ਬਜਟ ਭਾਸ਼ਣ ਦੌਰਾਨ ਵਿਗੜੀ ਵਿੱਤ ਮੰਤਰੀ ਸੀਤਾਰਮਨ ਦੀ ਸਿਹਤ, ਪੂਰਾ ਪੜ੍ਹੇ ਬਿਨਾਂ ਹੀ ਬੈਠੀ

ਨਵੀਂ ਦਿੱਲੀ, 1 ਫਰਵਰੀ- ਬਜਟ ਭਾਸ਼ਣ ਦੌਰਾਨ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੀ ਸਿਹਤ ਵਿਗੜਦੀ ਨਜ਼ਰ ਆਈ।  ਉਹ ਪੂਰਾ ਬਜਟ ਭਾਸ਼ਣ ਨਹੀਂ ਪੜ੍ਹ ਸਕੀ ਅਤੇ ਵਿਚਕਾਰ ਹੀ ਬੈਠ ਗਈ। ਵਿੱਤ ਮੰਤਰੀ ਸੀਤਾਰਮਨ ਕਰੀਬ 2 ਪੇਜ ਬਿਨਾਂ ਪੜ੍ਹਿਆਂ ਹੀ ਬੈਠ ਗਈ। ਆਪਣੇ ਬਜਟ ਭਾਸ਼ਣ ਦੇ ਆਖ਼ਰੀ ਹਿੱਸੇ 'ਚ ਉਨ੍ਹਾਂ ਨੇ ਕਈ ਵਾਰ ਪਾਣੀ ਪੀਤਾ। ਉਨ੍ਹਾਂ ਦੀ ਆਵਾਜ਼ ਲੜਖੜਾਉਂਦੀ ਨਜ਼ਰ ਆਈ। ਹਰਸਿਮਰਤ ਕੌਰ ਬਾਦਲ ਉੱਠ ਕੇ ਉਨ੍ਹਾਂ ਕੋਲ ਆਈ। ਇਸ ਤੋਂ ਬਾਅਦ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਉਨ੍ਹਾਂ ਨੂੰ ਕਿਹਾ ਕਿ ਜੇਕਰ ਉਹ ਚਾਹੁਣ ਤਾਂ ਬੈਠ ਜਾਣ। ਜਵਾਬ 'ਚ ਵਿੱਤ ਮੰਤਰੀ ਸੀਤਾਰਮਨ ਨੇ ਕਿਹਾ ਕਿ ਦੋ ਹੀ ਪੇਜ ਬਚੇ ਹਨ, ਮੈਂ ਪੜ੍ਹ ਲਵਾਂਗੀ ਪਰ ਕੁਝ ਦੇਰ ਬਾਅਦ ਉਹ ਸਪੀਕਰ ਦੀ ਆਗਿਆ ਮੰਗ ਕੇ ਬੈਠ ਗਈ। ਇਹ ਬਜਟ ਭਾਸ਼ਣ ਕਾਫ਼ੀ ਲੰਬਾ ਸੀ, ਜਿਹੜਾ ਕਿ ਕਰੀਬ 2 ਘੰਟੇ 20 ਮਿੰਟ ਤੱਕ ਚੱਲਿਆ।