ਦਸੂਹਾ, 3 ਨਵੰਬਰ (ਭੁੱਲਰ)- ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਅਮਨਦੀਪ ਸ਼ਰਮਾ ਵਲੋਂ ਬਲਾਕ ਪੱਧਰੀ ਪ੍ਰੀ ਪ੍ਰਾਇਮਰੀ ਸੈਮੀਨਾਰਾਂ ਦਾ ਅਚਨਚੇਤ ਨਿਰੀਖਣ ਕੀਤਾ ਗਿਆ | ਉਨ੍ਹਾਂ ਦਸੂਹਾ, ਜਲੋਟਾ, ਭੰੂਗਾ ਤੇ ਮੁਕੇਰੀਆਂ ਆਦਿ ਬਲਾਕਾਂ ਵਿਚ ਪ੍ਰੀ ਪ੍ਰਾਇਮਰੀ ਅਧਿਆਪਕਾਂ ਦੇ ਸੈਮੀਨਾਰਾਂ ਨੂੰ ਸੰਬੋਧਨ ਕੀਤਾ | ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਅਮਨਦੀਪ ਸ਼ਰਮਾ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ 22 ਬਲਾਕਾਂ ਦੇ ਵੱਖ-ਵੱਖ ਸਕੂਲਾਂ ਵਿਚ ਪ੍ਰੀ ਪ੍ਰਾਇਮਰੀ ਦੇ ਅਧਿਆਪਕਾਂ ਦੇ ਸੈਮੀਨਾਰ ਤਿੰਨ ਤਿੰਨ ਦਿਨਾਂ ਵਿਚ ਲਗਾਏ ਜਾ ਰਹੇ ਹਨ | ਉਨ੍ਹਾਂ ਪ੍ਰੀ ਪ੍ਰਾਇਮਰੀ ਦੇ ਅਧਿਆਪਕਾਂ ਨੂੰ ਨਵੀਆਂ ਵਿਧੀਆਂ ਰਾਹੀਂ ਦਿੱਤੀ ਜਾ ਰਹੀ ਟਰੇਨਿੰਗ ਸਬੰਧੀ ਵਿਸਥਾਰ ਪੂਰਵਕ ਚਾਨਣਾ ਪਾਇਆ | ਇਸ ਮੌਕੇ ਸੀ.ਆਰ.ਸੀ. ਕੰਗਮਾਈ ਵਿਖੇ ਰਿਸੋਰਸ ਪਰਸਨ ਹਰਭਜਨ ਸਿੰਘ, ਰਿਸੋਰਸ ਪਰਸਨ ਜਸਬੀਰ ਸਿੰਘ, ਰਿਸਰਸ ਪਰਸਨ ਰਵੀ ਕੁਮਾਰ, ਜਗਜੀਤ ਸਿੰਘ ਸੈਂਟਰ ਹੈੱਡ ਟੀਚਰ ਰੂਪੋਵਾਲ, ਸਰਬਜੀਤ ਸਿੰਘ ਕੰਗ, ਬਲਵੰਤ ਸਿੰਘ, ਸੀ.ਐਚ.ਟੀ. ਸੰਗੀਤਾ ਬਾਸੂਦੇਵ, ਪਵਨ ਕੁਮਾਰੀ, ਤਾਜਪ੍ਰੀਤ ਕੌਰ, ਪੂਜਾ, ਹਰਸ਼, ਬਲਵੀਰ ਸਿੰਘ, ਰਾਜੇਸ਼ ਪਰਮਾਰ, ਬਲਜੀਤ ਸਿੰਘ, ਸੀ. ਐੱਚ. ਟੀ. ਰਾਜੇਸ਼ ਸ਼ਰਮਾ, ਸੀ. ਐੱਚ. ਟੀ. ਰਾਜੇਸ਼ ਅਰੋੜਾ, ਹੈੱਡ ਟੀਚਰ ਗੁਰਮੁਖ ਸਿੰਘ ਬਾਜਵਾ, ਹੈੱਡ ਟੀਚਰ ਸੁਖਵੀਰ ਸਿੰਘ ਤੇ ਵੱਖ-ਵੱਖ ਸਕੂਲਾਂ ਦੇ ਅਧਿਆਪਕ ਹਾਜ਼ਰ ਸਨ |
