ਜਲੰਧਰ, 25 ਮਈ (ਪਵਨ ਖਰਬੰਦਾ)-ਨਵੇਂ ਬਣੇ ਸਕੇਟਿੰਗ ਰਿੰਕ ਦਾ ਉਦਘਾਟਨ ਸਮਾਰੋਹ ਅੱਜ ਪੁਲਿਸ ਡੀਏਵੀ ਪਬਲਿਕ ਸਕੂਲ ਪੀਏਪੀ ਕੈਂਪਸ ਜਲੰਧਰ ਕੈਂਟ ਵਿਖੇ ਹੋਇਆ | ਇਸ ਦੌਰਾਨ ਮੁੱਖ ਮਹਿਮਾਨ ਵਜੋਂ ਐਮ.ਐਫ. ਫਾਰੂਕੀ, ਆਈਪੀਐਸ, ਏਡੀਜੀਪੀ, ਐਸਏਪੀ, ਪੀਏਪੀ ਕੈਂਪਸ ਸ਼ਾਮਲ ਹੋਏ ਤੇ ਉਨ੍ਹਾਂ ਦੇ ਨਾਲ ਰਾਜਪਾਲ ਸਿੰਘ ਸੰਧੂ, ਆਈਪੀਐਸ, ਆਈਜੀਪੀ ਵੀ ਮੌਜੂਦ ਸਨ | ਸਕੂਲ ਦੀ ਪਿ੍ੰਸੀਪਲ ਡਾ. ਰਸ਼ਮੀ ਵਿਜ ਵਲੋਂ ਉਨ੍ਹਾਂ ਦਾ ਗੁਲਦਸਤਾ ਭੇਟ ਕਰਕੇ ਸਵਾਗਤ ਕੀਤਾ ਗਿਆ | ਰੋਲਰ ਸਕੇਟਿੰਗ ਰਿੰਕ ਦੇ ਉਦਘਾਟਨ ਤੋਂ ਬਾਅਦ ਸਕੂਲ ਦੇ ਰੋਲਰ ਸਕੇਟਿੰਗ ਐਥਲੀਟਾਂ ਨੇ ਰੋਲਰ ਸਕੇਟਿੰਗ ਪ੍ਰਦਰਸ਼ਨ ਕੀਤਾ ਅਤੇ ਰੋਲਰ ਹਾਕੀ ਦਾ ਦੋਸਤਾਨਾ ਮੈਚ ਵੀ ਕਰਵਾਇਆ ਗਿਆ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਸਕੇਟਿੰਗ ਰਿੰਕ ਵਿੱਚ 75 ਮੀਟਰ ਦਾ ਸਪੀਡ ਦਾ ਟਰੈਕ ਹੈ ਅਤੇ ਰੋਲਰ ਹਾਕੀ ਦੀ ਗਰਾਊਾਡ ਹੈ | ਬੱਚਿਆਂ ਨੇ ਦੇਸ਼ ਭਗਤੀ ਦੇ ਗੀਤਾਂ 'ਤੇ ਸਕੇਟਾਂ 'ਤੇ ਡਾਂਸ ਪ੍ਰਦਰਸ਼ਨ ਕੀਤਾ, ਜਿਸ ਨੇ ਸਾਰਿਆਂ ਨੂੰ ਮੋਹ ਲਿਆ | ਮੁੱਖ ਮਹਿਮਾਨ ਨੇ ਸਕੂਲ ਦੇ 30 ਸ਼ਾਨਦਾਰ ਸਾਲਾਂ ਦੇ ਧੰਨਵਾਦ ਦੀ ਯਾਦ ਵਿੱਚ ਇੱਕ ਯਾਦਗਾਰੀ ਚਿੰਨ੍ਹ ਦਾ ਵੀ ਉਦਘਾਟਨ ਕੀਤਾ | ਪਿ੍ੰਸੀਪਲ ਡਾ. ਰਸ਼ਮੀ ਵਿਜ ਨੇ ਮੁੱਖ ਮਹਿਮਾਨ ਦਾ ਧੰਨਵਾਦ ਕੀਤਾ | ਇਸ ਦੌਰਾਨ ਸਕੂਲ ਸਕੇਟਿੰਗ ਕੋਚ ਦਿਲਬਾਗ ਸਿੰਘ ਕਾਹਲੋਂ ਅਤੇ ਬਲਰਾਮ ਵੀ ਮੌਜੂਦ ਸਨ |
