ਆਬਕਾਰੀ ਵਿਭਾਗ ਵਲੋਂ ਕਈ ਥਾਵਾਂ ’ਤੇ ਛਾਪੇਮਾਰੀ
ਜਲੰਧਰ, 22 ਸਤੰਬਰ (ਸ਼ਿਵ)- ਆਬਕਾਰੀ ਨਿਯਮਾਂ ਨੂੰ ਸਖ਼ਤੀ ਨਾਲ ਲਾਗੂ ਕਰਵਾਉਣ ਲਈ ਆਬਕਾਰੀ ਵਿਭਾਗ ਵਲੋਂ ਲਗਾਤਾਰ ਕਾਰਵਾਈਆਂ ਕੀਤੀਆਂ ਜਾ ਰਹੀਆਂ ਹਨ। ਸੀਨੀਅਰ ਅਫ਼ਸਰਾਂ ਵਲੋਂ ਮੀਟਿੰਗ ਦੌਰਾਨ ਦਿੱਤੀਆਂ ਹਦਾਇਤਾਂ ਦੇ ਤਹਿਤ ਆਬਕਾਰੀ ਵਿਭਾਗ ਦੀ ਟੀਮ ਨੇ ਸਹਾਇਕ ਕਮਿਸ਼ਨਰ (ਐਕਸਾਈਜ਼) ਜਲੰਧਰ ਪੱਛਮੀ ਡਾ.
ਜਲੰਧਰ, 22 ਸਤੰਬਰ (ਸ਼ਿਵ)- ਆਬਕਾਰੀ ਨਿਯਮਾਂ ਨੂੰ ਸਖ਼ਤੀ ਨਾਲ ਲਾਗੂ ਕਰਵਾਉਣ ਲਈ ਆਬਕਾਰੀ ਵਿਭਾਗ ਵਲੋਂ ਲਗਾਤਾਰ ਕਾਰਵਾਈਆਂ ਕੀਤੀਆਂ ਜਾ ਰਹੀਆਂ ਹਨ। ਸੀਨੀਅਰ ਅਫ਼ਸਰਾਂ ਵਲੋਂ ਮੀਟਿੰਗ ਦੌਰਾਨ ਦਿੱਤੀਆਂ ਹਦਾਇਤਾਂ ਦੇ ਤਹਿਤ ਆਬਕਾਰੀ ਵਿਭਾਗ ਦੀ ਟੀਮ ਨੇ ਸਹਾਇਕ ਕਮਿਸ਼ਨਰ (ਐਕਸਾਈਜ਼) ਜਲੰਧਰ ਪੱਛਮੀ ਡਾ. ਹਰਸਿਮਰਤ ਕੌਰ ਗਰੇਵਾਲ ਦੀ ਅਗਵਾਈ ਹੇਠ ਸ਼ਹਿਰ ਦੇ ਵੱਖ-ਵੱਖ ਬਾਰਾਂ ਦੀ ਜਾਂਚ ਕੀਤੀ। ਟੀਮ ’ਚ ਐਕਸਾਈਜ਼ ਇੰਸਪੈਕਟਰ ਮਨਜੀਤ ਸਿੰਘ, ਸੁਮੰਤ ਮਾਹੀ, ਇੰਦਰਬੀਰ ਸਿੰਘ ਅਤੇ ਆਬਕਾਰੀ ਪੁਲਿਸ ਸਟਾਫ਼ ਸ਼ਾਮਿਲ ਸੀ। ਜਾਂਚ ਦੌਰਾਨ ਮੈਸਰਜ਼ ਜੇ.ਪੀ. ਹਾਸਪਿਟੈਲਿਟੀ ਦਾ ਸਟਾਕ ਰਜਿਸਟਰ ਅਧੂਰਾ ਮਿਲਿਆ। ਇਸ ਤੋਂ ਇਲਾਵਾ ਨਾਜਾਇਜ਼ ਹੋਲੋਗ੍ਰਾਮ ਵਾਲੀਆਂ ਬੀਅਰ ਦੀਆਂ ਬੋਤਲਾਂ ਅਤੇ ਹੋਰ ਰਾਜਾਂ ਨਾਲ ਸੰਬੰਧਿਤ ਵਰਤੀਆਂ ਹੋਈਆਂ ਸ਼ਰਾਬ ਦੀਆਂ ਬੋਤਲਾਂ ਵੀ ਮਿਲੀਆਂ। ਸੰਬੰਧਤ ਵਿਅਕਤੀ ਦਾ ਬਿਆਨ ਦਰਜ ਕਰਕੇ ਨਿਯਮਾਂ ਅਨੁਸਾਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ ਮੈਸਰਜ ਬਲੈੱਸਡ ਐਂਡ ਡ੍ਰੈੱਸਡ ’ਚ ਭੌਤਿਕ ਸਟਾਕ ਦੀ ਸਟਾਕ ਰਜਿਸਟਰ ਨਾਲ ਜਾਂਚ ਕੀਤੀ ਗਈ, ਜੋ ਸਹੀ ਪਾਇਆ ਗਿਆ। ਇੱਥੇ ਪੰਜਾਬ ਤੋਂ ਬਾਹਰਲੇ ਰਾਜਾਂ ਨਾਲ ਸੰਬੰਧਿਤ ਕੋਈ ਸ਼ਰਾਬ ਨਹੀਂ ਮਿਲੀ ਅਤੇ ਸਟਾਕ ਰਜਿਸਟਰ ਵੀ ਮੁਕੰਮਲ ਪਾਇਆ ਗਿਆ। ਇਸੇ ਤਰ੍ਹਾਂ ਮੈਸਰਜ਼ ਪਾਰਾ ਫੂਡਜ਼ ’ਚ ਮੈਨੇਜਰ ਡਰਾਫਟ ਬੀਅਰ ਰਜਿਸਟਰ ਜਾਂਚ ਲਈ ਪੇਸ਼ ਨਹੀਂ ਕਰ ਸਕਿਆ। ਹਾਲਾਂਕਿ, ਆਈ.ਐੱਮ.ਐੱਫ.ਐੱਲ. ਸਟਾਕ ਦੀ ਸਟਾਕ ਰਜਿਸਟਰ ਨਾਲ ਜਾਂਚ ਕਰਨ ’ਤੇ ਇਹ ਸਹੀ ਪਾਇਆ ਗਿਆ। ਸਹਾਇਕ ਕਮਿਸ਼ਨਰ ਹਰਸਿਮਰਤ ਕੌਰ ਗਰੇਵਾਲ ਨੇ ਦੱਸਿਆ ਕਿ ਸ਼ਿਕਾਇਤਾਂ ਮਿਲਣ ’ਤੇ ਇਸ ਤਰ੍ਹਾਂ ਦੇ ਮਾਮਲਿਆਂ ’ਚ ਲਗਾਤਾਰ ਕਾਰਵਾਈ ਹੁੰਦੀ ਰਹਿੰਦੀ ਹੈ।
