ਭਾਰਤ ਭੂਸ਼ਣ ਯੂ.ਐਸ.ਏ.ਵਲੋਂ ਹੋਣਹਾਰ ਵਿਦਿਆਰਥੀਆਂ ਲਈ 50 ਹਜ਼ਾਰ ਰੁਪਏ ਸਾਲਾਨਾ ਸਕਾਲਰਸ਼ਿਪ ਸ਼ੁਰੂ
ਨਡਾਲਾ, 27 ਸਤੰਬਰ (ਰਘਬਿੰਦਰ ਸਿੰਘ)-ਉੱਘੇ ਸਮਾਜਸੇਵੀ ਭਾਰਤ ਭੂਸ਼ਣ ਯੂਐਸਏ ਵੱਲੋਂ ਆਪਣੇ ਜਨਮ ਦਿਨ ਮੌਕੇ ਗੁਰੂ ਹਰਗੋਬਿੰਦ ਸ਼ਿੰਘਰਾਲਾ ਪਬਲਿਕ ਸਕੂਲ ਨਡਾਲਾ ਦੇ ਵਿਦਿਆਰਥੀਆਂ ਲਈ ਮੈਰਿਟ-ਕਮ-ਮੀਨਜ਼ ਸਕਾਲਰਸ਼ਿਪ ਸ਼ੁਰੂ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ | ਇਹ ਵਜ਼ੀਫ਼ਾ ਪਲੱਸ ਟੂ ਸਾਇੰਸ ਤੋਂ ਬਾਅਦ ਬੀ. ਐੱਸ.
ਨਡਾਲਾ, 27 ਸਤੰਬਰ (ਰਘਬਿੰਦਰ ਸਿੰਘ)-ਉੱਘੇ ਸਮਾਜਸੇਵੀ ਭਾਰਤ ਭੂਸ਼ਣ ਯੂਐਸਏ ਵੱਲੋਂ ਆਪਣੇ ਜਨਮ ਦਿਨ ਮੌਕੇ ਗੁਰੂ ਹਰਗੋਬਿੰਦ ਸ਼ਿੰਘਰਾਲਾ ਪਬਲਿਕ ਸਕੂਲ ਨਡਾਲਾ ਦੇ ਵਿਦਿਆਰਥੀਆਂ ਲਈ ਮੈਰਿਟ-ਕਮ-ਮੀਨਜ਼ ਸਕਾਲਰਸ਼ਿਪ ਸ਼ੁਰੂ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ | ਇਹ ਵਜ਼ੀਫ਼ਾ ਪਲੱਸ ਟੂ ਸਾਇੰਸ ਤੋਂ ਬਾਅਦ ਬੀ.ਐੱਸ.ਸੀ . ਨਰਸਿੰਗ ਜਾਂ ਐੱਮ. ਬੀ. ਬੀ.ਐੱਸ. ਦੀ ਪੜ੍ਹਾਈ ਕਰ ਰਹੇ ਵਿਦਿਆਰਥੀਆਂ ਨੂੰ ਦਿੱਤਾ ਜਾਵੇਗਾ |ਭਾਰਤ ਭੂਸ਼ਣ ਵਲੋਂ ਆਪਣੇ ਸਵਰਗਵਾਸੀ ਮਾਤਾ ਦਰਸ਼ਨਾ ਕੁਮਾਰੀ ਦੀ ਯਾਦ ਵਿੱਚ ਸ਼ੁਰੂ ਕੀਤੇ ਇਸ ਸਕਾਲਰਸ਼ਿਪ ਤਹਿਤ ਹਰ ਸਾਲ 50 ਹਜ਼ਾਰ ਰੁਪਏ ਦੀ ਰਾਸ਼ੀ ਵਿਦਿਆਰਥੀ ਨੂੰ ਦਿੱਤੀ ਜਾਵੇਗੀ | ਇਸ ਸਾਲ ਇਹ ਵਜ਼ੀਫ਼ਾ ਸਕੂਲ ਦੀ ਪੁਰਾਣੀ ਵਿਦਿਆਰਥਣ ਜਸਮੀਨ ਕੌਰ ਨੂੰ ਦਿੱਤਾ ਜਾਵੇਗਾ, ਜੋ ਇਸ ਸਮੇਂ ਬੀ.ਐੱਸ.ਸੀ. ਨਰਸਿੰਗ ਦੀ ਪੜ੍ਹਾਈ ਕਰ ਰਹੀ ਹੈ |ਸਕੂਲ ਦੇ ਪਿ੍ੰਸੀਪਲ ਮਨਪ੍ਰੀਤ ਕੌਰ ਨੇ ਦੱਸਿਆ ਕਿ ਸਕਾਲਰਸ਼ਿਪ ਦੀ ਰਾਸ਼ੀ ਸਕੂਲ ਨੂੰ ਪ੍ਰਾਪਤ ਹੋ ਚੁੱਕੀ ਹੈ ਅਤੇ 1 ਅਕਤੂਬਰ ਨੂੰ ਭਾਰਤ ਭੂਸ਼ਣ ਦੇ ਜਨਮ ਦਿਨ ਮੌਕੇ ਵਿਦਿਆਰਥਣ ਜਾਂ ਉਸ ਦੇ ਮਾਪਿ ਆਂ ਨੂੰ ਪ੍ਰਦਾਨ ਕੀਤੀ ਜਾਵੇਗੀ | ਭਾਰਤ ਭੂਸ਼ਣ ਯੂਐਸਏ ਦੀ ਛੋਟੀ ਭੈਣ ਮੈਡਮ ਸੁਮਨ ਸ਼ਰਮਾ ਨੇ ਦੱਸਿਆ ਕਿ ਇਹ ਸਾਲਾਨਾ ਸਕਾਲਰਸ਼ਿਪ ਵਿਦਿਆਰਥਣ ਨੂੰ ਲਗਾਤਾਰ ਚਾਰ ਸਾਲ ਤੱਕ ਮਿਲਦਾ ਰਹੇਗਾ | ਸਕੂਲ ਪ੍ਰਬੰਧਕਾਂ ਨੇ ਭਾਰਤ ਭੂਸ਼ਣ ਯੂਐਸਏ ਦੀ ਇਸ ਉਸਾਰੂ ਅਤੇ ਸਮਾਜਸੇਵੀ ਪਹਿਲ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅਜਿਹੇ ਉਪਰਾਲੇ ਵਿਦਿਆਰਥੀਆਂ ਨੂੰ ਉੱਚ ਸਿੱਖਿਆ ਪ੍ਰਾਪਤ ਕਰਨ ਲਈ ਉਤਸ਼ਾਹਿਤ ਕਰਦੇ ਹਨ | ਸਕੂਲ ਵੱਲੋਂ ਭਾਰਤ ਭੂਸ਼ਣ ਅਤੇ ਉਨ੍ਹਾਂ ਦੇ ਪਰਿਵਾਰ ਦੀ ਚੜ੍ਹਦੀ ਕਲਾ ਲਈ ਅਰਦਾਸ ਕੀਤੀ ਗਈ |
