿੰਦਰ ਸਿੰਘ ਨੱਥਾ, ਸੁਖਵਿੰਦਰ ਸਿੰਘ ਕਾਕਾ, ਸੂਬੇਦਾਰ ਸਰਦਾਰ ਗੁਰਨੇਕ ਸਿੰਘ ਸਮੂਹ ਗ੍ਰਾਮ ਪੰਚਾਇਤ ਅਤੇ ਨਗਰ ਨਿਵਾਸੀ | ਇਸ ਮੌਕੇ ਕਬੱਡੀ ਕੋਚ ਜਤਿੰਦਰ ਸਿੰਘ ਮਿੱਠੂ, ਗੱਗੀ ਚੱਕ ਦੇਸ ਰਾਜ ਅਤੇ ਦੀਪਾ ਚੱਕ ਦੇਸ ਰਾਜ ਵੀ ਆਪਣੀ ਖੇਡ ਦੇ ਜੌਹਰ ਦਿਖਾਉਣਗੇ | ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਜਤਿੰਦਰ ਸਿੰਘ ਮਿੱਠੂ ਨੇ ਦੱਸਿਆ ਕਿ ਐਨ.ਆਰ.ਆਈਜ਼ ਵੀਰਾਂ ਦੇ ਸਹਿਯੋਗ ਨਾਲ ਆਉਣ ਵਾਲੇ ਸਮੇਂ ਵਿੱਚ ਹੋਰ ਵੀ ਖਿਡਾਰੀ ਤਿਆਰ ਕਰਕੇ ਕਬੱਡੀ ਗਰਾਊਾਡ ਵਿੱਚ ਭੇਜਾਗੇ |
