19-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-05-2026

ਜਲੰਧਰ ਧਮਾਕਾ: ਅੱਤਵਾਦੀ ਮਿੱਟੂ ਨੇ ਖੋਲ੍ਹੇ ਭੇਤ ਖੋਲ੍ਹੇ, ਸ਼ਹਿਜ਼ਾਦ ਭੱਟੀ ਨੇ ਰਚੀ ਸੀ ਸਾਜਿਸ਼

ਜਲੰਧਰ, 21 ਮਈ (ਦਵਿੰਦਰ)-ਜਾਂਚ ਏਜੰਸੀਆਂ ਨੂੰ 5 ਮਈ ਦੀ ਰਾਤ ਜਲੰਧਰ ਵਿਚ ਬੀ.ਐਸ.ਐਫ਼. ਹੈੱਡਕੁਆਰਟਰ ਨੇੜੇ ਹੋਏ ਆਈ.ਈ.ਡੀ. ਧਮਾਕੇ ਵਿਚ ਇਕ ਵੱਡੀ ਸਫ਼ਲਤਾ ਮਿਲੀ....

Ad Position 21
No active advertisement
ਅਜੀਤ ਡੈਸਕ 21-05-2026

ਜਲੰਧਰ, 21 ਮਈ (ਦਵਿੰਦਰ)-ਜਾਂਚ ਏਜੰਸੀਆਂ ਨੂੰ 5 ਮਈ ਦੀ ਰਾਤ ਜਲੰਧਰ ਵਿਚ ਬੀ.ਐਸ.ਐਫ਼. ਹੈੱਡਕੁਆਰਟਰ ਨੇੜੇ ਹੋਏ ਆਈ.ਈ.ਡੀ. ਧਮਾਕੇ ਵਿਚ ਇਕ ਵੱਡੀ ਸਫ਼ਲਤਾ ਮਿਲੀ ਹੈ। ਜਾਂਚ ਵਿਚ ਖੁਲਾਸਾ ਹੋਇਆ ਹੈ ਕਿ ਪਾਕਿਸਤਾਨ ਵਿਚ ਰਹਿਣ ਵਾਲਾ ਸ਼ਹਿਜ਼ਾਦ ਭੱਟੀ ਪੂਰੀ ਸਾਜ਼ਿਸ਼ ਦਾ ਮਾਸਟਰਮਾਈਂਡ ਸੀ।

ਗ੍ਰਿਫ਼ਤਾਰ ਅੱਤਵਾਦੀ ਉਮਰਦੀਨ ਉਰਫ਼ ਮਿੱਟੂ ਨੇ ਪੁੱਛਗਿੱਛ ਦੌਰਾਨ ਕਬੂਲ ਕੀਤਾ ਕਿ ਉਸ ਨੇ ਸੋਸ਼ਲ ਮੀਡੀਆ ਰਾਹੀਂ ਭੱਟੀ ਨਾਲ ਦੋਸਤੀ ਕੀਤੀ, ਜਿਸ ਤੋਂ ਬਾਅਦ ਉਸ ਨੂੰ ਧਮਾਕੇ ਦੀ ਜ਼ਿੰਮੇਵਾਰੀ ਸੌਂਪੀ ਗਈ। ਸੂਤਰਾਂ ਅਨੁਸਾਰ ਭੱਟੀ ਨੇ ਪਹਿਲਾਂ ਮਿੱਟੂ ਨੂੰ 50,000 ਰੁਪਏ ਭੇਜੇ ਅਤੇ ਕਿਹਾ ਕਿ ਤੂੰ ਇਹ ਕਰ ਸਕਦਾ ਹੈਂ, ਇਹ ਤੇਰਾ ਇਨਾਮ ਹੈ। ਇਸ ਤੋਂ ਬਾਅਦ ਬੰਬ ਉਸ ਨੂੰ ਪਹੁੰਚਾਇਆ ਗਿਆ।

ਪੁਲਿਸ ਨੇ ਫਗਵਾੜਾ ਨੇੜੇ ਧਮਾਕੇ ਲਈ ਵਰਤੀ ਗਈ ਕਾਰ ਵੀ ਬਰਾਮਦ ਕਰ ਲਈ ਹੈ। ਪੁਲਿਸ ਨੇ ਧਮਾਕੇ ਦੀ ਵੀਡੀਓ ਬਣਾਉਣ ਵਾਲੇ ਦੋਸ਼ੀ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ ਹੈ। ਜਾਂਚ ਏਜੰਸੀਆਂ ਦੇ ਅਨੁਸਾਰ ਧਮਾਕੇ ਤੋਂ ਬਾਅਦ ਦੋਸ਼ੀ ਡਰ ਗਿਆ ਸੀ ਅਤੇ ਆਪਣੇ ਆਪ ਨੂੰ ਬਚਾਉਣ ਲਈ ਪੈਸੇ ਖਰਚ ਕਰ ਰਿਹਾ ਸੀ। ਪੁਲਿਸ ਨੇ ਉਸ ਤੋਂ 40,000 ਰੁਪਏ ਨਕਦ ਬਰਾਮਦ ਕੀਤੇ।

ਉਸਨੇ ਪੁਲਿਸ ਨੂੰ ਉਨ੍ਹਾਂ ਥਾਵਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਜਿਥੋਂ ਬੰਬ ਅਤੇ ਪੈਸੇ ਮਿਲੇ ਸਨ। ਹੁਣ ਸੀ.ਸੀ.ਟੀ.ਵੀ. ਫੁਟੇਜ ਅਤੇ ਡਿਜੀਟਲ ਸਬੂਤਾਂ ਦੀ ਵਰਤੋਂ ਕਰਕੇ ਪੂਰੇ ਨੈੱਟਵਰਕ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਜਾਂਚ ਵਿਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਪਾਕਿਸਤਾਨੀ ਸ਼ਹਿਜ਼ਾਦ ਭੱਟੀ ਇਕ ਗੈਂਗਸਟਰ ਤੋਂ ਇਕ ਅੱਤਵਾਦੀ ਹੈਂਡਲਰ ਬਣ ਗਿਆ ਹੈ ਅਤੇ ਭਾਰਤ ਵਿਚ ਆਈ.ਐਸ.ਆਈ. ਲਈ ਸਲੀਪਰ ਸੈੱਲ ਤਿਆਰ ਕਰ ਰਿਹਾ ਹੈ।

ਇਸ ਮਾਮਲੇ ਵਿਚ ਪੰਜਾਬ ਸਮੇਤ ਕਈ ਰਾਜਾਂ ਦੇ 500 ਤੋਂ ਵੱਧ ਨੌਜਵਾਨਾਂ ਤੋਂ ਪੁੱਛਗਿੱਛ ਕੀਤੀ ਗਈ ਹੈ, ਜੋ ਇੰਸਟਾਗ੍ਰਾਮ ਅਤੇ ਟੈਲੀਗ੍ਰਾਮ ਰਾਹੀਂ ਉਸ ਦੇ ਸੰਪਰਕ ਵਿਚ ਸਨ।

Ad Position 22
No active advertisement
ਪਿਛਲੀ ਖ਼ਬਰ ਮੋਗਾ-ਕੋਟਕਪੂਰਾ ਰੋਡ ’ਤੇ ਵਾਪਰਿਆ ਭਿਆਨਕ ਸੜਕ ਹਾਦਸਾ, ਇਕ ਦੀ ਮੌਤ ਅਗਲੀ ਖ਼ਬਰ ਅਕਾਲੀ ਆਗੂ ਅਤੇ ਜ਼ਿਲ੍ਹਾ ਪ੍ਰਧਾਨ ਸਤੀਸ਼ ਗਰੋਵਰ ਨੂੰ ਪੁਲਿਸ ਨੇ ਕੀਤਾ ਗ੍ਰਿਫ਼ਤਾਰ
Ad Position 24