ਪਠਾਨਕੋਟ (ਸ਼ਾਹਪੁਰਕੰਡੀ), 3 ਅਗਸਤ (ਵਿਨੋਦ, ਰਣਜੀਤ ਸਿੰਘ)- ਪਠਾਨਕੋਟ ਜ਼ਿਲ੍ਹੇ ਦੇ ਇਕ ਪਿੰਡ ਵਿਚ 12 ਸਾਲਾਂ ਨਾਬਾਲਿਗ ਲੜਕੀ ਅਤੇ ਉਸਦੇ ਪਰਿਵਾਰ ਵਲੋਂ ਸਕੂਲ ਅਧਿਆਪਕ ਤੇ ਜ਼ਬਰ ਜ਼ਨਾਹ ਦਾ ਦੋਸ਼ ਲਾਉਂਦੇ ਹੋਏ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਹੈ, ਕਿ ਸਕੂਲ ਅਧਿਆਪਕ ਵਲੋਂ ਲੜਕੀ ਨੂੰ ਕੰਪਿਊਟਰ ਲੈਬ ਵਿਚ ਲੈ ਕੇ ਉਸ ਨਾਲ ਛੇੜਛਾੜ ਅਤੇ ਜ਼ਬਰ ਜ਼ਨਾਹ ਕੀਤਾ ਗਿਆ ਹੈ, ਜਿਸ ਦੇ ਚਲਦੇ ਉਨ੍ਹਾਂ ਨੇ ਪੁਲਿਸ ਸ਼ਿਕਾਇਤ ਦੇ ਕੇ ਇਨਸਾਫ਼ ਦੀ ਮੰਗ ਕੀਤੀ ਹੈ।
ਐਸ. ਐਚ. ਓ. ਮੋਹਿਤ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕਰ ਰਹੇ ਹਨ, ਅਤੇ ਮੈਡੀਕਲ ਕਰਵਾਉਣ ਲਈ ਬੱਚੀ ਨੂੰ ਸਿਵਲ ਹਸਪਤਾਲ ਪਠਾਨਕੋਟ ਲੈ ਕੇ ਆਏ ਹਨ, ਜਾਂਚ ਦੇ ਬਾਅਦ ਹੀ ਸਾਰੇ ਤੱਤ ਸਾਹਮਣੇ ਆਉਣ ਦੇ ਬਾਅਦ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
