ਮਲਸੀਆਂ ਤੋਂ ਚੋਰੀ ਹੋਈ ਘਰੇਲੂ ਗੈਸ ਸਿਲੰਡਰਾਂ ਨਾਲ ਭਰੀ ਗੱਡੀ ਬਾਗਪੁਰ ਤੋਂ ਬਰਾਮਦ
ਮਲਸੀਆਂ, 22 ਅਗਸਤ (ਦਲਜੀਤ ਸਿੰਘ ਸਚਦੇਵਾ)- ਮਲਸੀਆਂ ਤੋਂ ਅੱਜ ਸ਼ਾਮ ਚੋਰੀ ਹੋਈ ਘਰੇਲੂ ਗੈਸ ਸਿਲੰਡਰਾਂ ਨਾਲ ਭਰੀ ਗੱਡੀ ਪਿੰਡ ਬਾਗਪੁਰ ਤੋਂ ਬਰਾਮਦ ਹੋਈ ਹੈ। ਜਾਣਕਾਰੀ ਅਨੁਸਾਰ ਅੱਜ ਸ਼ਾਮ ਕਰੀਬ 7 ਵਜੇ ਅਟਵਾਲ ਗੈੱਸ ਏਜੰਸੀ ਸ਼ਾਹਕੋਟ ਦੀ ਮਹਿੰਦਰਾ ਪਿਕਅੱਪ ਗੱਡੀ ਦਾ ਡਰਾਈਵਰ ਤੇ ਹੈਲਪਰ ਘਰੇਲੂ ਗੈਸ ਸਿਲੰਡਰਾਂ ਦੀ ਸਪਲਾਈ ਦੇਣ ਤੋਂ ਬਾਅਦ ਮਲਸੀਆਂ ਦਾਣਾ ਮੰਡੀ ਸਾਹਮਣੇ ਗੱਡੀ ਖੜ੍ਹੀ ਕਰਕੇ ਇਕ ਦੁਕਾਨ ਤੋਂ ਪੈਸੇ ਲੈਣ ਗਏ ਸਨ ।
ਗ
ਗੈਸ ਸਿਲੰਡਰਾਂ ਨਾਲ ਭਰੀ ਗੱਡੀ ਚੋਰੀ ਹੋਣ ਸੰਬੰਧੀ ਪੁਲਿਸ ਨੂੰ ਜਾਣਕਾਰੀ ਦਿੰਦਾ ਹੋਇਆ ਗੱਡੀ ਦਾ ਡਰਾਈਵਰ। ਤਸਵੀਰ : ਦਲਜੀਤ ਸਿੰਘ ਸਚਦੇਵਾ
23-08-2026
ਮਲਸੀਆਂ, 22 ਅਗਸਤ (ਦਲਜੀਤ ਸਿੰਘ ਸਚਦੇਵਾ)- ਮਲਸੀਆਂ ਤੋਂ ਅੱਜ ਸ਼ਾਮ ਚੋਰੀ ਹੋਈ ਘਰੇਲੂ ਗੈਸ ਸਿਲੰਡਰਾਂ ਨਾਲ ਭਰੀ ਗੱਡੀ ਪਿੰਡ ਬਾਗਪੁਰ ਤੋਂ ਬਰਾਮਦ ਹੋਈ ਹੈ। ਜਾਣਕਾਰੀ ਅਨੁਸਾਰ ਅੱਜ ਸ਼ਾਮ ਕਰੀਬ 7 ਵਜੇ ਅਟਵਾਲ ਗੈੱਸ ਏਜੰਸੀ ਸ਼ਾਹਕੋਟ ਦੀ ਮਹਿੰਦਰਾ ਪਿਕਅੱਪ ਗੱਡੀ ਦਾ ਡਰਾਈਵਰ ਤੇ ਹੈਲਪਰ ਘਰੇਲੂ ਗੈਸ ਸਿਲੰਡਰਾਂ ਦੀ ਸਪਲਾਈ ਦੇਣ ਤੋਂ ਬਾਅਦ ਮਲਸੀਆਂ ਦਾਣਾ ਮੰਡੀ ਸਾਹਮਣੇ ਗੱਡੀ ਖੜ੍ਹੀ ਕਰਕੇ ਇਕ ਦੁਕਾਨ ਤੋਂ ਪੈਸੇ ਲੈਣ ਗਏ ਸਨ । ਜਦ ਉਹ ਦੁਕਾਨਦਾਰ ਤੋਂ ਪੈਸੇ ਲੈ ਰਹੇ ਸਨ ਤਾਂ ਉਨ੍ਹਾਂ ਦੇਖਿਆ ਕਿ ਸਿਲੰਡਰਾਂ ਨਾਲ ਭਰੀ ਗੱਡੀ ਨੂੰ ਕੋਈ ਮਲਸੀਆਂ ਦਾਣਾ ਮੰਡੀ ਦੇ ਅੰਦਰ ਲੈ ਕੇ ਜਾ ਰਿਹਾ ਹੈ, ਜਦ ਉਨ੍ਹਾਂ ਵਲੋਂ ਸਕੂਟਰੀ ’ਤੇ ਪਿੱਛਾ ਕਰਕੇ ਗੱਡੀ ਦੀ ਭਾਲ ਕੀਤੀ ਗਈ ਤਾਂ ਗੱਡੀ ਨਹੀਂ ਮਿਲੀ, ਜਿਸ ਤੋਂ ਬਾਅਦ ਉਨ੍ਹਾਂ ਵਲੋਂ ਏਜੰਸੀ ਦੇ ਮਾਲਕ ਜਸਵੀਰ ਸਿੰਘ ਤੱਖਰ ਨੂੰ ਸੂਚਿਤ ਕੀਤਾ ਗਿਆ। ਇਸ ਉਪਰੰਤ ਡਰਾਈਵਰ ਬਲਵੀਰ ਸਿੰਘ ਉਰਫ਼ ਸਾਬੀ ਪੁੱਤਰ ਪਾਲ ਸਿੰਘ ਵਾਸੀ ਨੂਰਪੁਰ ਚੱਠਾ ਤੇ ਹੈਲਪਰ ਸਲੀਮ ਵਾਸੀ ਜਲੰਧਰ ਨੇ ਮਲਸੀਆਂ ਚੌਕੀ ਵਿਖੇ ਜਾ ਕੇ ਗੱਡੀ ਚੋਰੀ ਹੋਣ ਸੰਬੰਧੀ ਪੁਲਿਸ ਨੂੰ ਸੂਚਨਾ ਦਿੱਤੀ। ਇਸ ਸੰਬੰਧੀ ਜਦ ਮਲਸੀਆਂ ਚੌਂਕੀ ਇੰਚਾਰਜ ਅੰਗਰੇਜ ਸਿੰਘ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਗੈੱਸ ਸਿਲੰਡਰਾਂ ਸਮੇਤ ਚੋਰੀ ਹੋਈ ਗੱਡੀ ਮਲਸੀਆਂ ਦੇ ਨਜ਼ਦੀਕੀ ਪਿੰਡ ਬਾਗਪੁਰ ਵਿਖੇ ਝੋਨੇ ਦੇ ਖੇਤਾਂ ਨਜ਼ਦੀਕ ਖੜ੍ਹੀ ਮਿਲੀ ਹੈ। ਉਨ੍ਹਾਂ ਕਿਹਾ ਕਿ ਏਜੰਸੀ ਦੇ ਮਾਲਕ ਤੇ ਡਰਾਈਵਰ ਦੇ ਬਿਆਨਾਂ ਦੇ ਆਧਾਰ ’ਤੇ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
