16-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 07-05-2026

ਪੰਜਾਬ ਦੇ ਪੰਜ ਜ਼ਿਲਿ੍ਹਆਂ 'ਚ 319 ਖਰੀਦ ਕੇਂਦਰਾਂ 'ਤੇ ਕਣਕ ਖਰੀਦ ਬੰਦ <br/>

Ad Position 21
No active advertisement
ਅਜੀਤ ਡੈਸਕ 07-05-2026
ਮੰਡੀ ਕਿੱਲਿਆਂਵਾਲੀ, 6 ਮਈ (ਇਕਬਾਲ ਸਿੰਘ ਸ਼ਾਂਤ)-ਪੰਜਾਬ ਦੇ ਪੰਜ ਜ਼ਿਲਿ੍ਹਆਂ ਵਿਚ 319 ਖਰੀਦ ਕੇਂਦਰਾਂ 'ਤੇ ਅੱਜ ਸ਼ਾਮ ਤੋਂ ਮੌਜੂਦਾ ਕਣਕ ਖਰੀਦ/ਵੇਚ ਬੰਦ ਕਰ ਦਿੱਤੀ ਗਈ ਹੈ | ਇਸ ਫ਼ੈਸਲੇ ਨਾਲ ਸ੍ਰੀ ਮੁਕਤਸਰ ਸਾਹਿਬ ਦੇ 98 ਖਰੀਦ ਕੇਂਦਰ, ਬਠਿੰਡਾ ਦੇ 143, ਸੰਗਰੂਰ ਦੇ 17 ਖਰੀਦ ਕੇਂਦਰ, ਫ਼ਿਰੋਜ਼ਪੁਰ ਦੇ ਕੁੱਲ 50 ਕੇਂਦਰ ਅਤੇ ਜ਼ਿਲ੍ਹਾ ਤਰਨਤਾਰਨ ਦੇ ਸਭ ਤੋਂ ਘੱਟ 11 ਕੇਂਦਰ ਬੰਦ ਹੋਏ ਹਨ | ਜਾਣਕਾਰੀ ਮੁਤਾਬਿਕ ਪੰਜਾਬ ਮੰਡੀ ਬੋਰਡ ਦੇ ਸਕੱਤਰ ਕੁਮਾਰ ਅਮਿਤ ਵਲੋਂ ਇਹ ਨਿਰਦੇਸ਼ ਖੁਰਾਕ ਸਿਵਲ ਸਪਲਾਈ ਵਿਭਾਗ ਦੀ ਸਿਫਾਰਸ਼ 'ਤੇ ਜਾਰੀ ਕੀਤੇ ਗਏ ਹਨ | ਕੇਂਦਰਾਂ ਦੇ ਬੰਦ ਕਰਨ ਦਾ ਕਾਰਨ ਕਣਕ ਦੀ ਸਰਕਾਰੀ ਖਰੀਦ ਅੰਤਿਮ ਪੜਾਅ 'ਤੇ ਪੁੱਜਣ ਦੀ ਗੱਲ ਆਖੀ ਗਈ ਹੈ, ਪੱਤਰ ਮੁਤਾਬਿਕ ਬਾਕੀ ਸਾਰੇ ਮੁੱਖ ਯਾਰਡ ਅਤੇ ਸਬ-ਯਾਰਡ ਆਮ ਵਾਂਗ ਜਾਰੀ ਰਹਿਣਗੇ | ਇਸ ਫ਼ੈਸਲੇ ਕਰਕੇ ਬਠਿੰਡਾ ਜ਼ਿਲ੍ਹੇ ਵਿਚ ਮਾਰਕੀਟ ਕਮੇਟੀ ਰਾਮਪੁਰਾ ਅਧੀਨ 31, ਮੌੜ ਅਧੀਨ 20, ਨਥਾਣਾ ਤਹਿਤ 14 ਤੇ ਗੋਨਿਆਣਾ ਅਧੀਨ 16 ਕੇਂਦਰਾਂ ਵਿਚ ਖਰੀਦ ਕਾਰਜ ਨੂੰ ਬੰਦ ਕਰ ਦਿੱਤਾ ਗਿਆ ਹੈ | ਇਸੇ ਤਰ੍ਹਾਂ ਤਲਵੰਡੀ ਸਾਬੋ ਦੀਆਂ 18 ਤੇ ਰਾਮਾਂ ਮਾਰਕੀਟ ਕਮੇਟੀ ਦੀਆਂ 13 ਮੰਡੀਆਂ ਸਮੇਤ ਬਠਿੰਡਾ, ਸੰਗਤ, ਗਿੱਦੜਬਾਹਾ ਅਤੇ ਭਗਤਾ ਭਾਈ ਕਾ ਸਮੇਤ ਹੋਰਨਾਂ ਖਰੀਦ ਕੇਂਦਰਾਂ 'ਚ ਹੁਣ ਕਣਕ ਖਰੀਦ ਨਹੀਂ ਹੋ ਸਕੇਗੀ | ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਵਿਚ 98 ਖਰੀਦ ਕੇਂਦਰ ਬੰਦ ਕੀਤੇ ਗਏ ਹਨ | ਸ੍ਰੀ ਮੁਕਤਸਰ ਸਾਹਿਬ ਮਾਰਕੀਟ ਕਮੇਟੀ ਦੇ 