ਜਲੰਧਰ, 15 ਜੁਲਾਈ ( ਡਾ ਜਤਿੰਦਰ ਸਾਬੀ)- ਏਜੀਆਈ ਗਲੋਬਲ ਸਕੂਲ, ਜਲੰਧਰ ਹਾਈਟਸ- 2, ਅਰਬਾਨਾ ਦੇ ਖੇਡ ਮੈਦਾਨ ਵਿੱਚ ਸਥਿਤ ਜਲੰਧਰ ਹਾਈਟਸ ਕ੍ਰਿਕਟ ਐਕਸੀਲੈਂਸ ਸੈਂਟਰ ਵਿਚ ਨਵੀਂ ਪ੍ਰੋਫੈਸ਼ਨਲ ਕ੍ਰਿਕਟ ਟ੍ਰੇਨਿੰਗ ਪਿਚ ਅਤੇ ਪੂਰੀ ਤਰ੍ਹਾਂ ਆਟੋਮੈਟਿਕ ਬੌਲਿੰਗ ਮਸ਼ੀਨ ਦੀ ਸਹੂਲਤ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਨਾਲ ਨੌਜਵਾਨ ਕ੍ਰਿਕਟਰਾਂ ਨੂੰ ਅੰਤਰਰਾਸ਼ਟਰੀ ਪੱਧਰ ਵਰਗੀ ਆਧੁਨਿਕ ਟ੍ਰੇਨਿੰਗ ਮਿਲੇਗੀ। ਇਸ ਨਵੀਂ ਸਹੂਲਤ ਨਾਲ ਇਹ ਸੈਂਟਰ ਇਲਾਕੇ ਦੀਆਂ ਸਭ ਤੋਂ ਵਧੀਆ ਕ੍ਰਿਕਟ ਅਕੈਡਮੀਆਂ ਵਿੱਚ ਆਪਣੀ ਪਛਾਣ ਹੋਰ ਮਜ਼ਬੂਤ ਕਰ ਰਿਹਾ ਹੈ। ਇਹ ਸਹੂਲਤ ਖਿਡਾਰੀਆਂ ਨੂੰ ਵੱਖ-ਵੱਖ ਰਫ਼ਤਾਰ, ਲੰਬਾਈ ਅਤੇ ਦਿਸ਼ਾ ਵਾਲੀਆਂ ਗੇਂਦਾਂ ਦਾ ਅਭਿਆਸ ਕਰਵਾਉਂਦੀ ਹੈ, ਜਿਸ ਨਾਲ ਉਨ੍ਹਾਂ ਦੀ ਬੈਟਿੰਗ, ਫੁੱਟਵਰਕ, ਰਿਫਲੈਕਸ, ਟਾਈਮਿੰਗ ਅਤੇ ਮੈਚ ਖੇਡਣ ਦੀ ਯੋਗਤਾ ਵਿੱਚ ਸੁਧਾਰ ਹੁੰਦਾ ਹੈ। ਕ੍ਰਿਕਟ ਐਕਸੀਲੈਂਸ ਸੈਂਟਰ ਵਿੱਚ ਪਹਿਲਾਂ ਹੀ ਦੋ ਪ੍ਰੋਫੈਸ਼ਨਲ ਆਰਗੈਨਿਕ ਮਿੱਟੀ ਦੀਆਂ ਵਿਕਟਾਂ, ਇੱਕ ਸਿੰਥੈਟਿਕ ਪ੍ਰੈਕਟਿਸ ਵਿਕਟ, ਇੱਕ ਸੀਮੈਂਟ ਪ੍ਰੈਕਟਿਸ ਵਿਕਟ ਅਤੇ ਆਧੁਨਿਕ ਕੋਚਿੰਗ ਸਹੂਲਤਾਂ ਮੌਜੂਦ ਹਨ। ਹੁਣ ਆਟੋਮੈਟਿਕ ਬੌਲਿੰਗ ਮਸ਼ੀਨ ਨਾਲ ਖਿਡਾਰੀਆਂ ਨੂੰ ਹੋਰ ਵਧੀਆ ਅਭਿਆਸ ਦਾ ਮੌਕਾ ਮਿਲੇਗਾ। ਇੱਥੇ ਲੜਕਿਆਂ ਅਤੇ ਲੜਕੀਆਂ ਨੂੰ ਅਨੁਸ਼ਾਸਿਤ ਅਤੇ ਉਤਸ਼ਾਹਭਰੇ ਮਾਹੌਲ ਵਿੱਚ ਟ੍ਰੇਨਿੰਗ ਦਿੱਤੀ ਜਾਂਦੀ ਹੈ। ਤਕਨੀਕੀ ਹੁਨਰਾਂ ਦੇ ਨਾਲ-ਨਾਲ ਸਰੀਰਕ ਤੰਦਰੁਸਤੀ, ਮਾਨਸਿਕ ਮਜ਼ਬੂਤੀ, ਟੀਮ ਭਾਵਨਾ ਅਤੇ ਖੇਡ ਭਾਵਨਾ ’ਤੇ ਵੀ ਖਾਸ ਧਿਆਨ ਦਿੱਤਾ ਜਾਂਦਾ ਹੈ। ਸੈਂਟਰ ਦਾ ਮਕਸਦ ਖਿਡਾਰੀਆਂ ਨੂੰ ਜ਼ਲ੍ਹਿਾ, ਰਾਜ ਅਤੇ ਰਾਸ਼ਟਰੀ ਪੱਧਰ ਦੀਆਂ ਪ੍ਰਤੀਯੋਗਿਤਾਵਾਂ ਲਈ ਤਿਆਰ ਕਰਨਾ ਹੈ। ਏਜੀਆਈ ਇੰਫਰਾ ਲਿਮਿਟੇਡ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਏਜੀਆਈ ਸਪੋਰਟਸ ਇੰਸਟੀਚਿਊਟ ਆਫ ਇੰਡੀਆ (ਰਜਿ.) ਦੇ ਚੇਅਰਪਰਸਨ ਸਰਦਾਰ ਸੁਖਦੇਵ ਸਿੰਘ ਨੇ ਆਪਣੇ ਸੰਦੇਸ਼ ਵਿੱਚ ਕਿਹਾ,ਕਿ ਸਾਡਾ ਮਕਸਦ ਹਰ ਉਭਰਦੇ ਕ੍ਰਿਕਟਰ ਨੂੰ ਦੇਸ਼ ਦੀਆਂ ਸਭ ਤੋਂ ਵਧੀਆ ਕ੍ਰਿਕਟ ਅਕੈਡਮੀਆਂ ਵਰਗੀਆਂ ਸਹੂਲਤਾਂ ਦੇਣਾ ਹੈ। ਨਵੀਂ ਆਟੋਮੈਟਿਕ ਬੌਲਿੰਗ ਮਸ਼ੀਨ ਅਤੇ ਟ੍ਰੇਨਿੰਗ ਪਿਚ ਨਾਲ ਖਿਡਾਰੀ ਹੋਰ ਸਹੀ ਢੰਗ ਅਤੇ ਪੂਰੇ ਆਤਮਵਿਸ਼ਵਾਸ ਨਾਲ ਅਭਿਆਸ ਕਰ ਸਕਣਗੇ। ਅਸੀਂ ਚਾਹੁੰਦੇ ਹਾਂ ਕਿ ਸਾਡੇ ਨੌਜਵਾਨ ਕ੍ਰਿਕਟਰ ਭਵਿੱਖ ਵਿੱਚ ਪੰਜਾਬ ਅਤੇ ਭਾਰਤ ਦਾ ਨਾਮ ਰੌਸ਼ਨ ਕਰਨ। ਹਰ ਅਭਿਆਸ ਉਚਾਈਆਂ ਵੱਲ ਇੱਕ ਕਦਮ ਹੈ ਅਤੇ ਹਰ ਖਿਡਾਰੀ ਨੂੰ ਆਪਣੀ ਪੂਰੀ ਯੋਗਤਾ ਦਿਖਾਉਣ ਦਾ ਮੌਕਾ ਮਿਲਣਾ ਚਾਹੀਦਾ ਹੈ। ਸ਼ਾਨਦਾਰ ਸਹੂਲਤਾਂ, ਤਜਰਬੇਕਾਰ ਕੋਚਾਂ, ਆਧੁਨਿਕ ਸਾਜ਼ੋ-ਸਾਮਾਨ ਅਤੇ ਖਿਡਾਰੀਆਂ ਦੇ ਸਰਵਪੱਖੀ ਵਿਕਾਸ ’ਤੇ ਖਾਸ ਧਿਆਨ ਦੇ ਕਾਰਨ ਜਲੰਧਰ ਹਾਈਟਸ ਕ੍ਰਿਕਟ ਐਕਸੀਲੈਂਸ ਸੈਂਟਰ ਉੱਤਰੀ ਭਾਰਤ ਦੇ ਪ੍ਰਮੁੱਖ ਕ੍ਰਿਕਟ ਟ੍ਰੇਨਿੰਗ ਕੇਂਦਰਾਂ ਵਿੱਚ ਤੇਜ਼ੀ ਨਾਲ ਆਪਣੀ ਵੱਖਰੀ ਪਛਾਣ ਬਣਾ ਰਿਹਾ ਹੈ।
