ਪਤੀ ਉਮੰਗ ਬੱਸੀ , ਸੱਸ ਕੁਸੂਮ ਬੱਸੀ ਪੁਲਿਸ ਵਲੋਂ ਉਜੈਨ ਤੋਂ ਗ੍ਰਿਫ਼ਤਾਰ ਲੈਕਚਰਾਰ ਨੇਹਾ ਤੇ ਆੜ੍ਹਤੀ ਉਮੰਗ ਬੱਸੀ ਦੀ ਬੇਟੀ ਵੀ ਮਿਲੀ

“ਨੇਹਾ ਹਾਰਪਿਕ ਹੱਤਿਆ ਕਾਂਡ ਮਾਮਲਾ’’ ਕਰਤਾਰਪੁਰ, 26 ਅਗਸਤ (ਭਜਨ ਸਿੰਘ)-ਨੇਹਾ ਹੱਤਿਆ ਕਾਂਡ ਮਾਮਲੇ ਵਿਚ ਪੁਲਿਸ ਨੂੰ ਅੱਜ ਉਸ ਵੇਲੇ ਵੱਡੀ ਸਫ਼ਲਤਾ ਮਿਲੀ ਜਦ ਪੁਲਿਸ ਵਲੋਂ ਟੈਕਨੀਕਲ ਤਰੀਕੇ ਨਾਲ ਅਤੇ ਪੁਲਿਸ ਦੇ ਗੁਪਤ ਸੂਤਰਾਂ ਰਾਹੀਂ ਇੰਸਪੈਕਟਰ ਰਮਨਦੀਪ ਸਿੰਘ ਦੀ ਅਗਵਾਈ ਹੇਠ ਪੁਲਿਸ ਪਾਰਟੀ ਵਲੋਂ ਨੇਹਾ ਹੱਤਿਆ ਕਾਂਡ ਦੇ ਮੁੱਖ ਮੁਲਜ਼ਮ ਪਤੀ ਉਮੰਗ ਬੱਸੀ ਤੇ ਸੱਸ ਕੁਸੂਮ ਬੱਸੀ ਨੂੰ ਮੱਧ ਪ੍ਰਦੇਸ਼ ਦੇ ਸ਼ਹਿਰ ਉਜੈਨ ਤੋਂ ਗ੍ਰਿਫਤਾਰ ਕਰਕੇ ਕੋਰਟ ਵਿਚ ਪੇਸ਼ ਕਰਕੇ 48 ਘੰਟੇ ਦਾ ਟਰਾਂਜਿਟ ਰਿਮਾਂਡ ਹਾਸਲ ਕਰਕੇ ਪੁਲਿਸ ਪਾਰਟੀ ਵਲੋਂ ਪੰਜਾਬ ਲਿਆਉਣ ਲਈ ਲੀਗਲ ਕਾਰਵਾਈ ਕੀਤੇ ਜਾਣ ਸਬੰਧੀ ਜਾਣਕਾਰੀ ਮਿਲੀ ਹੈ। ਭਰੋਸੇਯੋਗ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਲੈਕਚਰਾਰ ਨੇਹਾ ਭਗਰੀਆ ਤੇ ਉਮੰਗ ਬੱਸੀ ਦੀ 6 ਸਾਲਾ ਬੇਟੀ ਵੀ ਆਪਣੇ ਪਿਤਾ ਉਮੰਗ ਬੱਸੀ ਦੇ ਨਾਲ ਹੀ ਉਜੈਨ ਵਿੱਚ ਸੀ ।