ਨਕੋਦਰ ਰੋਡ ਦੇ ਕੋਲ ਸੀਵਰੇਜ ਬੰਦ ਹੋਣ ਨਾਲ ਲੰਬੇ ਸਮੇਂ ਤੋਂ ਪੇ੍ਸ਼ਾਨ ਨੇ ਲੋਕ
ਜਲੰਧਰ, 4 ਅਗਸਤ (ਸ਼ਿਵ)- ਡੀ. ਬੀ.
ਜਲੰਧਰ, 4 ਅਗਸਤ (ਸ਼ਿਵ)- ਡੀ. ਬੀ. ਆਰ. ਅੰਬੇਡਕਰ ਚੌਕ ਤੋਂ ਨਕੋਦਰ ਰੋਡ ਨੂੰ ਜਾਂਦੇ ਹੋਏ ਖੱਬੇ ਪਾਸੇ ਕੌਂਸਲਰ ਕਾਂਗਰਸ ਕੌਂਸਲਰ ਅਤੇ ਇਕ ਆਪ ਦੇ ਕੌਂਸਲਰ ਦਾ ਵਾਰਡ ਹੈ। ਉਕਤ ਕੌਂਸਲਰਾਂ ਦੀ ਉੱਥੇ ਰਿਹਾਇਸ਼ ਵੀ ਹੈ। ਉਕਤ ਇਲਾਕੇ ਵਿਚ ਪਿਛਲੇ ਛੇ ਮਹੀਨਿਆਂ ਤੋਂ ਇੱਥੇ ਸੀਵਰੇਜ ਬੰਦ ਹੈ ਉੱਥੋਂ ਦੇ ਦੁਕਾਨਦਾਰਾਂ ਅਤੇ ਰੇੜੀ ਵਾਲਿਆਂ ਨੇ ਆਪਣੇ ਕੋਲੋਂ ਜੇਬਾਂ ਚੋਂ ਪੈਸੇ ਪਾ ਕੇ ਉੱਥੇ ਮਲਬਾ ਪੁਆਇਆ ਹੈ । ਪਿਛਲੇ ਛੇ ਮਹੀਨਿਆਂ ਤੋਂ ਇੱਥੇ ਸੀਵਰੇਜ ਨਹੀਂ ਸਾਫ਼ ਹੋਇਆ । ਪਿਛਲੇ ਛੇ ਮਹੀਨੇ ਤੋਂ ਲੋਕ ਉੱਥੇ ਰੇੜੀਆਂ ਜਾਂ ਦੁਕਾਨਦਾਰ ਸੀਵਰੇਜ ਦੇ ਪਾਣੀ ’ਚ ਖੜੇ ਰਹਿੰਦੇ ਸਨ। ਲੋਕਾਂ ਦਾ ਕਹਿਣਾ ਸੀ ਕਿ ਨਿਗਮ ਵਲੋਂ ਵਿਕਾਸ ਦੇ ਕੰਮਾਂ ਲਈ ਕਰੋੜਾਂ ਰੁਪਏ ਖ਼ਰਚ ਕੀਤੇ ਜਾਂਦੇ ਹਨ ਪਰ ਨਾਲ ਹੀ ਉਨਾਂ ਨੂੰ ਲੋਕਾਂ ਦੀਆਂ ਸਮੱਸਿਆਵਾਂ ਵੀ ਹੱਲ ਕਰਵਾਉਣੀਆਂ ਚਾਹੀਦੀਆਂ ਹਨ ਤਾਂ ਜੋ ਲੋਕਾਂ ਦੀ ਪੇ੍ਰਸ਼ਾਨੀ ਖ਼ਤਮ ਹੋ ਸਕੇ। ਵਾਰਡ ਨੰਬਰ 39 ਵਿਚ ਸੀਵਰੇਜ ਸਮੱਸਿਆ ਹੱਲ ਕਰਵਾਈ ਜਲੰਧਰ, ਵਾਰਡ ਨੰਬਰ 39 ਦੀ ਕੌਂਸਲਰ ਮਨਜੀਤ ਕੌਰ ਦਾਦਰਾ ਅਤੇ ਉਨਾਂ ਦੇ ਪਤੀ ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਲੱਕੀ ਦਾਦਰਾ ਨੇ ਕਿਹਾ ਕਿ ਮਲਕੋ ਤਰਾੜ ਵਿਖੇ ਪਿਛਲੇ 20 ਸਾਲਾਂ ਤੋਂ ਸੀਵਰੇਜ ਦੀ ਸਮੱਸਿਆ ਸੀ ਅਤੇ ਇਹ ਇਲਾਕਾ ਪਹਿਲਾਂ ਦਿਹਾੜੀ ਖੇਤਰ ਵਿਚ ਪੈਂਦਾ ਸੀ । 2025 ਦੀ ਚੋਣਾਂ ਵਿਚ ਇਹ ਨਗਰ ਨਿਗਮ ਦੀ ਹੱਦ ਵਿਚ ਆ ਗਿਆ ਤੇ ਹੁਣ ਇਹ ਉਨਾਂ ਦੇ ਵਾਰਡ ਦਾ ਹਿੱਸਾ ਬਣ ਗਿਆ। ਲੱਕੀ ਦਾਦਰਾ ਨੇ ਕਿਹਾ ਇਲਾਕਾ ਨਿਵਾਸੀਆਂ ਦੀ ਵਾਰਡ ਵਾਸੀਆਂ ਦੀ ਮੁੱਖ ਮੰਗ ਸੀ ਕਿ ਇਲਾਕੇ ਦੀ ਸੀਵਰੇਜ ਸਮੱਸਿਆ ਹੱਲ ਕੀਤੀ ਜਾਵੇ। ਉਸ ਨੂੰ ਸ਼ਹਿਰ ਦੇ ਨਾਲ ਜੋੜਿਆ ਜਾਵੇ। ਲੱਕੀ ਦਾਦਰਾ ਨੇ ਕਿਹਾ ਕਿ ਨਗਰ ਨਿਗਮ ਅਧਿਕਾਰੀਆਂ ਅਤੇ ਮੇਅਰ ਵਨੀਤ ਧੀਰ ਅਤੇ ਹਲਕਾ ਕਰਤਾਰਪੁਰ ਵਿਧਾਇਕ ਬਲਕਾਰ ਸਿੰਘ ਨਾਲ ਮਿਲ ਕੇ ਇਹ ਕੰਮ ਪਾਸ ਕਰਾਇਆ ਗਿਆ ਜਿਸ ਦੇ ਉੱਪਰ ਜਲਦ ਕੰਮ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਇਸ ਨਾਲ ਵਾਰਡ ਦੇ ਲੋਕਾਂ ਨੂੰ ਰਾਹਤ ਮਿਲੇਗੀ।
