ਗੁਰੂਸਰ ਸੁਧਾਰ, 2 ਜੂਨ (ਜਗਪਾਲ ਸਿੰਘ ਸਿਵੀਆਂ)-ਪਿੰਡ ਅਕਾਲਗੜ੍ਹ ਕਲਾਂ ਵਿਖੇ ਏਅਰਫੋਰਸ ਦੇ ਏਰੀਏ 'ਚ ਪੈਂਦੀ ਇਤਿਹਾਸਕ ਜਗ੍ਹਾ ਪੀਰ ਬਾਬਾ ਤਾਰੂ ਸ਼ਾਹ ਦਰਗਾਹ ਵਿਖੇ ਸਾਲਾਨਾ ਮੇਲੇ ਦਾ ਆਯੋਜਨ 5 ਜੂਨ ਨੂੰ ਕੀਤਾ ਜਾ ਰਿਹਾ ਹੈ | ਜਿੱਥੇ ਕਿ ਏਅਰ ਫੋਰਸ ਉੱਚ ਅਧਿਕਾਰੀ ਅਤੇ ਹਜ਼ਾਰਾਂ ਦੀ ਗਿਣਤੀ ਵਿਚ ਸ਼ਰਧਾਲੂ ਪੀਰ ਬਾਬਾ ਦੀ ਸਮਾਧੀ 'ਤੇ ਸ਼ਰਧਾ ਦੇ ਫੁੱਲ ਭੇਟ ਕਰਨ ਅਤੇ ਅਰਦਾਸ ਕਰਨ ਲਈ ਪੁੱਜਣਗੇ | ਸਥਾਨਕ ਕਮੇਟੀ ਦੇ ਪ੍ਰਧਾਨ ਦਲੇਰ ਸਿੰਘ ਅਤੇ ਖ਼ਜ਼ਾਨਚੀ ਪੰਚ ਅਮਰਜੀਤ ਸਿੰਘ ਸੋਨੂੰ ਨੇ ਦੱਸਿਆ ਕਿ ਇਸ ਵਾਰ ਮੇਲੇ ਦੌਰਾਨ ਧਾਰਮਿਕ ਸਮਾਗਮਾਂ ਦੇ ਨਾਲ-ਨਾਲ ਸੱਭਿਆਚਾਰਕ ਪ੍ਰੋਗਰਾਮ ਵੀ ਆਯੋਜਿਤ ਕੀਤੇ ਜਾਣਗੇ | ਮੇਲੇ ਵਿਚ ਸਥਾਨਕ ਕਲਾਕਾਰਾਂ ਦੀਆਂ ਪੇਸ਼ਕਾਰੀਆਂ ਅਤੇ ਕਵੀਸ਼ਰੀ ਜੱਥੇ ਸ਼ਰਧਾਲੂਆਂ ਦਾ ਮਨੋਰੰਜਨ ਕਰਨਗੇ | ਇਸ ਮੌਕੇ ਸੇਵਾਦਾਰ ਸੰਤੋਖ ਸਿੰਘ, ਪਾਲਾ ਬਾਬਾ, ਸ਼ਬੀਨਾ ਬੇਗਮ, ਹਰਦੇਵ ਸਿੰਘ ਸੈਂਬੀ, ਗੁਰਦੀਪ ਸਿੰਘ ਲੋਟੇ, ਜਸਵੰਤ ਸਿੰਘ ਹੀਰਾ, ਬਲਵੰਤ ਸਿੰਘ ਪਰੀ, ਈਸ਼ਵਰ ਲਾਲ, ਜਗਤਾਰ ਸਿੰਘ ਜੀਤਾ, ਲਾਲੀ, ਰਾਜੂ, ਦੀਪੂ ਆਦਿ ਹਾਜ਼ਰ ਸਨ |
