ਮੋਟਰਾਂ ਦੀਆਂ ਤਾਰਾਂ ਚੋਰੀ ਕਰਨ ਵਾਲਾ ਚੋਰ ਤੇ ਦੋ ਦੁਕਾਨਦਾਰ ਕਾਬੂ ਕਿਸਾਨਾਂ ਨੇ ਕਾਬੂ ਕਰਕੇ ਤਿੰਨੋਂ ਜਣੇ ਸੁਭਾਨਪੁਰ ਪੁਲਿਸ ਦੇ ਹਵਾਲੇ ਕੀਤੇ

ਸੁਭਾਨਪੁਰ/ਨਡਾਲਾ, 27 ਸਤੰਬਰ (ਸਤਨਾਮ ਸਿੰਘ, ਰਘਬਿੰਦਰ ਸਿੰਘ)-ਨਡਾਲਾ ਅਤੇ ਸੁਭਾਨਪੁਰ ਦੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਕਿਸਾਨਾਂ ਦੀਆਂ ਮੋਟਰਾਂ ਦੀਆਂ ਤਾਰਾਂ ਚੋਰੀ ਕਰਨ ਦੇ ਦੋਸ਼ ਹੇਠ ਕਿਸਾਨਾਂ ਨੇ ਭਾਰਤੀ ਕਿਸਾਨ ਯੂਨੀਅਨ ਨਡਾਲਾ ਦੀ ਅਗਵਾਈ ਹੇਠ ਇੱਕ ਵਿਅਕਤੀ ਨੂੰ ਕਾਬੂ ਕੀਤਾ ਹੈ | ਜਿਸ ਦੀ ਨਿਸ਼ਾਨਦੇਹੀ ‘ ਤੇ ਤਾਰਾ ਖ਼ਰੀਦਣ ਵਾਲੇ ਪਿਉ ਪੁੱਤ ਦੁਕਾਨਦਾਰਾਂ ਤੂੰ ਵੀ ਕਾਬੂ ਕੀਤਾ ਹੈ | ਕਿਸਾਨਾਂ ਵੱਲੋਂ ਤਿੰਨਾਂ ਨੂੰ ਸੁਭਾਨਪੁਰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦਮੂਲੀਆਂ ਵਾਸੀ ਗੁਰਮੇਜ ਸਿੰਘ ਅਤੇ ਰਾਏਪੁਰ ਰਾਜਪੂਤਾ ਵਾਸੀ ਜੋਗਾ ਸਿੰਘ ਨੇ ਦੱਸਿਆ ਕਿ ਪਿਛਲੇ ਤਿੰਨ-ਚਾਰ ਮਹੀਨਿਆਂ ਤੋਂ ਇਲਾਕੇ ਵਿੱਚ ਕਿਸਾਨਾਂ ਦੀਆਂ ਮੋਟਰਾਂ ਦੀਆਂ ਤਾਰਾਂ ਚੋਰੀ ਹੋ ਰਹੀਆਂ ਸਨ | ਅੱਜ ਕਿਸਾਨਾਂ ਨੇ ਇੱਕ ਵਿਅਕਤੀ ਨੂੰ ਕਥਿਤ ਤੌਰ ‘ਤੇ ਤਾਰਾਂ ਸਾੜਦੇ ਹੋਏ ਕਾਬੂ ਕੀਤਾ |ਪੁੱਛਗਿੱਛ ਦੌਰਾਨ ਉਸ ਨੇ ਕਥਿਤ ਤੌਰ ‘ਤੇ ਇਲਾਕੇ ਵਿਚੋਂ ਤਾਰਾਂ ਚੋਰੀ ਕਰਨ ਅਤੇ ਸੁਭਾਨਪੁਰ-ਕਪੂਰਥਲਾ ਰੋਡ ‘ਤੇ ਫਾਟਕ ਪਾਰ ਸਥਿਤ ਬੱਬਲੂ ਗੱਚਕ ਭੰਡਾਰ ਦੀ ਦੁਕਾਨ ‘ਤੇ ਵੇਚਣ ਦੀ ਗੱਲ ਕਬੂਲ ਕੀਤੀ | ਇਸ ਤੋਂ ਬਾਅਦ ਉਸ ਦੀ ਨਿਸ਼ਾਨਦੇਹੀ ‘ਤੇ ਕਿਸਾਨਾਂ ਨੇ ਬਬਲੂ ਅਤੇ ਅਕਬਰ ਨੂੰ ਵੀ ਕਾਬੂ ਕਰ ਲਿਆ ਅਤੇ ਉਨ੍ਹਾਂ ਕੋਲੋਂ ਕਥਿਤ ਤੌਰ ‘ਤੇ ਕਰੀਬ 7-8 ਕਿੱਲੋ ਚੋਰੀ ਦੀਆਂ ਤਾਰਾਂ ਬਰਾਮਦ ਕੀਤੀਆਂ | ਇਸ ਮੌਕੇ ਪ੍ਰਧਾਨ ਹਰਜਿੰਦਰ ਸਿੰਘ ਤੇ ਪ੍ਰਧਾਨ ਨਵਜਿੰਦਰ ਵਿੱਚ ਬੱਗਾ ਨੇ ਦੱਸਿਆ ਕੇ ਇਹ ਦੁਕਾਨਦਾਰ ਪਿਉ ਪੁੱਤ ਜੋ ਗੱਚਕ ਮਰੁੰਡਾਂ ਮੂੰਗਫਲੀ ਆਦਿ ਦਾ ਕੰਮ ਕਰਦੇ ਹਨ ਤੇ ਇਹ ਕੰਮ ਕਰਨਾ ਇੱਕ ਇਨ੍ਹਾਂ ਦਾ ਬਹਾਨਾ ਹੈ | ਇਸ ਦੇ ਪਿੱਛੇ ਇਹ ਵੱਡੇ ਲੈਵਲ ਤੇ ਚੋਰੀ ਦਾ ਸਮਾਨ ਚੋਰਾਂ ਕੋਲੋਂ ਬਹੁਤ ਘੱਟ ਰੇਟ ’ਤੇ ਖ਼ਰੀਦਦੇ ਹਨ | ਉਨ੍ਹਾਂ ਨੇ ਕਿਹਾ ਕਿ ਬਹੁਤ ਮਸ਼ੱਕਤ ਕਰਨ ਤੋਂ ਬਾਅਦ ਅੱਜ ਇਨ੍ਹਾਂ ਦੋਨਾਂ ਨੂੰ ਇਨ੍ਹਾਂ ਦੀ ਦੁਕਾਨ ਵਿਚੋਂ ਚੋਰੀ ਕੀਤੀਆਂ ਤਾਰਾਂ ਸਮੇਤ ਕਾਬੂ ਕੀਤਾ ਹੈ | ਘਟਨਾ ਦੀ ਸੂਚਨਾ ਮਿਲਣ ‘ਤੇ ਕਿਸਾਨ ਯੂਨੀਅਨ ਨਡਾਲਾ ਦੇ ਪ੍ਰਧਾਨ ਹਰਜਿੰਦਰ ਸਿੰਘ ਸਾਹੀ, ਨਵਜਿੰਦਰ ਸਿੰਘ ਬੱਗਾ ਕੋਚ ਅਤੇ ਉਨ੍ਹਾਂ ਦੀ ਟੀਮ ਵੀ ਮੌਕੇ ‘ਤੇ ਪਹੁੰਚੀ | ਕਿਸਾਨਾਂ ਵੱਲੋਂ ਕਾਬੂ ਕੀਤੇ ਵਿਅਕਤੀਆਂ ਨੂੰ ਸੁਭਾਨਪੁਰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ | ਇਸ ਸਬੰਧੀ ਥਾਣਾ ਸੁਭਾਨਪੁਰ ਦੇ ਏ. ਐਸ.