ਗੁੱਡ ਫਰਾਈਡੇ ਸੰਬੰਧੀ ਕ੍ਰਾਇਸ ਕਿੰਗ ਕਾਨਵੈਂਟ ਸਕੂਲ ਤੋਂ ਕੱਢੀ ਵਿਰਲਾਪ ਯਾਤਰਾ <br/>

ਅ

ਅਜੀਤ ਡੈਸਕ 04-04-2026

ਕਪੂਰਥਲਾ, 3 ਅਪ੍ਰੈਲ (ਸਡਾਨਾ)-ਗੁੱਡ ਫਰਾਈਡੇ ਸੰਬੰਧੀ ਇਸਾਈ ਭਾਈਚਾਰੇ ਵਲੋਂ ਪ੍ਰਾਰਥਨਾ ਕਰਕੇ ਪ੍ਰਭੂ ਯਿਸੂ ਮਸੀਹ ਦੀ ਕੁਰਬਾਨੀ ਨੂੰ ਯਾਦ ਕੀਤਾ ਤੇ ਉਨ੍ਹਾਂ ਦੇ ਪਾਏ ਪੂਰਨਿਆਂ 'ਤੇ ਚੱਲਣ ਲਈ ਹਾਜ਼ਰਾਂ ਨੂੰ ਪ੍ਰੇਰਿਤ ਕੀਤਾ | ਇਸ ਸੰਬੰਧੀ ਕ੍ਰਾਇਸ ਕਿੰਗ ਕਾਨਵੈਂਟ ਸੀਨੀਅਰ ਸਕੂਲ ਤੋਂ ਸਲੀਬ ਦੇ ਰਾਹ ਦੀ ਵਿਰਲਾਪ ਯਾਤਰਾ ਸ਼ੁਰੂ ਕੀਤੀ ਗਈ ਤੇ ਇਹ ਯਾਤਰਾ ਸੰਤ ਐਨਥਨੀ ਕੈਥੋਲਿਕ ਚਰਚ ਅਜੀਤ ਨਗਰ ਵਿਖੇ ਪਹੁੰਚ ਕੇ ਸਮਾਪਤ ਹੋਈ | ਯਾਤਰਾ ਦੌਰਾਨ ਗੁੱਡ ਫਰਾਈਡੇ ਦੇ ਸੰਬੰਧ 'ਚ ਪ੍ਰਭੂ ਯਿਸੂ ਮਸੀਹ ਦੇ ਦੁੱਖ ਭੋਗਣ ਦੀ ਕਹਾਣੀ ਬਿਆਨ ਕੀਤੀ ਗਈ ਤੇ ਸਮੁੱਚੀ ਸੰਗਤ ਨੇ ਇਸ ਮੌਕੇ ਵਿਸ਼ੇਸ਼ ਪ੍ਰਾਰਥਨਾ ਕੀਤੀ | ਯਾਤਰਾ ਦੌਰਾਨ ਸ਼ਾਮਿਲ ਸੰਗਤਾਂ ਨੇ ਆਪਣੇ ਹੱਥਾਂ 'ਚ ਲੱਕੜੀਆਂ ਸਲੀਬਾਂ ਫੜੀਆਂ ਹੋਈਆਂ ਸਨ ਤੇ ਉਹ ਪ੍ਰਭੂ ਯਿਸੂ ਮਸੀਹ ਨੂੰ ਯਾਦ ਕਰ ਰਹੀਆਂ ਸਨ | ਇਸ ਮੌਕੇ ਫਾਦਰ ਸਾਈਨ ਸਕਰਿਆ ਨੇ ਸਮੂਹ ਸ਼ਾਮਲ ਸੰਗਤਾਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਪੈਰਿਸ ਕੌਂਸਲ ਦੇ ਪ੍ਰਧਾਨ ਪ੍ਰੇਮ ਲਾਲ, ਸਿਸਟਰ ਮੁਨਾਦਾ, ਪੈਰਿਸ ਕੌਂਸਲ ਮਰਯਮ ਸੈਨਾ, ਯੂਥ ਤੇ ਕੈਥਲਿਕ ਵਿਸ਼ਵਾਸੀ ਹਾਜ਼ਰ ਸਨ |
ਅੱਜ ਬਿਜਲੀ ਬੰਦ ਰਹੇਗੀ
ਕਪੂਰਥਲਾ, 3 ਅਪ੍ਰੈਲ (ਸਡਾਨਾ)-ਪਾਵਰਕਾਮ ਸ਼ਹਿਰੀ ਉਪ ਮੰਡਲ-2 ਦੇ ਐਸ. ਡੀ. ਓ. ਇੰਜ. ਦਵਿੰਦਰ ਕੁਮਾਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 132 ਕੇ. ਵੀ. ਸਬ ਸਟੇਸ਼ਨ ਤੋਂ ਚੱਲਦੇ ਜੇ. ਜੇ. ਕਲੱਬ ਫੀਡਰ ਦੀ ਬਿਜਲੀ ਸਪਲਾਈ 4 ਅਪ੍ਰੈਲ ਨੂੰ ਸਵੇਰੇ 10 ਤੋਂ ਸ਼ਾਮ 4 ਵਜੇ ਤੱਕ ਜ਼ਰੂਰੀ ਮੁਰੰਮਤ ਕਾਰਨ ਬੰਦ ਰਹੇਗੀ | ਜਿਸ ਕਾਰਨ ਮਾਲ ਰੋਡ, ਸਦਰ, ਬਾਜ਼ਾਰ, ਸਬਜ਼ੀ ਮੰਡੀ, ਲੋਅਰ ਮਾਲ, ਿਲੰਕ ਰੋਡ, ਸੰਨੀ ਸਾਈਡ ਆਦਿ ਦੇ ਇਲਾਕੇ ਦੀ ਬਿਜਲੀ ਸਪਲਾਈ ਪ੍ਰਭਾਵਿਤ ਹੋਵੇਗੀ |

ਪਿਛਲੀ ਖ਼ਬਰ ਆਪਣੀਆਂ ਹੱਕੀ ਮੰਗਾਂ ਲਾਗੂ ਕਰਵਾਉਣ ਲਈ ਨੰਬਰਦਾਰਾਂ ਨੇ ਡਿਪਟੀ ਕਮਿਸ਼ਨਰ ਨੂੰ ਦਿੱਤਾ ਮੰਗ ਪੱਤਰ <br/> ਅਗਲੀ ਖ਼ਬਰ ਸ਼ੋ੍ਰਮਣੀ ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਸਿੱਧੂ ਨੇ ਵੱਖ-ਵੱਖ ਅਹੁਦੇਦਾਰਾਂ ਨੂੰ ਨਿਯੁਕਤੀ ਪੱਤਰ ਵੰਡੇ <br/>

ਗੁੱਡ ਫਰਾਈਡੇ ਸੰਬੰਧੀ ਕ੍ਰਾਇਸ ਕਿੰਗ ਕਾਨਵੈਂਟ ਸਕੂਲ ਤੋਂ ਕੱਢੀ ਵਿਰਲਾਪ ਯਾਤਰਾ <br/>

ਸੰਬੰਧਿਤ ਖ਼ਬਰਾਂ