ਵਿਦੇਸ਼ ਜਾਣ ਦੀ ਤਿਆਰੀ ਕਰ ਰਹੇ 25 ਸਾਲਾ ਨੌਜਵਾਨ ਦੀ ਭੇਦਭਰੇ ਹਾਲਾਤ ’ਚ ਮੌਤ, ਛੱਪੜ ਨੇੜਿਓਂ ਮਿਲੀ ਲਾਸ਼
ਅਜੀਤ ਡੈਸਕ
05-07-2026
ਚਿੱਟਾ ਖ੍ਰੀਦਣ ਵਾਲਿਆ ਦਾ ਪਿੰਡ ਵਿਚ ਲੱਗਦਾ ਮੇਲਾ-ਪਿੰਡ ਵਾਸੀ
ਉਕਤ ਘਟਨਾ ਤੋਂ ਬਾਅਦ ਪਿੰਡ ਸਮਰਾੜੀ ਅਤੇ ਆਸ-ਪਾਸ ਦੇ ਇਲਾਕਿਆਂ ਵਿਚ ਡਰ ਤੇ ਚਿੰਤਾ ਦਾ ਮਾਹੌਲ ਹੈ। ਸਥਾਨਕ ਲੋਕਾਂ ਤੇ ਪਿੰਡ ਦੇ ਮੋਹਤਬਰਾਂ ਦਾ ਕਹਿਣਾ ਹੈ ਕਿ ਇਲਾਕੇ ਵਿਚ ਨਸ਼ਾ ਤਸਕਰ ਇਕ ਵਾਰ ਫਿਰ ਸਰਗਰਮ ਹੋ ਗਏ ਹਨ, ਜਿਸ ਕਾਰਨ ਨੌਜਵਾਨਾਂ ਦਾ ਭਵਿੱਖ ਖਤਰੇ ਵਿਚ ਪੈ ਰਿਹਾ ਹੈ। ਹਾਲਾਂਕਿ, ਮੌਜੂਦਾ ਮਾਮਲੇ ਦਾ ਨਸ਼ਿਆਂ ਨਾਲ ਕੋਈ ਸੰਬੰਧ ਹੈ ਜਾਂ ਨਹੀਂ, ਇਸ ਬਾਰੇ ਪੁਲਿਸ ਨੇ ਅਜੇ ਤੱਕ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ। ਪਰ ਮੌਕੇ ਚਸ਼ਮਦੀਦ ਲੋਕਾਂ ਤੇ ਕੁਝ ਪਿੰਡ ਦੇ ਮੁਹਤਬਰਾਂ ਨੇ ਇਕ ਵੀਡੀਓ ਜਾਰੀ ਕਰਕੇ ਪ੍ਰਸ਼ਾਸਨ ਖ਼ਿਲਾਫ਼ ਭੜਾਂਸ ਕੱਢਦਿਆ ਕਥਿਤ ਦੋਸ਼ ਲਾਏ ਹਨ ਕਿ ਮ੍ਰਿਤਕ ਨੌਜਵਾਨ ਦੀ ਮੌਤ ਹੋਈ ਨੂੰ 24 ਘੰਟੇ ਬੀਤ ਚੁੱਕੇ ਹਨ ਕਿਉਂਕਿ ਉਸ ਦੀ ਦੇਹ ਪੂਰੀ ਤਰ੍ਹਾਂ ਕਾਲੀ ਹੋ ਚੁੱੱਕੀ ਸੀ।
ਘਰਾਂ ਨੂੰ ਜਿੰਦਰਾਂ ਮਾਰ ਭੱਜੇ ਤਸਕਰ
ਸਥਾਨਕ ਲੋਕਾਂ ਨੇ ਖੁਲਾਸਾ ਕੀਤਾ ਕੀ ਉਕਤ ਵਾਪਰੀ ਘਟਨਾ ਪਹਿਲੀ ਨਹੀਂ ਹੈ ਤੇ ਇਸ ਘਟਨਾ ਦੇ ਵਾਪਰਨ ਨਾਲ ਨਸ਼ਾ ਤਸਕਰਾਂ ਵਿਚ ਹੜਕੰਭ ਦਾ ਮਹੌਲ ਬਣਿਆ ਹੋਇਆ ਹੈ, ਤੇ ਕਈ ਆਪਣੇ ਘਰਾਂ ਨੂੰ ਜਿੰਦਰੇ ਮਾਰ ਕੇ ਰਫੂਚੱਕਰ ਵੀ ਹੋ ਚੁੱਕੇ ਹਨ। ਲੋਕਾਂ ਨੇ ਦੱਸਿਆ ਕਿ ਕਈ ਸਰਕਾਰਾ ਬਦਲੀਆ ਤੇ ਕਈ ਅਫਸਰ ਬਦਲੇ ਪਰ ਉਨ੍ਹਾਂ ਦੇ ਪਿੰਡ ਅੰਦਰ ਨਸ਼ਾ ਤਸਕਰੀ ਦਾ ਧੰਦਾ ਲਗਾਤਾਰ ਚੱਲ ਰਿਹਾ ਜਿਸ ਵਿਚ ਸਿਰਫ ਇਹ ਬਦਲਾ ਆਂਇਆ ਹੈ ਕਿ ਪਹਿਲਾ ਇਤੇ ਨਾਜਾਇਜ਼ ਸ਼ਰਾਬ ਫਿਰ ਡੋਡੇ ਚੂ੍ਰਾ ਪੋਸਤ ਤੇ ਹੁਣ ਵੱਧ ਮੁਨਾਫੇ ਵਾਲਾ ਚਿੱਟਾ ਵੇਚਿਆ ਜਾ ਰਿਹਾ ਹੈ ਜਿਸ ’ਤੇ ਨੱਥ ਪੈਣੀ ਨਾਮੁਨਕਿਨ ਹੈ।
