ਅੱਡਾ ਸਰਾਂ, 6 ਦਸੰਬਰ (ਹਰਜਿੰਦਰ ਸਿੰਘ ਮਸੀਤੀ)-ਸਰਕਾਰੀ ਡਿਸਪੈਂਸਰੀ ਸੀਕਰੀ ਵੱਲੋਂ ਐਸ.ਐਮ.ਓ ਡਾ: ਸੁਦੇਸ਼ ਰਾਜਨ ਸੀ.ਐਚ.ਸੀ ਭੂੰਗਾ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਪਿੰਡ ਭਾਗੋਵਾਲ ਅਤੇ ਲੁੱਦਾਂ ਵਿਖੇ ਜਾਗਰੂਕਤਾ ਕੈਂਪ ਲਗਾਏ ਗਏ | ਲਗਾਏ ਗਏ ਇਨ੍ਹਾਂ ਕੈਂਪਾਂ ਦੌਰਾਨ ਸੀ.ਐਚ.ਓ ਅਮਨਦੀਪ ਕੌਰ ਨੇ ਗਰਭ 'ਚ ਪਲ ਰਹੇ ਬੱਚੇ ਦਾ ਲਿੰਗ ਪਤਾ ਕਰਵਾਉਣ ਨੂੰ ਜੁਰਮ ਦੱਸਿਆ | ਇਸ ਦੌਰਾਨ ਉਨ੍ਹਾਂ ਬੱਚੇ ਦੀ ਸੇਵਾ ਸੰਭਾਲ ਬਾਰੇ ਵੀ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ | ਇਸ ਮੌਕੇ ਰਾਣੀ ਦੇਵੀ, ਗੁਰਪਾਲ ਸਿੰਘ, ਮਨਜੀਤ ਤੇ ਹੋਰ ਸਟਾਫ਼ ਮੈਂਬਰ ਮੌਜੂਦ ਸਨ |
