ਝੁਨੀਰ, 10 ਅਪ੍ਰੈਲ (ਸੰਜੀਵ ਸਿੰਗਲਾ)- ਭਾਰਤ ਗੈਸ ਏਜੰਸੀ ਝੁਨੀਰ ਦੇ ਮਾਲਕ ਡਾ. ਚੰਦਨ ਮੋਹਨ ਨੇ ਕਿਹਾ ਕਿ ਲੋਕਾਂ ਨੂੰ ਘਬਰਾਉਣ ਦੀ ਲੋੜ ਨਹੀਂ ਹੈ ਕਿਉਂਕਿ ਥੋੜੇ੍ਹ ਸਮੇਂ 'ਚ ਹੀ ਰਸੋਈ ਗੈਸ ਦੀ ਕਿੱਲਤ ਖ਼ਤਮ ਹੋ ਜਾਵੇਗੀ | ਏਜੰਸੀ ਵਲੋਂ ਹਰ ਘਰ ਤੱਕ ਘਰੇਲੂ ਗੈਸ ਸਿਲੰਡਰ ਪਹੁੰਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਪਰ ਕਈ ਖਪਤਕਾਰਾਂ ਦੇ ਮੋਬਾਈਲ ਨੰਬਰ ਆਧਾਰ ਕਾਰਡ ਤੇ ਗੈਸ ਪਾਸ ਬੁੱਕ ਨਾਲ ਲਿੰਕ ਨਹੀਂ ਹਨ, ਜਿਸ ਕਾਰਨ ਕੁਝ ਖਪਤਕਾਰਾਂ ਨੂੰ ਗੈਸ ਸਿਲੰਡਰ ਲੈਣ 'ਚ ਸਮੱਸਿਆ ਆ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਬਿਨਾਂ ਪਾਸ ਬੁੱਕ ਤੋਂ ਗੈਸ ਦੀ ਕਮੀ ਦੇ ਚੱਲਦਿਆਂ ਗੈਸ ਸਿਲੰਡਰ ਦੇਣ 'ਚ ਏਜੰਸੀ ਨੂੰ ਵੀ ਸਮੱਸਿਆ ਆਉਂਦੀ ਹੈ | ਉਨ੍ਹਾਂ ਕਿਹਾ ਕਿ ਭਾਰਤ ਗੈਸ ਏਜੰਸੀ ਕਿਸੇ ਵੀ ਖਪਤਕਾਰ ਨਾਲ ਪੱਖਪਾਤ ਨਹੀਂ ਕਰਦੀ ਸਗੋਂ ਬੁੱਕ ਕੀਤੇ ਸਿਲੰਡਰ ਨੂੰ ਨਿਰਧਾਰਿਤ ਸਮੇਂ 'ਚ ਪਹੁੰਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ |
