ਏਸ਼ਿਆਈ ਖੇਡਾਂ ਵਿਚ ਸੋਨ ਤਗਮਾ ਜਿੱਤਣਾ ਬਹੁਤ ਮਾਣ ਵਾਲੀ ਗੱਲ ਹੈ - ਵੀ.ਵੀ.ਐਸ. ਲਕਸ਼ਮਣ (ਭਾਰਤੀ ਕ੍ਰਿਕਟ ਟੀਮ ਕੋਚ)

ਬੇਂਗਲੁਰੂ (ਕਰਨਾਟਕ), 5 ਅਕਤੂਬਰ -  ਭਾਰਤ ਨੇ ਜਾਪਾਨ ਵਿਚ ਹੋਏ ਏਸ਼ਿਆਈ ਖੇਡਾਂ ਦੇ ਟੀ-20 ਕ੍ਰਿਕਟ ਟੂਰਨਾਮੈਂਟ ਵਿਚ ਪਾਕਿਸਤਾਨ ਨੂੰ ਹਰਾ ਕੇ ਸੋਨ ਤਗਮਾ ਜਿੱਤਿਆ।
ਏਸ਼ਿਆਈ ਖੇਡਾਂ 2026 ਲਈ ਭਾਰਤੀ ਪੁਰਸ਼ ਕ੍ਰਿਕਟ ਟੀਮ ਦੇ ਮੁੱਖ ਕੋਚ, ਵੀ.ਵੀ.ਐਸ. ਲਕਸ਼ਮਣ ਨੇ ਕਿਹਾ, "ਟੀਮ ਦੇ ਖੇਡਣ ਦੇ ਅੰਦਾਜ਼ ਤੋਂ ਮੈਂ ਬਹੁਤ ਖੁਸ਼ ਹਾਂ; ਏਸ਼ਿਆਈ ਖੇਡਾਂ ਵਿਚ ਸੋਨ ਤਗਮਾ ਜਿੱਤਣਾ ਬਹੁਤ ਮਾਣ ਵਾਲੀ ਗੱਲ ਹੈ ਅਤੇ ਮੈਨੂੰ ਲੱਗਦਾ ਹੈ ਕਿ ਹਰ ਖਿਡਾਰੀ ਨੇ ਆਪਣੀ ਸਮਰੱਥਾ ਅਨੁਸਾਰ ਖੇਡਿਆ; ਜਿੱਤ ਨੂੰ ਬਰਕਰਾਰ ਰੱਖਣਾ ਵੀ ਸਾਡੇ ਸਾਰਿਆਂ ਲਈ ਇਕ ਬਹੁਤ ਖ਼ਾਸ ਪਲ ਹੈ... ਮੈਨੂੰ ਲੱਗਦਾ ਹੈ ਕਿ ਅਸੀਂ ਬਹੁਤ ਖੁਸ਼ਕਿਸਮਤ ਹਾਂ ਕਿ ਸਾਡੇ ਕੋਲ ਇੰਨੇ ਸਾਰੇ ਖਿਡਾਰੀ ਹਨ ਜੋ ਬਹੁਤ ਪ੍ਰਤਿਭਾਸ਼ਾਲੀ ਅਤੇ ਮਿਹਨਤੀ ਹਨ, ਜਿਨ੍ਹਾਂ ਦੀ ਕੰਮ ਪ੍ਰਤੀ ਪਹੁੰਚ ਬਹੁਤ ਵਧੀਆ ਹੈ, ਅਤੇ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਉਨ੍ਹਾਂ ਵਿਚ ਇਕ 'ਚੈਂਪੀਅਨ' ਵਾਲੀ ਸੋਚ ਹੈ। ਇਸ ਲਈ ਉਨ੍ਹਾਂ ਨੂੰ ਖੇਡਦੇ ਹੋਏ ਦੇਖਣਾ ਬਹੁਤ ਵਧੀਆ ਸੀ; ਭਾਵੇਂ ਉਨ੍ਹਾਂ ਨੂੰ ਮੌਸਮ ਜਾਂ ਹਾਲਾਤਾਂ ਕਾਰਨ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪਿਆ, ਪਰ ਮੈਨੂੰ ਲੱਗਦਾ ਹੈ ਕਿ ਉਹ ਇਨ੍ਹਾਂ ਚੁਣੌਤੀਆਂ 'ਤੇ ਖਰੇ ਉਤਰੇ ਅਤੇ ਖ਼ਸ ਤੌਰ 'ਤੇ ਜਦੋਂ ਉਹ ਦਬਾਅ ਹੇਠ ਸਨ, ਤਾਂ ਉਨ੍ਹਾਂ ਨੇ ਬਹੁਤ ਸੰਜਮ ਵਰਤਿਆ ਅਤੇ ਦੇਸ਼ ਲਈ ਲੋੜੀਂਦਾ ਨਤੀਜਾ ਹਾਸਲ ਕੀਤਾ।"