ਹਠੂਰ, 21 ਸਤੰਬਰ (ਜਸਵਿੰਦਰ ਸਿੰਘ ਛਿੰਦਾ)-ਪੰਜਾਬ ਕਿਸਾਨ ਯੂਨੀਅਨ ਦੇ ਜ਼ਿਲ੍ਹਾ ਪ੍ਰਧਾਨ ਬੂਟਾ ਸਿੰਘ ਚਕਰ ਨੇ ਪ੍ਰੈੱਸ ਨੂੰ ਬਿਆਨ ਜਾਰੀ ਕਰਦਿਆਂ ਕਿਹਾ ਹਰੇਕ ਸਾਲ ਨਮੀਂ ਵੱਧ ਦੇ ਬਹਾਨੇ ਮੰਡੀਆਂ 'ਚ ਕਿਸਾਨਾਂ ਨੂੰ ਰੋਲਿਆ ਜਾਂਦਾ ਹੈ | 17 ਪ੍ਰਤੀਸ਼ਤ ਨਵੀਂ ਦੀ ਮਾਤਰਾ ਜੋ ਮਿਥੀ ਗਈ ਹੈ | ਇਸ ਲਈ ਨਮੀ ਦੀ ਮਾਤਰਾ ਘੱਟੋ-ਘੱਟ 20 ਪ੍ਰਤੀਸ਼ਤ ਹੋਣੀ ਚਾਹੀਦੀ ਹੈ | ਇਸ ਤਰ੍ਹਾਂ ਕਰਨ ਨਾਲ ਜਿੱਥੇ ਮੰਡੀਆਂ 'ਚ ਝੋਨੇ ਦੇ ਅੰਬਾਰ ਨਹੀਂ ਲੱਗਣਗੇ, ਨਾ ਹੀ ਵੱਧ ਨਮੀਂ ਦੀ ਆੜ 'ਚ ਕਿਸਾਨਾਂ ਦੀ ਲੁੱਟ ਹੋਵੇ ਅਤੇ ਉਹ ਖੱਜਲ-ਖੁਆਰੀਆਂ ਤੋਂ ਵੀ ਬਚ ਸਕਦੇ ਹਨ | ਉਨ੍ਹਾਂ ਕਿਹਾ ਕਿ ਨਮੀ 17 ਨਹੀਂ ਆਉਂਦੀ, ਜਿਸ ਕਰਕੇ ਆੜ੍ਹਤੀਆਂ ਤੇ ਸ਼ੈੱਲਰਾਂ ਵਾਲਿਆਂ ਵਲੋਂ ਸੌ ਨਖ਼ਰੇ ਦਿਖਾਉਣ ਕਾਰਨ ਕਿਸਾਨ-ਮਜ਼ਬੂਰ ਹੋ ਕੇ 100 ਬੋਰੀਆਂ ਮਗਰ ਦੋ ਤੋਂ ਤਿੰਨ ਬੋਰੀਆਂ ਵੱਧ ਦੇਣ ਲਈ ਮਜ਼ਬੂਰ ਹੁੰਦੇ ਹਨ | ਪ੍ਰਧਾਨ ਬੂਟਾ ਸਿੰਘ ਚਕਰ ਨੇ ਕਿਹਾ ਕਿ ਹਰੇਕ ਸਾਲ ਇਹੀ ਵਰਤਾਰਾ ਚਲਦਾ ਹੈ | ਜਿਸ ਦਾ ਹੱਲ ਸਰਕਾਰ ਨਮੀਂ ਦੀ ਮਾਤਰਾ 20 ਪ੍ਰਤੀਸ਼ਤ ਕਰਕੇ ਕਰ ਸਕਦੀਆਂ ਹਨ |
