ਜਲੰਧਰ, 8 ਜੂਨ (ਸ਼ਿਵ)-ਜੁਆਇੰਟ ਫਾਰਮ ਅਤੇ ਸੰਘਰਸ਼ ਸ਼ੀਲ ਮੋਰਚਾ ਪਾਵਰਕਾਮ, ਟਰਾਂਸਕੋ ਦੇ ਸੱਦੇ ਤੇ ਬੇਰੁਜ਼ਗਾਰ ਅਪ੍ਰੈਂਟਸ਼ਿਪ ਲਾਈਨਮੈਨਾਂ ਦੇ ਸ਼ਾਂਤਮਈ ਧਰਨੇ ਦੌਰਾਨ ਕੀਤੇ ਲਾਠੀਚਾਰਜ ਦੇ ਵਿਰੋਧ ਵਿਚ ਵਿਸ਼ਾਲ ਧਰਨਾ ਪੂਰਬ ਮੰਡਲ ਜਲੰਧਰ ਵਿਖੇ ਵੱਖ-ਵੱਖ ਜਥੇਬੰਦੀਆਂ ਜੋ ਕਿ ਜੁਆਇੰਟ ਫਾਰਮ ਅਤੇ ਸੰਘਰਸ਼ ਸ਼ੀਲ ਮੋਰਚਾ ਪਾਵਰਕਾਮ/ਟਰਾਂਸਕੋ ਵਿਚ ਸ਼ਮੂਲੀਅਤ ਕਰਦੀਆਂ ਹਨ, ਵਲੋਂ ਵਿਸ਼ਾਲ ਧਰਨਾ ਪੁਰਬ ਮੰਡਲ ਜਲੰਧਰ ਵਿਖੇ ਦਿੱਤਾ ਗਿਆ | ਜਿਸ ਵਿਚ ਉਚੇਚੇ ਤੌਰ 'ਤੇ ਪੈਨਸ਼ਨਰ ਐਸੋਸੀਏਸ਼ਨ ਪੂਰਬ ਮੰਡਲ ਜਲੰਧਰ ਦੇ ਪ੍ਰਧਾਨ ਸੁਸ਼ੀਲ ਕੁਮਾਰ ਵਲੋਂ ਆਪਣੇ ਸੈਂਕੜੇ ਪੈਨਸ਼ਨਰ ਸਾਥੀਆ ਸਮੇਤ ਸ਼ਮੂਲੀਅਤ ਕੀਤੀ ਗਈ ਅਤੇ ਧਰਨੇ ਵਿਚ ਸ਼ਾਮਿਲ ਸਾਰੇ ਹੀ ਬੁਲਾਰਿਆਂ ਨੇ ਬੇਰੁਜ਼ਗਾਰ ਅਪ੍ਰਾੈਟਸ਼ਿਪ ਲਾਈਨਮੈਨਾਂ ਦੇ ਸ਼ਾਂਤਮਈ ਧਰਨੇ ਦੌਰਾਨ ਕੀਤੇ ਲਾਠੀਚਾਰਜ ਦਾ ਵਿਰੋਧ ਕੀਤਾ | ਇਸ ਭੁਪਿੰਦਰ ਸਿੰਘ, ਮਹਿੰਦਰ ਸਿੰਘ ਬਾਜਵਾ, ਸੁਖਦੇਵ ਸਿੰਘ, ਲਹਿੰਬਰ ਰਾਮ, ਰੂਪਕ, ਸ੍ਰੀਮਤੀ ਨਿਧੀ ਵਰਮਾ, ਰਿੰਕੂ, ਜਗਦੀਸ਼ ਬੰਮੀ ਐੱਸ.ਡੀ.ਓ., ਸ੍ਰੀਮਤੀ ਮੀਨਾ, ਸ੍ਰੀਮਤੀ ਸੰਜੀਤਾ ਸ਼ਾਮਿਲ ਹੋਏ |
