ਕੋਟਕਪੂਰਾ-ਬਠਿੰਡਾ-ਮਲੋਟ ਬਾਈਪਾਸ ਦੇ ਜਾਨਲੇਵਾ ਖੱਡਿਆਂ ਤੋਂ ਲੋਕ ਦੁਖੀ
ਅਜੀਤ ਡੈਸਕ
22-07-2026
ਲਿੱਪਾ-ਪੋਚੀ ਨਾਲ ਟਪਾਇਆ ਜਾ ਰਿਹੈ ਡੰਗ
2 ਨਵੰਬਰ 2025 ਨੂੰ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਵਲੋਂ ਸ੍ਰੀ ਮੁਕਤਸਰ ਸਾਹਿਬ ਵਿਖੇ 85 ਕਰੋੜ ਰੁਪਏ ਦੇ ਸੀਵਰੇਜ ਤੇ ਪੀਣ ਵਾਲੇ ਪਾਣੀ ਦੇ ਪ੍ਰੋਜੈਕਟਾਂ ਦਾ ਨੀਂਹ ਪੱਥਰ ਰੱਖਣ ਮੌਕੇ ਪ੍ਰਸ਼ਾਸਨ ਨੇ ਰਾਤੋ-ਰਾਤ ਖੱਡਿਆਂ ਵਿਚ ਰੇਤਾ-ਮਿੱਟੀ ਪਾ ਕੇ ਬੁੱਤਾ ਸਾਰਿਆ। ਇਸੇ ਤਰ੍ਹਾਂ ਜਨਵਰੀ 2026 ਵਿਚ ਮੇਲਾ ਮਾਘੀ ਮੌਕੇ ਵੀ ਸੜਕ ’ਤੇ ਇੱਟਾਂ-ਵੱਟੇ ਲਗਾ ਕੇ ਕੇਵਲ ਲਿੱਪਾ-ਪੋਚੀ ਹੀ ਕੀਤੀ ਗਈ, ਪਰ ਪੱਕਾ ਨਿਰਮਾਣ ਹਾਲੇ ਵੀ ਅਧੂਰਾ ਹੈ।
ਸਾਲ ਪਹਿਲਾਂ ਹੋਇਆ ਸੀ ਟੈਂਡਰ ਪਾਸ-ਮੰਡੀ ਬੋਰਡ
ਪੰਜਾਬ ਮੰਡੀ ਬੋਰਡ ਦੇ ਕਾਰਜਕਾਰੀ ਇੰਜੀਨੀਅਰ ਵੀਨਸ ਗਰਗ ਨੇ ਦੱਸਿਆ ਕਿ ਬਾਈਪਾਸ ਦੇ ਨਵੀਨੀਕਰਨ ਲਈ ਮੰਡੀ ਬੋਰਡ ਵਲੋਂ ਇਕ ਸਾਲ ਪਹਿਲਾਂ 92 ਲੱਖ ਰੁਪਏ ਦਾ ਬਜਟ ਪਾਸ ਕੀਤਾ ਗਿਆ ਸੀ। ਨਿਯਮਾਂ ਅਨੁਸਾਰ ਸੜਕ ਬਣਾਉਣ ਤੋਂ ਪਹਿਲਾਂ ਸੀਵਰੇਜ ਦੀ ਸਮੱਸਿਆ ਹੱਲ ਹੋਣੀ ਜ਼ਰੂਰੀ ਸੀ, ਪਰ ਇਕ ਸਾਲ ਬੀਤਣ ’ਤੇ ਵੀ ਸੀਵਰੇਜ ਦਾ ਪਾਣੀ ਸੜਕ ’ਤੇ ਹੀ ਵਹਿ ਰਿਹਾ ਹੈ। ਐਨਾ ਸਮਾਂ ਬੀਤਣ ਕਾਰਨ ਮਹਿੰਗਾਈ ਵਧ ਚੁੱਕੀ ਹੈ, ਜਿਸ ਨਾਲ ਪੁਰਾਣੇ ਐਸਟੀਮੇਟ ਅਤੇ ਟੈਂਡਰ ’ਤੇ ਕੰਮ ਕਰਨਾ ਹੁਣ ਸੰਭਵ ਨਹੀਂ ਰਿਹਾ। ਇਸ ਲਈ ਨਵ-ਨਿਰਮਾਣ ਦਾ ਕੰਮ ਲਟਕ ਗਿਆ ਹੈ।
ਅਗਲੇ ਮਹੀਨੇ ਕੰਮ ਹੋਵੇਗਾ ਸ਼ੁਰੂ-ਸੀਵਰੇਜ ਬੋਰਡ
ਸੀਵਰੇਜ ਬੋਰਡ ਦੇ ਕਾਰਜਕਾਰੀ ਇੰਜੀਨੀਅਰ ਕੇਵਲ ਗਰਗ ਨੇ ਦੱਸਿਆ ਕਿ ਬਾਈਪਾਸ ਦਾ ਕੁਝ ਹਿੱਸਾ ਨੈਸ਼ਨਲ ਹਾਈਵੇਅ, ਜੰਗਲਾਤ ਤੇ ਨਹਿਰ ਵਿਭਾਗ ਦੇ ਅਧਿਕਾਰ ਖੇਤਰ ਵਿਚ ਆਉਂਦਾ ਹੈ। ਸਾਰੀਆਂ ਧਿਰਾਂ ਤੇ ਵਿਭਾਗਾਂ ਤੋਂ ਪ੍ਰਵਾਨਗੀਆਂ ਸੀਵਰੇਜ ਲੈਣ ਵਿਚ ਸਮਾਂ ਲੱਗ ਗਿਆ ਹੈ। ਹੁਣ ਸਾਰੀਆਂ ਮਨਜ਼ੂਰੀਆਂ ਮਿਲ ਚੁੱਕੀਆਂ ਹਨ ਅਤੇ ਅਗਸਤ ਮਹੀਨੇ ਵਿਚ ਸੀਵਰੇਜ ਲਾਈਨ ਪਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਜਾਵੇਗਾ।
