ਦਿਨ ਦਿਹਾੜੇ ਬਜ਼ੁਰਗ ਔਰਤ ਦੀਆਂ ਵਾਲੀਆਂ ਖੋਹ ਕੇ ਫਰਾਰ

ਘੋਗਰਾ (ਹੁਸ਼ਿਆਰਪੁਰ), 4 ਜੁਲਾਈ (ਆਰ ਐੱਸ.ਸਲਾਰੀਆ) - ਅੱਡਾ ਘੋਗਰਾ ਵਿਖੇ ਦੁਪਹਿਰ 3.30 ਵਜੇ ਬਜ਼ੁਰਗ ਔਰਤ ਦੀਆਂ ਵਾਲੀਆਂ ਖੋਹ ਲੈਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਰਕਸ਼ਾ ਦੇਵੀ ਪਤਨੀ ਬਿਸ਼ੰਬਰ ਦਾਸ ਪਿੰਡ ਸੋਸਪੁਰ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਉਹ ਦੁਪਹਿਰ 3.30 ਵਜੇ ਦੇ ਕਰੀਬ ਆਪਣੇ ਰਿਸ਼ਤੇਦਾਰਾਂ ਕੋਲ ਜਾ ਰਹੀ ਸੀ ਤਾਂ ਜਿਵੇਂ ਹੀ ਉਹ ਅੱਡਾ ਘੋਗਰਾ ਵਿਖੇ ਪਹੁੰਚੀ ਤਾਂ ਮੋਟਰਸਾਈਕਲ ਸਵਾਰ ਅਣਪਛਾਤੇ ਵਿਅਕਤੀਆਂ ਉਸ ਦੇ ਕੰਨਾਂ ਵਿਚ ਪਾਈਆਂ ਹੋਈਆਂ ਸੋਨੇ ਦੀਆਂ ਵਾਲੀਆਂ ਲੈ ਕੇ ਹਾਜੀਪੁਰ ਸਾਈਡ ਨੂੰ ਫਰਾਰ ਹੋ ਗਏ, ਜਿਸ ਨਾਲ ਮਾਤਾ ਦਾ ਰਕਸ਼ਾ ਦੇਵੀ ਦਾ ਤਕਰੀਬਨ 70-75 ਦਾ ਨੁਕਸਾਨ ਹੋਇਆ ਹੈ।