ਫਗਵਾੜਾ, 25 ਜਨਵਰੀ (ਚਾਨਾ)-ਬੰਗਾ ਰੋਡ 'ਤੇ ਟਰੈਫ਼ਿਕ 'ਚ ਵਿਘਨ ਪਾਉਣ ਦੇ ਸਬੰਧ 'ਚ ਸਿਟੀ ਪੁਲਿਸ ਨੇ ਇੱਕ ਦੁਕਾਨਦਾਰ ਖ਼ਿਲਾਫ਼ ਧਾਰਾ 285 ਬੀਐਨਐਸ ਤਹਿਤ ਕੇਸ ਦਰਜ ਕੀਤਾ ਹੈ | ਐਸ.ਪੀ. ਮਾਧਵੀ ਸ਼ਰਮਾ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਪੁਲਿਸ ਪਾਰਟੀ ਬੰਗਾ ਰੋਡ 'ਤੇ ਮੌਜੂਦ ਸੀ ਤਾਂ ਬੰਗਾ ਰੋਡ ਸਾਹਮਣੇ ਇੱਕ ਦੁਕਾਨਦਾਰ ਵਲੋਂ ਸੜਕ 'ਚ ਸਾਮਾਨ ਰੱਖਿਆ ਸੀ ਤੇ ਲੋਡ ਹੋਈਆਂ ਗੱਡੀਆਂ ਵੀ ਸੜਕ 'ਤੇ ਹੋਣ ਕਾਰਨ ਬੰਗਾ ਰੋਡ ਵਿਖੇ ਆਉਣ ਜਾਣ ਵਾਲੇ ਲੋਕਾਂ ਨੂੰ ਕਾਫ਼ੀ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ ਜਿਸ ਸਬੰਧ 'ਚ ਪੁਲਿਸ ਨੇ ਅਸੀਸ ਕੁਮਾਰ ਵਾਸੀ ਹਰਗੋਬਿੰਦ ਨਗਰ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
