ਢਿਲਵਾਂ, 28 ਮਾਰਚ (ਪ੍ਰਵੀਨ ਕੁਮਾਰ, ਗੋਬਿੰਦ ਸੁਖੀਜਾ)-ਜੀ. ਟੀ. ਰੋਡ ਬੱਸ ਅੱਡਾ ਢਿਲਵਾਂ ਨਜ਼ਦੀਕ ਢਿਲਵਾਂ ਸ਼ਹਿਰ ਨੂੰ ਜਾਂਦੀ ਸਰਵਿਸ ਸੜਕ ਨਜ਼ਦੀਕ ਇਕ ਲਾਈਟ ਵਾਲਾ ਪੋਲ ਸੜਕ ਵੱਲ ਟੇਢਾ ਹੋਣ ਨਾਲ ਵੱਡੇ ਵਾਹਨ ਚਾਲਕਾਂ ਨੂੰ ਦਿੱਕਤ ਆ ਰਹੀ ਹੈ | ਜਾਣਕਾਰੀ ਅਨੁਸਾਰ ਟੋਲ ਕੰਪਨੀ ਵਲੋਂ ਜੀ. ਟੀ. ਰੋਡ ਦੇ ਨਾਲ ਬਣਾਈ ਗਈ ਸਰਵਿਸ ਸੜਕ ਦੇ ਦੋਨੋਂ ਤਰਫ਼ ਲਾਈਟਾਂ ਲਗਾਈਆਂ ਹਨ, ਜਿਨ੍ਹਾਂ 'ਚੋਂ ਇਕ ਪੋਲ ਪਿਛਲੇ ਕੁੱਝ ਦਿਨਾਂ ਤੋਂ ਸੜਕ ਵੱਲ ਝੁਕਿਆ ਹੋਇਆ ਹੈ ਜਿਸ ਨਾਲ ਜਿਥੇ ਆਵਾਜਾਈ ਪ੍ਰਭਾਵਿਤ ਹੋ ਰਹੀ ਹੈ ਉੱਥੇ ਪੋਲ ਦੇ ਖ਼ਰਾਬ ਹੋਣ ਨਾਲ ਲਾਈਟਾਂ ਵੀ ਬੰਦ ਹਨ | ਇਸ ਸੰਬੰਧੀ ਸਥਾਨਕ ਵਾਸੀਆਂ ਤੇ ਰਾਹਗੀਰਾਂ ਨੇ ਟੋਲ ਕੰਪਨੀ ਪਾਸੋਂ ਮੰਗ ਕੀਤੀ ਹੈ ਕਿ ਟੇਢੇ ਹੋਏ ਪੋਲ ਨੂੰ ਠੀਕ ਕੀਤਾ ਜਾਵੇ ਅਤੇ ਬੰਦ ਪਈਆਂ ਲਾਈਟਾਂ ਨੂੰ ਤੁਰੰਤ ਠੀਕ ਕੀਤਾ ਜਾਵੇ |
