ਬਹੁਜਨ ਕਰਮਚਾਰੀ ਅਤੇ ਸੇਵਾ ਮੁਕਤ ਕਰਮਚਾਰੀ ਸੰਗਠਨ ਨੇ ਜਾਗਰੂਕਤਾ ਕੈਂਪ ਲਗਾਇਆ
ਮੰਡੀ ਲੱਖੇਵਾਲੀ, 5 ਅਗਸਤ (ਮਿਲਖ ਰਾਜ)-ਬਹੁਜਨ ਕਰਮਚਾਰੀ ਅਤੇ ਸੇਵਾ ਮੁਕਤ ਕਰਮਚਾਰੀ ਸੰਗਠਨ ਸ੍ਰੀ ਮੁਕਤਸਰ ਸਾਹਿਬ ਵਲੋਂ ਪਿੰਡ ਲੱਖੇਵਾਲੀ ਵਿਖੇ ਜ਼ਿਲ੍ਹਾ ਕੋਆਰਡੀਨੇਟਰ ਮਾਸਟਰ ਸੁਖਦੇਵ ਰਾਮ ਰਹੂੜਿਆਂਵਾਲੀ ਦੀ ਅਗਵਾਈ ਵਿਚ ਬੀ. ਸੀ.
ਮੰਡੀ ਲੱਖੇਵਾਲੀ, 5 ਅਗਸਤ (ਮਿਲਖ ਰਾਜ)-ਬਹੁਜਨ ਕਰਮਚਾਰੀ ਅਤੇ ਸੇਵਾ ਮੁਕਤ ਕਰਮਚਾਰੀ ਸੰਗਠਨ ਸ੍ਰੀ ਮੁਕਤਸਰ ਸਾਹਿਬ ਵਲੋਂ ਪਿੰਡ ਲੱਖੇਵਾਲੀ ਵਿਖੇ ਜ਼ਿਲ੍ਹਾ ਕੋਆਰਡੀਨੇਟਰ ਮਾਸਟਰ ਸੁਖਦੇਵ ਰਾਮ ਰਹੂੜਿਆਂਵਾਲੀ ਦੀ ਅਗਵਾਈ ਵਿਚ ਬੀ.ਸੀ., ਓ.ਬੀ.ਸੀ. ਅਤੇ ਐੱਮ.ਬੀ.ਸੀ. ਦੀਆਂ ਜਾਤੀਆਂ ਜਿਵੇਂ ਨਾਈ, ਝੀਵਰ, ਕੰਬੋਜ, ਕੁਮਹਾਰ ਅਤੇ ਖਾਤੀ ਆਦਿ ਭਾਈਚਾਰਿਆਂ ਦਾ ਕੇਡਰ ਕੈਂਪ ਲਗਾਇਆ ਗਿਆ। ਇਸ ਦੌਰਾਨ ਉਨ੍ਹਾਂ ਨੂੰ ਦੇਸ਼ ਵਿਚ 52 ਫ਼ੀਸਦੀ ਗਿਣਤੀ ਦੇ ਹਿਸਾਬ ਨਾਲ ਉਨ੍ਹਾਂ ਦੀ ਜੋ ਸ਼ਕਤੀ ਹੈ, ਦੇ ਬਾਰੇ ਵਿਸਥਾਰ ਨਾਲ ਸਮਝਾਇਆ ਗਿਆ। ਸਰਕਾਰਾਂ ਦੁਆਰਾ ਸਮੇਂ-ਸਮੇਂ ’ਤੇ ਜੋ ਕਮਿਸ਼ਨ ਬਿਠਾਏ ਗਏ, ਉਨ੍ਹਾਂ ਨੇ ਕੀ ਰਿਪੋਰਟਾਂ ਪੇਸ਼ ਕੀਤੀਆਂ, ਕਿਨਾਂ ਸਮਾਂ ਤਤਕਾਲੀਨ ਸਰਕਾਰਾਂ ਨੇ ਮੰਡਲ ਕਮਿਸ਼ਨ ਰਿਪੋਰਟ ਲਾਗੂ ਨਹੀਂ ਕੀਤੀ, ਕਿਨੇ ਪ੍ਰਤੀਸ਼ਤ ਰਾਖਵਾਂਕਰਨ ਦਿੱਤਾ ਗਿਆ ਆਦਿ ਦੇ ਬਾਰੇ ਸਮਝਾਇਆ ਗਿਆ। ਅੰਤ ਬਹੁਜਨ ਸਮਾਜ ਪਾਰਟੀ ਦੇ ਬਾਨੀ ਸਾਹਿਬ ਸ੍ਰੀ ਕਾਂਸ਼ੀ ਰਾਮ ਨੇ ਪੂਰੇ ਦੇਸ਼ ਵਿਚ ਸੰਘਰਸ਼ ਕਰਨ ਤੋਂ ਬਾਅਦ 1990 ਵਿਚ ਮੰਡਲ ਕਮਿਸ਼ਨ ਰਿਪੋਰਟ ਲਾਗੂ ਕਰਵਾਈ, ਜਦੋਂ ਕਿ ਕਿਸੇ ਵੀ ਪੰਜਾਬ ਸਰਕਾਰ ਨੇ ਇਹ ਰਿਪੋਰਟ ਅੱਜ ਤੱਕ ਵੀ ਲਾਗੂ ਨਹੀਂ ਕੀਤੀ। ਅੰਤ ਵਿਚ ਸਾਰੇ ਸਾਥੀਆਂ ਨੂੰ ਇਕ ਨਰੋਆ ਬਹੁਜਨ ਸਮਾਜ ਬਣਾਉਣ ਅਤੇ ਇਕ ਝੰਡੇ ਥੱਲੇ ਇਕੱਠੇ ਹੋਣ ਲਈ ਅਪੀਲ ਕੀਤੀ ਗਈ। ਇਸ ਕੇਡਰ ਕੈਂਪ ਵਿਚ ਵਿਸ਼ੇਸ਼ ਮਹਿਮਾਨ ਤਰਸੇਮ ਸਿੰਘ ਲੱਖੇਵਾਲੀ, ਸ਼ਮਸ਼ੇਰ ਸਿੰਘ ਭੂੰਦੜ, ਸੁਖਮੰਦਰ ਸਿੰਘ ਬੱਲਮਗੜ੍ਹ, ਸੂਬਾ ਸਿੰਘ ਭਾਗਸਰ, ਹਰਦੀਪ ਸਿੰਘ ਸੋਥਾ, ਪ੍ਰਿੰਸੀਪਲ ਬਲਬੀਰ ਸਿੰਘ, ਮੁਕੰਦ ਸਿੰਘ ਅਤੇ ਬਲਦੇਵ ਤੰਵਰ ਹਾਜ਼ਰ ਹੋਏ। ਇਹ ਕੇਡਰ ਕੈਂਪ ਬਲਦੇਵ ਸਿੰਘ ਖ਼ਾਲਸਾ ਅਤੇ ਗੁਰਪਿੰਦਰ ਸਿੰਘ ਲੱਖੇਵਾਲੀ ਦੁਆਰਾ ਲਗਾਇਆ ਗਿਆ।
