ਜਲੰਧਰ, 19 ਜੂਨ (ਐੱਮ. ਐੱਸ. ਲੋਹੀਆ) - ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਪ੍ਰਤਾਪ ਨਗਰ, ਜਲੰਧਰ ਵਿਖੇ ਸੰਗਤ ਦੀ ਸਹੂਲਤ ਲਈ ਕੌਂਸਲਰ ਹੈਪੀ ਤੇ ਸੁਰਿੰਦਰ ਸਿੰਘ ਭਾਪਾ ਵਲੋਂ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਲਿਫ਼ਟ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਸੰਗਤ ਲਈ ਲਿਫ਼ਟ ਦੀ ਸਹੂਲਤ ਦਾ ਆਰੰਭ ਕਰਨ ਮੌਕੇ ਕੌਂਸਲਰ ਹੈਪੀ ਨੇ ਕਿਹਾ ਕਿ ਗੁਰਦੁਆਰਾ ਸਾਹਿਬ ਦਾ ਹਾਲ ਉੱਪਰ ਹੋਣ ਕਰਕੇ ਸੰਗਤ ਨੂੰ ਖ਼ਾਸ ਕਰਕੇ ਬਜ਼ੁਰਗਾਂ ਨੂੰ ਉੱਪਰ ਹਾਲ ’ਚ ਜਾਣ ਲਈ ਵੱਡੀ ਦਿਕਤ ਹੁੰਦੀ ਸੀ। ਉਨ੍ਹਾਂ ਕਿਹਾ ਕਿ ਇਹ ਲਿਫ਼ਟ ਲੱਗਣ ਨਾਲ ਬਜ਼ੁਰਗਾਂ ਨੂੰ ਉੱਪਰ ਹਾਲ ’ਚ ਜਾਣ ਲਈ ਬਹੁਤ ਵੱਡੀ ਸਹੂਲਤ ਮਿਲ ਗਈ ਹੈ। ਹੈਪੀ ਨੇ ਕਿਹਾ ਕਿ ਮੇਰਾ ਅਤੇ ਮੇਰੀ ਮਾਤਾ ਜੀ ਜੋ ਕਿ ਪ੍ਰਮਾਤਮਾ ਦੇ ਚਰਨਾਂ ’ਚ ਜਾ ਬਿਰਾਜੇ ਹਨ ਦਾ ਸੁਪਨਾ ਸੀ ਕਿ ਅਸੀਂ ਇਸ ਗੁਰੂ ਘਰ ’ਚ ਸੰਗਤ ਨੂੰ ਲਿਫ਼ਟ ਦੀ ਸਹੂਲਤ ਦੇ ਸਕੀਏ ਤੇ ਅੱਜ ਇਲਾਕਾ ਨਿਵਾਸੀਆਂ ਤੇ ਸੱਜਣਾਂ ਮਿੱਤਰਾਂ ਦੇ ਸਹਿਯੋਗ ਨਾਲ ਇਹ ਕਾਰਜ ਪੁਰਾ ਹੋ ਸਕਿਆ ਹੈ।
