ਸ੍ਰੀ ਮੁਕਤਸਰ ਸਾਹਿਬ, 28 ਅਪ੍ਰੈਲ (ਰਣਜੀਤ ਸਿੰਘ ਢਿੱਲੋਂ)-ਗਊ ਸਨਮਾਨ ਬੁਲਾਉਣ ਮੁਹਿੰਮ ਵਲੋਂ ਏ.ਡੀ.ਸੀ. ਡੈਵੀ ਗੋਇਲ ਨੂੰ ਗਊਆਂ ਦੀ ਸੁਰੱਖਿਆ ਲਈ ਮੰਗ ਪੱਤਰ ਸੌਂਪਿਆ ਗਿਆ | ਇਸ ਮੌਕੇ ਸੂਬੇ ਦੇ ਸੰਤਾਂ, ਗਊ ਰੱਖਿਅਕਾਂ ਅਤੇ ਨਾਗਰਿਕਾਂ ਨੇ ਸਰਕਾਰ ਨੂੰ ਅਪੀਲ ਕੀਤੀ ਕਿ ਉਹ ਗਊਆਂ ਨੂੰ ਸਿਰਫ਼ ਤਰਸ ਦੀ ਵਸਤੂ ਨਾ ਸਮਝੇ, ਸਗੋਂ ਰਾਜ ਦੀ ਸੰਪਤੀ ਅਤੇ ਪੇਂਡੂ ਵਿਕਾਸ ਦਾ ਇੰਜਣ ਮੰਨੇ | ਮੰਗ ਪੱਤਰ ਰਾਹੀਂ ਮੰਗ ਕੀਤੀ ਗਈ ਕਿ ਸੰਵਿਧਾਨ ਦੀ ਧਾਰਾ 48 ਵਿਚ ਸੋਧ ਕਰਕੇ ਦੇਸ਼ 'ਚ ਗਊ ਹੱਤਿਆ 'ਤੇ ਪੂਰਨ ਪਾਬੰਦੀ ਲਗਾਈ ਜਾਵੇ ਅਤੇ ਕੇਂਦਰੀ ਗਊ ਸੇਵਾ ਤੇ ਸੁਰੱਖਿਆ ਇਸ ਕਾਨੂੰਨ ਨੂੰ ਲਾਗੂ ਕੀਤਾ ਜਾਣਾ ਚਾਹੀਦਾ ਹੈ | ਇਸ ਮੌਕੇ ਹਲਕਾ ਇੰਚਾਰਜ ਗੋਸਵਾਮੀ ਮਾਣਕ ਬਾਵਾ, ਨਵੀਨ ਕੁਮਾਰ ਨਵੀ ਮੋਰਵਾਲ, ਵਿਕਰਾਂਤ ਤੇਰ੍ਹੀਆ, ਪੂਜਾ ਕੱਕੜ, ਹਰੀਸ਼ ਵਾਟਸ, ਰਜਿੰਦਰ ਕੁਮਾਰ, ਗਊਸ਼ਾਲਾ ਪ੍ਰਧਾਨ ਅੰਮਿ੍ਤ ਖੁਰਾਣਾ, ਪ੍ਰਾਪਰਟੀ ਡੀਲਰ ਐਸੋਸੀਏਸ਼ਨ ਪ੍ਰਧਾਨ ਅਸ਼ੋਕ ਚੁੱਘ, ਬਿਰੇਸ਼ ਧੀਮਾਨ, ਮਹਿਮਾ ਬਰਾੜ, ਕਾ. ਸ਼ਰਮਾ ਅਤੇ ਕਈ ਗਊ ਭਗਤ ਹਾਜ਼ਰ ਸਨ |
