ਕਪੂਰਥਲਾ, 4 ਫਰਵਰੀ (ਵਿਸ਼ੇਸ਼ ਪ੍ਰਤੀਨਿਧ)- ਧਰਮਸ਼ਾਲਾ ਨਾਥਾਂ ਦਾ ਡੇਰਾ ਵੈੱਲਫੇਅਰ ਸੁਸਾਇਟੀ ਪ੍ਰਾਚੀਨ ਸ਼ਿਵ ਮੰਦਿਰ ਨਾਥਾਂ ਦੇ ਡੇਰਾ ਨਵੀਂ ਪੁਲਿਸ ਲਾਈਨ ਕਪੂਰਥਲਾ ਵਿਖੇ ਮਹਾਂ ਸ਼ਿਵਰਾਤਰੀ ਦੇ ਪਵਿੱਤਰ ਤਿਉਹਾਰ ਦੇ ਸਬੰਧ ਵਿਚ 8 ਫਰਵਰੀ ਨੂੰ ਸਵੇਰੇ ਮਹਾਂ ਪ੍ਰਭਾਤ ਫੇਰੀ ਕੱਢੀ ਜਾਵੇਗੀ | ਇਹ ਜਾਣਕਾਰੀ ਸੁਸਾਇਟੀ ਦੀ ਇਕ ਮੀਟਿੰਗ ਵਿਚ ਮਹੰਤ ਬਾਬਾ ਵਿਜੇ ਨਾਥ ਸੰਚਾਲਕ ਤੇ ਮੁੱਖ ਸੇਵਾਦਾਰ ਨੇ ਸੁਸਾਇਟੀ ਦੀ ਇਕ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਦਿੱਤੀ | ਉਨ੍ਹਾਂ ਕਿਹਾ ਕਿ ਮਹਾਂ ਸ਼ਿਵਰਾਤਰੀ ਸੰਬੰਧੀ 15 ਫਰਵਰੀ ਨੂੰ ਝੰਡਾ ਚੜ੍ਹਾਉਣ ਦੀ ਰਸਮ ਹੋਵੇਗੀ ਤੇ 10 ਵਜੇ ਕੀਰਤਨ ਹੋਵੇਗਾ, 16 ਫਰਵਰੀ ਨੂੰ ਸਵੇਰੇ 9 ਵਜੇ ਰੂਦਰ ਅਭਿਸ਼ੇਕ ਦਾ ਯੱਗ ਹੋਵੇਗਾ | ਉਪਰੰਤ ਭੋਲੇਨਾਥ ਦਾ ਅਤੁੱਟ ਲੰਗਰ ਵਰਤਾਇਆ ਜਾਵੇਗਾ | ਮੀਟਿੰਗ ਵਿਚ ਤਰਸੇਮ ਸਿੰਘ, ਆਰ.ਕੇ. ਸੇਠੀ, ਕਿਸ਼ਨ ਕੁਮਾਰ ਟੰਡਨ, ਅਵਤਾਰ ਸਿੰਘ, ਅਨਿਲ ਕੁਮਾਰ, ਸੰਜੇ ਅਗਰਵਾਲ, ਵਿਪਨ ਕੁਮਾਰ, ਲਕਸ਼ਮਣ ਸ਼ਰਮਾ, ਲਖਵਿੰਦਰ ਸਿੰਘ, ਰਵਿੰਦਰ ਕੁਮਾਰ, ਧਰਮਿੰਦਰ ਸੇਠ, ਰਾਜ ਕੁਮਾਰ, ਓ.ਪੀ. ਖੰਨਾ, ਬੀਬੀ ਮੋਨੀ ਸ਼ਰਮਾ, ਬੀਬੀ ਸੁਮਨ, ਬੀਬੀ ਲੱਛਮੀ ਆਦਿ ਹਾਜ਼ਰ ਸਨ |