ਹਿੰਦੂ ਕੰਨਿਆ ਕਾਲਜ ’ਚ ਲਗਾਈ ‘ਹੇਅਰ ਸਟਾਈਲਿੰਗ ਤੇ ਹੇਅਰਕਟਸ’ ਵਿਸ਼ੇ ਸੰਬੰਧੀ ਵਰਕਸ਼ਾਪ
ਕਪੂਰਥਲਾ, 14 ਸਤੰਬਰ (ਵਿ. ਪ੍ਰ.)
ਕਪੂਰਥਲਾ, 14 ਸਤੰਬਰ (ਵਿ.ਪ੍ਰ.)-ਹਿੰਦੂ ਕੰਨਿਆ ਕਾਲਜ ਕਪੂਰਥਲਾ ਦੇ ਕਾਸਮੋਟੋਲਜੀ ਵਿਭਾਗ ਵਲੋਂ ਹੇਅਰ ਸਟਾਈਲਿੰਗ ਅਤੇ ਹੇਅਰਕਟਸ ਵਿਸ਼ੇ ਸਬੰਧੀ ਇਕ ਵਰਕਸ਼ਾਪ ਕਰਵਾਈ ਗਈ, ਜਿਸ ਵਿਚ ਅੰਤਰਰਾਸ਼ਟਰੀ ਹੇਅਰ ਟਰੇਨਰ ਤੁਸ਼ਾਰ ਬਾਂਸਲ ਬਤੌਰ ਵਿਸ਼ਾ ਮਾਹਿਰ ਸ਼ਾਮਿਲ ਹੋਏ | ਉਨ੍ਹਾਂ ਵਿਦਿਆਰਥਣਾਂ ਨੂੰ ਵਾਲ ਕੱਟਣ ਦੀਆਂ ਵੱਖ-ਵੱਖ ਤਕਨੀਕਾਂ ਤੇ ਆਧੁਨਿਕ ਹੇਅਰ ਸਟਾਈਲਿੰਗ ਦੇ ਰੁਝਾਨਾਂ ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ | ਉਨ੍ਹਾਂ ਹੇਅਰ ਕਟਿੰਗ ਦੀ ਤਕਨੀਕ ਦਾ ਪ੍ਰਦਰਸ਼ਨ ਵੀ ਕੀਤਾ | ਤੁਸ਼ਾਰ ਬਾਂਸਲ ਨੇ ਵਿਦਿਆਰਥਣਾਂ ਨੂੰ ਵੱਖ-ਵੱਖ ਕਿਸਮਾਂ ਦੇ ਹੇਅਰਕਟਸ, ਸੰਦਾਂ ਤੇ ਹੇਅਰ ਸਟਾਈਲ ਦੇ ਤਰੀਕਿਆਂ ਬਾਰੇ ਆਸਾਨ ਢੰਗ ਨਾਲ ਸਮਝਾਇਆ | ਕਾਲਜ ਦੀ ਪਿ੍ੰਸੀਪਲ ਡਾ. ਅਰਚਨਾ ਗਰਗ ਨੇ ਕਾਸਮੋਟੋਲੋਜੀ ਵਿਭਾਗ ਵਲੋਂ ਵਰਕਸ਼ਾਪ ਲਗਾਉਣ ਦੇ ਉਪਰਾਲੇ ਦੀ ਸ਼ਲਾਘਾ ਕੀਤੀ ਤੇ ਉਨ੍ਹਾਂ ਕਿਹਾ ਕਿ ਇਸ ਵਰਕਸ਼ਾਪ ਵਿਚ ਸ਼ਮੂਲੀਅਤ ਕਰਕੇ ਵਿਦਿਆਰਥਣਾਂ ਦੇ ਗਿਆਨ ਵਿਚ ਵਾਧਾ ਹੋਇਆ ਹੈ | ਵਿਭਾਗ ਦੀ ਇੰਚਾਰਜ ਸੁਪਿ੍ਆ ਸ਼ਰਮਾ ਨੇ ਤੁਸ਼ਾਰ ਬਾਂਸਲ ਦਾ ਧੰਨਵਾਦ ਕੀਤਾ |
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
