ਬਰੇਟਾ, 28 ਜਨਵਰੀ (ਜੀਵਨ ਸ਼ਰਮਾ)- ਟਾਈਗਰ ਸਪੋਰਟਸ ਕਲੱਬ ਧਰਮਪੁਰਾ ਵਲੋਂ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ 2 ਰੋਜ਼ਾ ਕਬੱਡੀ ਖੇਡ ਮੇਲਾ ਕਰਵਾਇਆ ਗਿਆ | ਖੇਡ ਮੇਲੇ 'ਚ ਪੰਜਾਬ ਸਮੇਤ ਹਰਿਆਣੇ ਦੀਆਂ ਟੀਮਾਂ ਨੇ ਵੱਡੀ ਗਿਣਤੀ 'ਚ ਸ਼ਿਰਕਤ ਕੀਤੀ | ਪ੍ਰਬੰਧਕ ਕੇਸਰ ਸਿੰਘ ਨੇ ਦੱਸਿਆ ਕਿ ਕਬੱਡੀ 52 ਕਿੱਲੋ ਵਰਗ 'ਚ ਲੰਬੀ (ਮੁਕਤਸਰ) ਦੀ ਟੀਮ ਨੇ ਪਹਿਲਾ ਅਤੇ ਕੋਟਫੱਤਾ (ਬਠਿੰਡਾ) ਦੀ ਟੀਮ ਨੇ ਦੂਸਰਾ ਸਥਾਨ ਪ੍ਰਾਪਤ ਕੀਤਾ ਜਦ ਕਿ ਕਬੱਡੀ 62 ਕਿੱਲੋ ਵਰਗ 'ਚ ਪਹਿਲਾ ਸਥਾਨ ਧਰਮਪੁਰਾ ਅਤੇ ਦੂਸਰਾ ਸਥਾਨ ਸਿੰਗਵਾਂ (ਹਰਿਆਣਾ) ਦੀ ਟੀਮ ਨੇ ਪ੍ਰਾਪਤ ਕੀਤਾ | ਕਬੱਡੀ 85 ਕਿੱਲੋ ਦੇ ਫਸਵੇਂ ਮੁਕਾਬਲੇ ਦੌਰਾਨ ਲੌਂਗੋਵਾਲ (ਸੰਗਰੂਰ) ਦੀ ਟੀਮ ਪਹਿਲੇ ਸਥਾਨ 'ਤੇ ਰਹੀ ਜਦ ਕਿ ਰਾਉਕੇਂ (ਮੋਗਾ) ਦੀ ਟੀਮ ਨੂੰ ਦੂਸਰੇ ਸਥਾਨ 'ਤੇ ਸਬਰ ਕਰਨਾ ਪਿਆ | ਕਬੱਡੀ ਦੀ ਕੁਮੈਂਟਰੀ ਸਰਬਜੀਤ ਸਿੰਘ ਦਾਤੇਵਾਸ, ਧਰਮਾ ਹਰਿਆਊ, ਬੰਟੂ ਸਸਪਾਲੀ ਨੇ ਬਾਖ਼ੂਬੀ ਨਾਲ ਨਿਭਾਈ | ਰੈਫ਼ਰੀ ਦੀ ਭੂਮਿਕਾ ਵਜੋਂ ਸੰਦੀਪ ਸਿੰਘ ਡੀ.ਪੀ.ਈ., ਸੇਵਕ ਦਿਆਲਪੁਰਾ, ਬੂੰਦੀ ਮੂਣਕ, ਡੀ.ਸੀ. ਕੁੱਲਰੀਆਂ, ਸੰਤ ਝਨੇੜੀ ਨੇ ਵਧੀਆ ਰੋਲ ਅਦਾ ਕੀਤਾ | ਜੇਤੂ ਟੀਮਾਂ ਨੂੰ ਨਗਦ ਇਨਾਮ ਦਿੱਤੇ ਗਏ | ਇਸ ਮੌਕੇ ਸਰਪੰਚ ਸੁਖਜਿੰਦਰ ਸਿੰਘ ਕਾਲਾ, ਮਾਰਕੀਟ ਕਮੇਟੀ ਦੇ ਸਾਬਕਾ ਚੇਅਰਮੈਨ ਗਿਆਨ ਸਿੰਘ ਧਰਮਪੁਰਾ, ਕਲੱਬ ਆਗੂ ਗੁਰਪ੍ਰੀਤ ਸਿੰਘ ਗਰੇਵਾਲ, ਬਲਾਕ ਸੰਮਤੀ ਮੈਂਬਰ ਨਿੱਕਾ ਸਿੰਘ, ਸਾਬਕਾ ਸਰਪੰਚ ਦਰਸ਼ਨ ਸਿੰਘ, ਪੰਚ ਤਰਸੇਮ ਸਿੰਘ, ਮਾ. ਜਸਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ |
