ਦਸੂਹਾ, 2 ਸਤੰਬਰ (ਭੁੱਲਰ)-ਸਹਿਕਾਰ ਭਾਰਤੀ ਪੰਜਾਬ ਵਲੋਂ ਬਲਜਿੰਦਰ ਸਿੰਘ ਹੀਰਾਹਾਰ ਸਹਿਕਾਰ ਭਾਰਤੀ ਪੰਜਾਬ ਦੇ ਮਹਾਂ ਮੰਤਰੀ ਨਿਯੁਕਤ ਕੀਤੇ ਗਏ | ਇਸ ਮੌਕੇ ਬਲਰਾਮ ਦਾਸ ਬਾਵਾ ਸੂਬਾ ਪ੍ਰਧਾਨ ਤੇ ਜੋਤੀ ਸ਼ਰਮਾ ਲੁਧਿਆਣਾ ਮਹਿਲਾ ਪ੍ਰਮੁੱਖ ਨਿਯੁਕਤ ਕੀਤੇ ਗਏ | ਇਸ ਮੌਕੇ ਸਹਿਕਾਰ ਭਾਰਤੀ ਪੰਜਾਬ ਦੇ ਨਵ ਨਿਯੁਕਤ ਮਹਾਂ ਮੰਤਰੀ ਬਲਜਿੰਦਰ ਸਿੰਘ ਹੀਰਾ ਹਾਰ ਨੇ ਸਹਿਕਾਰ ਭਾਰਤੀ ਦੀ ਹਾਈਕਮਾਨ ਦਾ ਧੰਨਵਾਦ ਕੀਤਾ ਉਨ੍ਹਾਂ ਕਿਹਾ ਕਿ ਉਹ ਸਹਿਕਾਰ ਭਾਰਤੀ ਦੀ ਮਜ਼ਬੂਤੀ ਲਈ ਦਿਨ ਰਾਤ ਇਕ ਕਰਨਗੇ | ਇਸ ਮੌਕੇ ਬਲਰਾਮ ਦਾਸ ਬਾਵਾ ਸੂਬਾ ਪ੍ਰਧਾਨ ਤੇ ਜੋਤੀ ਸ਼ਰਮਾ ਲੁਧਿਆਣਾ ਨੇ ਵੀ ਸਹਿਕਾਰ ਭਾਰਤੀ ਦੇ ਉੱਚ ਅਹੁਦੇਦਾਰਾਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਸਰਪ੍ਰਸਤ ਆਲ ਇੰਡੀਆ ਸਹਿਕਾਰ ਭਾਰਤੀ ਦੀਨਾ ਨਾਥ ਠਾਕੁਰ, ਡਾ. ਉਦੇ ਜੋਸ਼ੀ ਕੌਮੀ ਪ੍ਰਧਾਨ ਸਹਿਕਾਰ ਭਾਰਤੀ, ਦੀਪਕ ਚੌਰਸੀਆ ਕੌਮੀ ਮਹਾਮੰਤਰੀ, ਸੰਜੇ ਪਾਚਪੋਰ ਕੌਮੀ ਸੰਗਠਨ ਮੰਤਰੀ, ਲਕਸ਼ਮਣ ਪਾਤਰਾ ਕੇਂਦਰੀ ਦਫ਼ਤਰ ਪ੍ਰਮੁੱਖ, ਐਸ. ਡੀ. ਤਿਵਾੜੀ ਕਸ਼ੇਤਰੀਆ ਸੰਗਠਨ ਪ੍ਰਮੁੱਖ, ਚੇਤਨ ਸੂਦ ਹੁਸ਼ਿਆਰਪੁਰ, ਅਨਿਲ ਸੂਦ ਸਹਿਕਾਰ ਭਾਰਤੀ, ਰਵਿੰਦਰ ਠਾਕੁਰ ਪਠਾਨਕੋਟ, ਜਸਬੀਰ ਟਿੱਕਾ ਰੋਪੜ, ਗੁਰਮੀਤ ਸੇਖੋ ਨੇ ਨਵ ਨਿਯੁਕਤ ਅਹੁਦੇਦਾਰਾਂ ਨੂੰ ਵਧਾਈ ਦਿੱਤੀ | ਇਸ ਮੌਕੇ ਸਹਿਕਾਰ ਭਾਰਤੀ ਦੇ ਹੋਰ ਵੀ ਅਹੁਦੇਦਾਰ ਹਾਜ਼ਰ ਸਨ |
