ਡੱਬਵਾਲੀ, 25 ਫ਼ਰਵਰੀ (ਇਕਬਾਲ ਸਿੰਘ ਸ਼ਾਂਤ)-ਪਿੰਡ ਪੰਨੀਵਾਲਾ ਰੁਲਦੂ ਸਥਿਤ ਸੰਤ ਬਾਬਾ ਰਾਮਗਿਰ ਦੀ ਸਮਾਧੀ ਵਿਖੇ 3 ਮਾਰਚ ਨੂੰ ਫੱਗਣ ਸ਼ੁਕਲ ਪੂਰਣਿਮਾ ਮੌਕੇ ਸਾਲਾਨਾ ਫੱਗਣ ਮੇਲਾ ਲਗਾਇਆ ਜਾਵੇਗਾ | ਮੇਲੇ ਵਿਚ ਵੱਡੀ ਗਿਣਤੀ ਸ਼ਰਧਾਲੂ ਨਤਮਸਤਕ ਹੋਣਗੇ | ਸੇਵਾ ਸੰਮਤੀ ਦੇ ਚੇਅਰਮੈਨ ਕਿ੍ਸ਼ਨ ਮਹਿਤਾ ਤੇ ਪ੍ਰਧਾਨ ਸੌਰਭ ਗਰਗ ਮੁਤਾਬਕ ਧਾਰਮਿਕ ਸਮਾਗਮ ਦੀ ਸ਼ੁਰੂਆਤ ਸਵੇਰੇ 9 ਵਜੇ ਵੱਖ-ਵੱਖ ਧਾਰਮਿਕ ਰਸਮਾਂ-ਰਵਾਇਤਾਂ ਨਾਲ ਹੋਵੇਗੀ | ਭਜਨ ਗਾਇਕ ਕੌਂਸਲਰ ਕਿ੍ਸ਼ਨ ਕਾਮਰਾ ਵਲੋਂ ਭਜਨਾਂ ਦੇ ਨਾਲ ਸੰਗਤ ਨੂੰ ਨਿਹਾਲ ਕੀਤਾ ਜਾਵੇਗਾ |
