ਚੇਅਰਮੈਨ ਜਸਵੀਰ ਸਿੰਘ ਗੜ੍ਹੀ ਨੇ ਪ੍ਰਿੰਸੀਪਲ ਪ੍ਰੇਮ ਕੁਮਾਰ ਨੂੰ ਨਾਲ ਲੈ ਕੀਤਾ ਹਲਕਾ ਫਿਲੌਰ ਦਾ ਤੂਫ਼ਾਨੀ ਦੌਰਾ
ਅਜੀਤ ਡੈਸਕ
20-06-2026
24 ਘੰਟੇ ਚੱਲਦੇ ਰੇਤ ਦੇ ਟਿੱਪਰਾਂ ਦਾ ਲੋਕਾਂ ਨੇ ਚੀਕ ਚੀਕ ਕੀਤਾ ਵਿਰੋਧ
ਮਾਮਲੇ ਸਬੰਧੀ ਹਾਜ਼ਰ ਪੀੜਤ ਪਰਿਵਾਰ ਅਤੇ ਇਲਾਕੇ ਦੇ ਲੋਕਾਂ ਨੇ ਚੀਕ ਚੀਕ ਕੇ ਕਿਹਾ ਕਿ ਉਨ੍ਹਾਂ ਦਾ ਜਿਊਣਾ ਦੋਬਰ ਹੋਇਆ ਹੈ ਕਿਉਂਕਿ ਪਿੰਡ ਟਗਾਰਾ ਰੇਤ ਦੀ ਖੱਡ ਵਿਚੋਂ ਦਿਨ ਰਾਤ ਰੇਤ ਦੇ ਓਵਰ ਲੋਡ ਟਿੱਪਰ ਭਰ-ਭਰ ਕੇ ਨਿਕਲਦੇ ਹਨ।ਜਿਨ੍ਹਾਂ ਨੂੰ ਪੁੱਛਣ ਤੇ ਰੋਕਣ ਵਾਲਾ ਕੋਈ ਨਹੀ। ਇਸ ਮਾਮਲੇ ਸਬੰਧੀ ਸ.ਗੜੀ ਨੇ ਸਬੰਧਿਤ ਐਸ ਡੀ ਓ ਕੋਲੋਂ ਸਾਰੀ ਜਾਣਕਾਰੀ ਲਈ ਜਿਸ ਵਿਚ ਉਸ ਨੇ ਦਸਿਆ ਕਿ ਸਵੇਰੇ 6 ਵਜੇ ਤੋਂ ਸ਼ਾਮ ਦੇ 7 ਵਜੇ ਤੱਕ ਟਿੱਪਰ ਕੱਢਣ ਦਾ ਸਮਾਂ ਹੈ, ਜਿਸ ਤੇ ਸ.ਗੜੀ ਨੇ ਕਿਹਾ ਕਿ ਉਸ ਤੋਂ ਬਾਅਦ ਵਿਚ ਚੱਲਣ ਵਾਲੇ ਟਿੱਪਰਾਂ ਤੇ ਸਖ਼ਤ ਕਾਰਵਾਈ ਹੋਣੀ ਚਾਹੀਦੀ ਹੈ।ਇਸ ਤੋਂ ਇਲਾਵਾ ਉਨ੍ਹਾਂ ਲੋਕਾਂ ਨੂੰ ਕਿਹਾ ਕਿ ਉਹ ਟੀਮਾਂ ਬਣਾ ਕੇ ਰਾਤ ਨੂੰ ਚੱਲਣ ਵਾਲੇ ਟਿੱਪਰਾ ਨੂੰ ਰੋਕ ਕੇ ਡੀਐੱਸਪੀ ਫਿਲੌਰ ਅਤੇ ਉਨ੍ਹਾਂ ਦੇ ਹਲਕੇ ਦੇ ਮੁੱਖ ਸੇਵਾਦਾਰ ਪ੍ਰਿੰਸੀਪਲ ਪ੍ਰੇਮ ਕੁਮਾਰ ਨਾਲ ਸੰਪਰਕ ਕਰਨ ਤੇ ਲੋੜ ਪੈਣ ਤੇ ਉਹ ਖ਼ੁਦ ਵੀ 2 ਘੰਟੇ ਅੰਦਰ ਇੱਥੇ ਹਾਜ਼ਰ ਹੋਣਗੇ। ਉਨ੍ਹਾਂ ਕਿਹਾ ਕਿ ਉਹ ਨਜਾਇਜ਼ ਮਾਈਨਿੰਗ ਅਤੇ ਰਾਤ ਨੂੰ ਚੱਲਦੇ ਟਿੱਪਰਾਂ ਤੇ ਪੱਕੇ ਤੌਰ ਤੇ ਰੋਕ ਲਾਉਣ ਗਏ ਚਾਹੇ ਇਸ ਵਿਚ ਕਿਸੇ ਵੀ ਨੇਤਾ ਦਾ ਹੱਥ ਕਿਉ ਨਾ ਹੋਵੇ।ਇਸ ਤੋਂ ਇਲਾਵਾ ਲੋਕਾਂ ਨੇ ਸ਼ਿਕਾਇਤ ਕੀਤੀ ਕਿ ਪਿੰਡ ਸੈਲਕੀਆਣਾ ‘ਚ ਵੀ ਖੱਡ ਚੱਲ ਰਹੀ ਹੈ ਤੇ ਸਾਰਾ ਰੇਤ ਜਲੰਧਰ ਵੱਲ ਕੱਢਿਆ ਜਾ ਰਿਹਾ ਹੈ ਜਿੱਥੋਂ ਓਵਰਲੋਡ ਟਿੱਪਰ ਅਤੇ ਟਰਾਲੀਆਂ ਦਿਨ ਰਾਤ ਚੱਲਦੀਆਂ ਹਨ ਇਸ ਸਬੰਧੀ ਵੀ ਉਨ੍ਹਾਂ ਵਿਭਾਗ ਅਤੇ ਪੁਲਿਸ ਨੂੰ ਸਖ਼ਤ ਕਾਰਵਾਈ ਕਰਨ ਦੇ ਆਦੇਸ਼ ਦਿੱਤੇ ਹਨ।ਸ. ਗੜੀ ਨੇ ਦਸਿਆ ਕੀ ਹਲਕੇ ਅੰਦਰ ਚੱਲ ਰਹੇ ਦਿਨ ਰਾਤ ਟਿੱਪਰ ਇਹ ਸਾਬਤ ਕਰ ਰਹੇ ਹਨ ਕਿ ਇੱਥੇ ਨਜਾਇਜ਼ ਮਾਈਨਿੰਗ ਧੜੱਲੇ ਨਾਲ ਹੋ ਰਹੀ ਹੈ ਜਿਸ ਸਬੰਧੀ ਉਹ ਇਸ ਸਾਰਾ ਮਾਮਲਾ ਮੁੱਖ ਮੰਤਰੀ ਸ.ਭਗਵੰਤ ਸਿੰਘ ਮਾਨ ਦੇ ਧਿਆਨ ਵਿਚ ਲਿਆਉਣਗੇ।
ਪਰਿਵਾਰ ਨਾਲ ਕੀਤਾ ਵਾਅਦਾ ਪੂਰਾ ਕਰੇ ਪ੍ਰਸ਼ਾਸਨ
ਇਸ ਤੋਂ ਇਲਾਵਾ ਪ੍ਰਸ਼ਾਸਨ ਵੱਲੋਂ ਪੀੜਤ ਪਰਿਵਾਰ ਦੇ ਕਿਸੇ ਇੱਕ ਮੈਂਬਰ ਨੂੰ ਸਰਕਾਰੀ ਨੌਕਰੀ ਦੇਣ ਦੇ ਕੀਤੇ ਵਾਅਦੇ ਨੂੰ ਪੂਰਾ ਕਰਨ ਲਈ ਡੀਐਪੀ ਫਿਲੌਰ ਨੂੰ ਇੱਕ ਹਫ਼ਤੇ ਅੰਦਰ ਜਾਣਕਾਰੀ ਅਤੇ ਪੱਤਰ ਦੇਣ ਦੀ ਹਦਾਇਤ ਕੀਤੀ ਹੈ।