35, ਮਲੋਟ ਮਾਰਕੀਟ ਕਮੇਟੀ ਦੇ 24 ਮੰਡੀਆਂ, ਗਿੱਦੜਬਾਹਾ ਅਧੀਨ 19, ਬਰੀਵਾਲਾ ਅਧੀਨ 10 ਅਤੇ ਕਿੱਲਿਆਂਵਾਲੀ ਮਾਰਕੀਟ ਕਮੇਟੀ ਦੇ 10 ਖਰੀਦ ਕੇਂਦਰ ਸ਼ਾਮਿਲ ਹਨ | ਫਿਰੋਜ਼ਪੁਰ ਜ਼ਿਲ੍ਹੇ ਵਿਚ ਕੁੱਲ 50 ਕੇਂਦਰ ਬੰਦ ਕੀਤੇ ਗਏ ਹਨ, ਜਿਨ੍ਹਾਂ ਵਿਚ ਫਿਰੋਜ਼ਪੁਰ ਛਾਉਣੀ ਦੇ 11, ਫ਼ਿਰੋਜ਼ਪੁਰ ਸ਼ਹਿਰ ਦੇ ਦਸ, ਗੁਰੂਹਰਸਹਾਏ ਦੇ 7, ਮੱਲਾਂਵਾਲਾ ਦੇ 8, ਮਮਦੋਟ ਦੇ 4, ਪੰਜੇ ਕੇ ਉਤਾੜ ਦੇ 4 ਅਤੇ ਜ਼ੀਰਾ ਮਾਰਕੀਟ ਕਮੇਟੀ ਦੇ 6 ਖਰੀਦ ਕੇਂਦਰ ਸ਼ਾਮਿਲ ਹਨ | ਸੰਗਰੂਰ ਜ਼ਿਲ੍ਹੇ ਦੀਆਂ 11 ਵੱਖ-ਵੱਖ ਮਾਰਕੀਟ ਕਮੇਟੀਆਂ ਹੇਠਲੇ 17 ਖਰੀਦ ਕੇਂਦਰ ਬੰਦ ਕਰ ਦਿੱਤੇ ਗਏ ਹਨ, ਜਿਸ ਵਿਚ ਭਵਾਨੀਗੜ੍ਹ ਦੇ 3, ਚੀਮਾ ਮਾਰਕੀਟ ਕਮੇਟੀ ਦੀਆਂ 3 ਮੰਡੀਆਂ ਸਮੇਤ ਹੋਰ ਕਈ ਸਥਾਨਕ ਕੇਂਦਰ ਸ਼ਾਮਿਲ ਹਨ | ਇਸੇ ਤਰ੍ਹਾਂ ਤਰਨਤਾਰਨ ਜ਼ਿਲ੍ਹੇ ਵਿਚ ਸਭ ਤੋਂ ਘੱਟ 11 ਕੇਂਦਰ ਬੰਦ ਹੋਏ ਹਨ, ਜਿਨ੍ਹਾਂ ਵਿਚ ਭਿੱਖੀਵਿੰਡ ਦੀਆਂ 3, ਨੌਸ਼ਹਿਰਾ ਪੰਨੂਆਂ ਦੀਆਂ 3, ਝਬਾਲ ਅਤੇ ਖਡੂਰ ਸਾਹਿਬ ਮਾਰਕੀਟ ਕਮੇਟੀ ਦੇ 2-2 ਕੇਂਦਰਾਂ ਤੇ ਪੱਟੀ ਮਾਰਕੀਟ ਕਮੇਟੀ ਤਹਿਤ ਇਕ ਕੇਂਦਰ ਵਿਚ ਸਰਕਾਰੀ ਖਰੀਦ ਨੂੰ ਬੰਦ ਕਰ ਦਿੱਤਾ ਗਿਆ ਹੈ |
ਕਿੱਲਿਆਂਵਾਲੀ ਸਣੇ ਦਸ ਕੇਂਦਰ ਬੰਦ
ਲੰਬੀ ਹਲਕੇ ਵਿਚ ਮਾਰਕੀਟ ਕਮੇਟੀ ਕਿੱਲਿਆਂਵਾਲੀ ਦੇ ਤਹਿਤ ਮੁੱਖ ਦਾਣਾ ਮੰਡੀ ਕਿੱਲਿਆਂਵਾਲੀ, ਖਰੀਦ ਕੇਂਦਰ ਆਧਨੀਆਂ, ਬਾਦਲ, ਭੀਟੀਵਾਲਾ, ਦਿਉਣਖੇੜਾ, ਫੱਤਾਕੇਰਾ/ਮਿੱਡੂਖੇੜਾ, ਕੱਖਾਂਵਾਲੀ, ਖੁੱਡੀਆਂ ਗੁਲਾਬ ਸਿੰਘ, ਫੁੱਲੂਖੇੜਾ ਅਤੇ ਵੜਿੰਗਖੇੜਾ ਨੂੰ ਬੰਦ ਕਰ ਦਿੱਤਾ ਗਿਆ ਹੈ |


Ad Position 22
No active advertisement
ਪਿਛਲੀ ਖ਼ਬਰ ਕਰਮਜੀਤ ਕੌਰ ਦੀ ਪੁਸਤਕ 'ਕੁੱਖ ਤੋਂ ਜਾਗ' ਜਥੇਦਾਰ ਗੜਗੱਜ ਵਲੋਂ ਲੋਕ ਅਰਪਣ <br/> ਅਗਲੀ ਖ਼ਬਰ ਦੀ ਪੰਜਾਬ ਫ਼ੋਟੋਗ੍ਰਾਫ਼ਰਜ਼ ਐਸੋਸੀਏਸ਼ਨ ਰਜਿ: ਸਾਦਿਕ ਦੇ ਅਹੁਦੇਦਾਰਾਂ ਦੀ ਚੋਣ <br/>
Ad Position 24