ਮਾਨਸਾ, 13 ਮਈ (ਸ.ਰਿ.)- ਜ਼ਿਲ੍ਹਾ ਪੁਲਿਸ ਮਾਨਸਾ ਨੇ 'ਯੁੱਧ ਨਸ਼ਿਆਂ ਵਿਰੁੱਧ' ਤਹਿਤ ਕਾਰਵਾਈ ਕਰਦਿਆਂ ਵੱਖ-ਵੱਖ ਥਾਣਿਆਂ 'ਚ 3 ਮੁਕੱਦਮੇ ਦਰਜ ਕਰ ਕੇ 5 ਵਿਅਕਤੀਆਂ ਨੂੰ ਕਾਬੂ ਕੀਤਾ ਹੈ | ਥਾਣਾ ਸ਼ਹਿਰੀ ਪੁਲਿਸ ਨੇ ਗੁਰਪ੍ਰੀਤ ਕੌਰ ਵਾਸੀ ਤਾਮਕੋਟ ਤੋਂ 40 ਲੀਟਰ ਲਾਹਣ, ਭੀਖੀ ਪੁਲਿਸ ਨੇ ਸੁਮਨਜੀਤ ਵਾਸੀ ਪੀਰਾ ਵਾਲੀ ਪੱਕਾ ਪਤਾ ਹਿਸਾਰ ਹਾਲ ਆਹਲੂਪੁਰ (ਸਰਦੂਲਗੜ੍ਹ) ਤੋਂ 40 ਗ੍ਰਾਮ ਹੈਰੋਇਨ ਅਤੇ ਝੁਨੀਰ ਦੀ ਪੁਲਿਸ ਟੀਮ ਨੇ ਭਗਵਾਨ ਸਿੰਘ ਉਰਫ਼ ਭਾਨਾ, ਤਰਸੇਮ ਸਿੰਘ ਉਰਫ਼ ਬਿੱਟੂ ਤੇ ਅਮਨਦੀਪ ਸਿੰਘ ਉਰਫ਼ ਪੈਟਰੋਲ ਵਾਸੀ ਫ਼ਤਿਹਪੁਰ ਕੋਲੋਂ 8 ਗ੍ਰਾਮ ਹੈਰੋਇਨ ਬਰਾਮਦ ਕਰ ਕੇ ਵੱਖ-ਵੱਖ ਥਾਣਿਆਂ ਵਿਚ ਤਫ਼ਤੀਸ਼ ਅਮਲ 'ਚ ਲਿਆਂਦੀ ਹੈ |
