ਕਰਨਾਟਕ : ਗੋਲੀਬਾਰੀ ਦੀ ਘਟਨਾ ਵਿਚ ਤਿੰਨ ਵਿਅਕਤੀਆਂ ਦੀ ਮੌਤ

ਚਾਮਰਾਜਨਗਰ (ਕਰਨਾਟਕ), 15 ਅਗਸਤ - ਚਾਮਰਾਜਨਗਰ ਦੇ ਹਾਨੂਰ ਤਾਲੁਕ ਵਿਚ ਮਾਰੀਆ ਮੰਗਲਾ ਜੰਗਲ ਦੇ ਨੇੜੇ ਗੋਲੀਬਾਰੀ ਦੀ ਘਟਨਾ ਵਿਚ ਤਿੰਨ ਵਿਅਕਤੀਆਂ ਦੀ ਮੌਤ ਹੋ ਗਈ।ਮ੍ਰਿਤਕਾਂ ਵਿਚੋਂ ਇਕ (ਐਂਥਨੀ ਸਵਾਮੀ) ਦੀ ਪਤਨੀ ਲੌਰਡੂ ਮੈਰੀ ਨੇ ਹਾਨੂਰ ਪੁਲਿਸ ਸਟੇਸ਼ਨ ਵਿਚ ਜੰਗਲਾਤ ਅਧਿਕਾਰੀਆਂ ਵਿਰੁੱਧ ਕਤਲ ਦੀ ਸ਼ਿਕਾਇਤ ਦਰਜ ਕਰਵਾਈ, ਜਿਸ ਵਿਚ ਦੋਸ਼ ਲਗਾਇਆ ਗਿਆ ਕਿ ਸਟਾਫ ਨੇ ਲਾਪਤਾ ਪਸ਼ੂਆਂ ਦੀ ਭਾਲ ਕਰ ਰਹੇ ਪਿੰਡ ਵਾਸੀਆਂ 'ਤੇ ਗੋਲੀਬਾਰੀ ਕੀਤੀ। ਇਹ ਮਾਮਲਾ ਭਾਰਤੀ ਨਿਆਏ ਸੰਹਿਤਾ, 2023 ਦੀ ਧਾਰਾ 103(1) ਦੇ ਤਹਿਤ ਹਾਨੂਰ ਪੁਲਿਸ ਸਟੇਸ਼ਨ ਵਿਚ ਦਰਜ ਕੀਤਾ ਗਿਆ ਹੈ। ਪੁਲਿਸ ਨੇ ਕਿਹਾ ਕਿ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਐਫਆਈਆਰ ਨੂੰ ਐਡੀਸ਼ਨਲ ਸਿਵਲ ਜੱਜ (ਜੂਨੀਅਰ ਡੀਐਨ) ਅਤੇ ਜੇਐਮਐਫਸੀ ਕੋਰਟ, ਕੋਲੇਗਲਾ ਨੂੰ ਭੇਜ ਦਿੱਤਾ ਗਿਆ ਹੈ। ਗੋਲੀਬਾਰੀ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਹੋਰ ਜਾਂਚ ਕੀਤੀ ਜਾ ਰਹੀ ਹੈ।