ਵ੍ਹਿਪ ਦੀ ਉਲੰਘਣਾ ਕੀਤੀ ਹੈ ਬਾਗ਼ੀ ਸੰਸਦ ਮੈਂਬਰਾਂ ਨੇ, ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ - ਸੰਜੇ ਰਾਊਤ

ਮੁੰਬਈ, 18 ਜੂਨ - ਬਾਗ਼ੀ ਸੰਸਦ ਮੈਂਬਰਾਂ ਬਾਰੇ, ਸ਼ਿਵ ਸੈਨਾ (ਯੂਬੀਟੀ) ਦੇ ਸੰਸਦ ਮੈਂਬਰ ਸੰਜੇ ਰਾਉਤ ਨੇ ਕਿਹਾ, "ਜੇਕਰ ਉਨ੍ਹਾਂ ਦਾ ਰਸਤਾ ਵੱਖਰਾ ਹੈ, ਤਾਂ ਲੋਕ ਸਭਾ ਦੇ ਸਪੀਕਰ ਫ਼ੈਸਲਾ ਕਰਨਗੇ। ਇਹ ਲੋਕ ਅਜੇ ਸਾਹਮਣੇ ਨਹੀਂ ਆਏ ਹਨ। ਮੈਨੂੰ ਨਹੀਂ ਪਤਾ ਕਿ ਉਹ ਕਿੱਥੇ ਲੁਕੇ ਹੋਏ ਹਨ। ਇਹ ਲੋਕ ਜੋ ਆਪਣੇ ਆਪ ਨੂੰ ਸ਼ਿਵ ਸੈਨਿਕ ਸਮਝਦੇ ਸਨ, ਉਹ ਕਾਇਰ ਹਨ। ਸ਼ਿਵ ਸੈਨਿਕ ਇੰਨੇ ਕਾਇਰ ਨਹੀਂ ਹਨ। ਇਹ ਲੋਕ ਆਪਣੇ ਆਪ ਨੂੰ ਸ਼ਿਵ ਸੈਨਿਕ ਮੰਨਦੇ ਹਨ, ਅਤੇ ਉਹ ਕਿੱਥੇ ਲੁਕਣ ਲਈ ਗਏ ਹਨ? ਜੈਪੁਰ ਵਿਚ। ਹੁਣ, ਉਨ੍ਹਾਂ ਨੇ ਵ੍ਹਿਪ ਦੀ ਉਲੰਘਣਾ ਕੀਤੀ ਹੈ, ਜਿਸਦਾ ਮਤਲਬ ਹੈ ਕਿ ਉਨ੍ਹਾਂ ਨੇ ਪਾਰਟੀ ਦੇ ਆਦੇਸ਼ਾਂ ਨੂੰ ਤੋੜਿਆ ਹੈ ਅਤੇ ਉਨ੍ਹਾਂ ਵਿਰੁੱਧ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਇਨ੍ਹਾਂ ਸਾਰੇ ਸੰਸਦ ਮੈਂਬਰਾਂ ਨੂੰ ਅਯੋਗ ਕਰਾਰ ਦਿੱਤਾ ਜਾਵੇਗਾ; ਉਨ੍ਹਾਂ ਨੂੰ ਕੋਈ ਨਹੀਂ ਬਚਾ ਸਕਦਾ। ਸਾਡੀ ਲੜਾਈ ਜਾਰੀ ਹੈ ਅਤੇ ਜਿੰਨਾ ਚਿਰ ਇਹ ਭ੍ਰਿਸ਼ਟ, ਬੇਈਮਾਨ ਲੋਕ ਰਾਜਨੀਤੀ ਵਿਚ ਮੌਜੂਦ ਹਨ, ਲੜਾਈ ਜਾਰੀ ਰਹੇਗੀ।