ਪਿੰਡ ਚਾੜਾ ਤੋਂ ਪਸ਼ੂ ਚੋਰੀ, ਪੁਲਿਸ ਵਲੋਂ ਕੇਸ ਦਰਜ
ਅਜੀਤ ਡੈਸਕ
26-05-2026
ਫਗਵਾੜਾ, 25 ਮਈ (ਹਰਜੋਤ ਸਿੰਘ ਚਾਨਾ)-ਪਿੰਡ ਚਾੜਾ ਤੋਂ ਪਸ਼ੂ ਚੋਰੀ ਕਰਕੇ ਲੈ ਜਾਣ ਦੇ ਸਬੰਧ 'ਚ ਸਦਰ ਪੁਲਿਸ ਨੇ ਅਣਪਛਾਤੇ ਵਿਅਕਤੀਆਂ ਖਿਲਾਫ਼ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਮਨੋਹਰ ਸਿੰਘ ਪੁੱਤਰ ਜਗੀਰ ਸਿੰਘ ਵਾਸੀ ਪਿੰਡ ਚਾੜਾ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ ਉਸਨੇ ਖੇਤੀਬਾੜੀ ਦੇ ਨਾਲ ਪਸ਼ੂ ਵੀ ਰੱਖੇ ਹੋਏ ਹਨ ਤੇ ਆਪਣੀ ਹਵੇਲੀ ਚਾੜਾ ਪਿੰਡ 'ਚ ਹੈ ਜਿੱਥੇ ਉਹ ਪਸ਼ੂ ਬੰਨਦਾ ਹੈ | 23 ਮਈ ਨੂੰ ਜਦੋਂ ਉਹ ਆਪਣੇ ਪਸ਼ੂ ਹਵੇਲੀ 'ਚ ਬੰਨ੍ਹ ਕੇ ਘਰ ਚਲਾ ਗਿਆ ਤੇ ਸਵੇਰੇ ਜਦੋਂ ਪਸ਼ੂਆਂ ਨੂੰ ਚਾਰਾ ਪਾਉਣ ਲਈ ਗਿਆ ਤਾਂ ਦੇਖਿਆ ਕਿ ਸਾਰੇ ਪਸ਼ੂ ਹਵੇਲੀ 'ਚ ਨਹੀਂ ਸਨ ਤੇ ਬਾਅਦ 'ਚ ਉਸਨੂੰ ਪਿੰਡ ਦੇ ਬਾਹਰੋਂ ਕੁੱਝ ਪਸ਼ੂ ਮਿਲ ਗਏ ਤੇ ਬਾਕੀ ਨਹੀਂ ਮਿਲੇ ਤੇ ਉਸ ਦੀਆਂ ਚਾਰ ਮੱਝਾਂ, ਇੱਕ ਝੋਟਾ ਗਾਇਬ ਹੈ | ਜਿਸ ਸਬੰਧ 'ਚ ਪੁਲਿਸ ਨੇ ਅਣਪਛਾਤੇ ਵਿਅਕਤੀਆਂ ਖਿਲਾਫ਼ ਕੇਸ ਦਰਜ ਕੀਤਾ ਹੈ |
