ਦਾਣਾ ਮੰਡੀ ਢਿਲਵਾਂ ’ਚ ਅਗੇਤੇ ਝੋਨੇ ਦੀ ਫ਼ਸਲ ਦੀ ਤੇਜ਼ੀ ਨਾਲ ਹੋ ਰਹੀ ਆਮਦ ਕਿਸਾਨਾਂ ਨੇ ਸਰਕਾਰੀ ਖ੍ਰੀਦ ਜਲਦ ਸ਼ੁਰੂ ਕਰਨ ਦੀ ਕੀਤੀ ਮੰਗ

ਢਿਲਵਾਂ, 14 ਸਤੰਬਰ (ਪ੍ਰਵੀਨ ਕੁਮਾਰ)-ਮਾਰਕੀਟ ਕਮੇਟੀ ਢਿਲਵਾਂ ਅਧੀਨ ਆਉਂਦੀ ਮੁੱਖ ਦਾਣਾ ਮੰਡੀ ਢਿਲਵਾਂ ਵਿਖੇ ਅਗੇਤੇ ਝੋਨੇ ਦੀ ਫ਼ਸਲ ਦੀ ਆਮਦ ਵਿਚ ਭਾਰੀ ਤੇਜ਼ੀ ਆਈ ਹੈ ਜਿਸ ਨਾਲ ਮੰਡੀ ਅਗੇਤੇ ਝੋਨੇ ਦੀ ਫ਼ਸਲ ਨਾਲ ਭਰੀ ਪਈ ਹੈ |ਦੱਸਣਯੋਗ ਹੈ ਕਿ ਸੂਬਾ ਸਰਕਾਰ ਵਲੋਂ ਝੋਨੇ ਦੀ ਸਰਕਾਰੀ ਖ਼ਰੀਦ 1 ਅਕਤੂਬਰ ਤੋਂ ਸ਼ੁਰੂ ਹੁੰਦੀ ਹੈ ਪਰ ਅਗੇਤੇ ਝੋਨੇ ਦੀ ਭਾਰੀ ਆਮਦ ਨਾਲ ਇੱਕ ਤਰ੍ਹਾਂ ਨਾਲ ਝੋਨੇ ਦਾ ਸੀਜ਼ਨ ਅਗਾਊਂ ਸ਼ੁਰੂ ਹੁੰਦਾ ਦਿਖਾਈ ਦੇ ਰਿਹਾ ਹੈ| ਇਸ ਸਬੰਧੀ ਅੱਜ ਮਾਰਕੀਟ ਕਮੇਟੀ ਢਿਲਵਾਂ ਅਧੀਨ ਆਉਂਦੀ ਦਾਣਾ ਮੰਡੀ ਢਿਲਵਾਂ ਵਿਚ ਦੇਖਿਆ ਗਿਆ ਤਾਂ ਮੰਡੀ ਦੇ ਸਾਰੇ ਫੜ੍ਹ ਭਰੇ ਸਨ ਤੇ ਅਜਿਹੇ ਵਿਚ ਕਿਸਾਨਾਂ ਨੇ ਸਰਕਾਰ ਪਾਸੋਂ ਪੁਰਜ਼ੋਰ ਮੰਗ ਕੀਤੀ ਹੈ ਕਿ ਝੋਨੇ ਦੀ ਸਰਕਾਰੀ ਖ਼ਰੀਦ ਜਲਦ ਸ਼ੁਰੂ ਕਰਵਾਈ ਜਾਵੇ | ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਦਾਣਾ ਮੰਡੀ ਢਿਲਵਾਂ ਵਿਖੇ ਇਸ ਵਾਰ ਜਿਨ੍ਹਾਂ ਅਗੇਤਾ ਝੋਨਾ ਪਹੁੰਚਿਆ ਹੈ ਇਸ ਤੋਂ ਪਹਿਲਾ ਕਦੀ ਵੀ ਅਗੇਤੇ ਝੋਨੇ ਦੀ ਆਮਦ ਇੱਥੇ ਨਹੀਂ ਹੋਈ |

Ad Position 21