ਮਲੋਟ, 2 ਅਪ੍ਰੈਲ (ਅਜਮੇਰ ਸਿੰਘ ਬਰਾੜ)-ਲਾਇਨਜ਼ ਕਲੱਬ ਮਲੋਟ (ਰੋਇਲਸ) ਦੀ ਮੀਟਿੰਗ ਵਿਚ ਨਵੇਂ ਸਾਲ ਲਈ ਚੋਣ ਕੀਤੀ ਗਈ | ਜਾਣਕਾਰੀ ਦਿੰਦਿਆਂ ਸੰਜੀਵ ਅਰੋੜਾ ਨੇ ਦੱਸਿਆ ਕਿ ਪਿਛਲੇ ਸਾਲ ਵਾਂਗ ਹੀ ਇਸ ਸਾਲ ਵੀ ਸੁਨੀਸ਼ ਗੋਇਲ ਨੂੰ ਲਾਇਨਜ਼ ਕਲੱਬ ਮਲੋਟ (ਰੋਇਲਸ) ਦਾ ਪ੍ਰਧਾਨ ਚੁਣ ਲਿਆ ਗਿਆ ਹੈ | ਇਸੇ ਤਰ੍ਹਾਂ ਹੀ ਦੀਪਕ ਕੁਮਾਰ ਨੂੰ ਸਕੱਤਰ, ਦਰਮੇਸ਼ ਬਾਂਸਲ ਨੂੰ ਖ਼ਜ਼ਾਨਚੀ, ਅਮਿਤ ਵਧਵਾ ਨੂੰ ਪੀ.ਆਰ.ਓ., ਹਰਭਗਵਾਨ ਸਿੰਗਲਾ ਨੂੰ ਐਡੀਸ਼ਨਲ ਸਕੱਤਰ ਤੇ ਸੰਜੀਵ ਅਰੋੜਾ ਨੂੰ ਪ੍ਰੈੱਸ ਸਕੱਤਰ ਬਣਾਇਆ ਗਿਆ | ਇਸ ਦੁਬਾਰਾ ਚੁਣੀ ਗਈ ਟੀਮ ਨੇ ਕਲੱਬ ਮੈਂਬਰਾਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਪਹਿਲਾਂ ਵਾਂਗ ਹੀ ਪੂਰੀ ਤਨਦੇਹੀ ਨਾਲ ਸੇਵਾ ਕਰਦੇ ਰਹਿਣਗੇ | ਪ੍ਰਧਾਨ ਸੁਨੀਸ਼ ਗੋਇਲ ਨੇ ਵਿਸ਼ਵਾਸ ਦਿਵਾਇਆ ਕਿ ਪਿਛਲੇ ਸਾਲ ਨਾਲੋਂ ਇਸ ਸਾਲ ਵਧੇਰੇ ਸੁਵਿਧਾ ਕੈਂਪ ਤੇ ਵਧੇਰੇ ਲੋਕ ਸੇਵਾ ਦਾ ਟੀਚਾ ਰੱਖਿਆ ਗਿਆ ਹੈ |
