ਸੁਲਤਾਨਪੁਰ ਲੋਧੀ, 12 ਮਈ (ਨਰੇਸ਼ ਹੈਪੀ)-ਡਿਪਟੀ ਕਮਿਸ਼ਨਰ ਕਪੂਰਥਲਾ ਅਕਾਸ਼ ਬਾਂਸਲ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਅੱਜ ਸੁਲਤਾਨਪੁਰ ਲੋਧੀ ਬਲਾਕ ਵਿਖੇ 280 ਤੇ 50 ਸੁਪਰਵਾਈਜ਼ਰ ਨੂੰ ਜਨਗਣਨਾ ਸਬੰਧੀ ਸਮਾਨ ਦੀ ਵੰਡ ਕੀਤੀ ਗਈ | ਸਬ ਰਜਿਸਟਰਾਰ ਗੁਰਵਿੰਦਰ ਸਿੰਘ ਵਿਰਕ ਨਾਇਬ ਤਹਿਸੀਲਦਾਰ ਸੁਲਤਾਨਪੁਰ ਲੋਧੀ ਨੇ ਦੱਸਿਆ ਕਿ 215 ਪਿੰਡਾਂ 'ਚ 305 ਦੇ ਇਨੂਮੀਨੇਟਰ ਲਗਾਏ ਗਏ ਹਨ, ਜੋ ਕਿ ਭਾਰਤ ਦੀ ਮਰਦਮਸ਼ੁਮਾਰੀ ਮਕਾਨ ਸੂਚੀਕਰਨ ਤੇ ਮਕਾਨਾਂ ਦੀ ਗਣਨਾ ਵਿਚ ਯੋਗਦਾਨ ਦੇਣਗੇ | 50 ਸੁਪਰਵਾਈਜ਼ਰ ਸਾਹਿਬਾਨ ਇਨੂਮੀਨੇਟਰ ਸਾਹਿਬਾਨ ਦੀ ਸਹਾਇਤਾ ਲਈ ਲਗਾਏ ਗਏ ਹਨ | ਮਾਸਟਰ ਟਰੇਨਰ ਨਰੇਸ਼ ਕੋਹਲੀ, ਅਜੀਤ ਪਾਲ ਸਿੰਘ ਤੇ ਵਿਵੇਕ ਗਾਬਾ ਨੇ ਦੱਸਿਆ ਕਿ ਜਨਗਣਨਾ ਸਬੰਧੀ ਪੂਰੀ ਟਰੇਨਿੰਗ ਇਨੂਮੀਨੇਟਰ ਸਾਹਿਬਾਨ ਨੂੰ ਦਿੱਤੀ ਗਈ ਹੈ ਤਾਂ ਜੋ ਭਾਰਤ ਦੀ ਪਹਿਲੀ ਡਿਜੀਟਲ ਜਨਗਣਨਾ ਬਹੁਤ ਵਧੀਆ ਤਰੀਕੇ ਨਾਲ ਹੋ ਸਕੇ | ਟਰੇਨਰ ਗੁਰਵਿੰਦਰ ਸਿੰਘ, ਗੁਰਦੇਵ ਸਿੰਘ, ਜਤਿੰਦਰ ਥਿੰਦ, ਅਮਨਦੀਪ ਤੇ ਮਨਜਿੰਦਰ ਕੌਰ ਨੇ ਬਹੁਤ ਵਧੀਆ ਤਰੀਕੇ ਨਾਲ ਟਰੇਨਿੰਗ ਕਰਵਾਈ | ਅਧਿਆਪਕ ਤੇ ਕਰਮਚਾਰੀ ਸਾਹਿਬਾਨ ਨੇ ਟਰੇਨਿੰਗ ਵਿਚ ਜਨਗਣਨਾ ਵਿਚ ਪੂਰਾ ਸਹਿਯੋਗ ਦਿੱਤਾ ਹੈ | ਇਸ ਮੌਕੇ ਮਾਸਟਰ ਨਰੇਸ਼ ਕੋਹਲੀ | ਜਸਪਾਲ ਸਿੰਘ, ਮੇਜਰ ਸਿੰਘ, ਪਰਮਜੀਤ ਕੌਰ, ਮਮਤਾ ਨਰੂਲਾ, ਅਨੁਰਾਧਾ ਆਦਿ ਵੀ ਹਾਜ਼ਰ ਸਨ |
