16-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 27-09-2025

ਸੀ. ਟੀ. ਯੂਨੀਵਰਸਿਟੀ ਦਾ ਡਾ: ਦਿਲਪ੍ਰੀਤ ਸਿੰਘ ਵਿਸ਼ਵ ਦੇ ਟੌਪ ਦੇ ਵਿਗਿਆਨੀਆਂ ਵਿਚ ਸ਼ਾਮਿਲ

Ad Position 21
No active advertisement
ਸੀ. ਟੀ. ਯੂਨੀਵਰਸਿਟੀ ਦਾ ਵਿਸ਼ਵ ਦੇ ਟੌਪ ਦੇ ਵਿਗਿਆਨੀਆਂ ਵਿਚ ਸ਼ਾਮਿਲ ਡਾ: ਦਿਲਪ੍ਰੀਤ ਸਿੰਘ | <br/> 27-09-2025
ਜਗਰਾਉਂ, 26 ਸਤੰਬਰ (ਸ਼ਮਸ਼ੇਰ ਸਿੰਘ ਗਾਲਿਬ)-ਸੀ.ਟੀ. ਯੂਨੀਵਰਸਿਟੀ ਨੂੰ ਉਸ ਸਮੇਂ ਵੱਡਾ ਮਾਣ ਮਿਲਿਆ ਜਦ ਸਕੂਲ ਆਫ ਫਾਰਮਾਸਿਊਟਿਕਲ ਸਾਇੰਸ ਦੇ ਐਸੋਸੀਏਟ ਪ੍ਰੋਫੈਸਰ ਡਾ: ਦਿਲਪ੍ਰੀਤ ਸਿੰਘ ਵਿਸ਼ਵ ਦੇ ਟੌਪ 2 ਫ਼ੀਸਦੀ ਵਿਗਿਆਨੀਆਂ ਵਿਚ ਸ਼ਾਮਿਲ ਹੋਏ | ਇਹ ਸਨਮਾਨ ਸਟੈਨਫੋਰਡ ਯੂਨੀਵਰਸਿਟੀ ਅਤੇ ਐਲਸੇਵੀਅਰ ਦੇ ਸਹਿਯੋਗ ਨਾਲ ਦਿੱਤਾ ਗਿਆ ਹੈ | ਇਹ ਗਲੋਬਲ ਰੈਂਕਿੰਗ ਕਠੋਰ, ਮਿਆਰੀਤ ਸਿਟੇਸ਼ਨ ਇੰਡਿਕੇਟਰਾਂ (8-ਇੰਡੈਕਸ, ਕੋ-ਆਥਰਸ਼ਿਪ-ਐਡਜਸਟਡ 8-ਇੰਡੈਕਸ, ਕੁੱਲ ਸਿਟੇਸ਼ਨ ਅਤੇ ਕੰਪੋਜ਼ਿਟ ਇੰਡਿਕੇਟਰ ਸਕੋਰ) ਦੇ ਆਧਾਰ 'ਤੇ ਬਣਾਈ ਗਈ ਹੈ, ਜਿਸਨੂੰ ਸਟੈਨਫੋਰਡ ਯੂਨੀਵਰਸਿਟੀ ਦੇ ਮਾਹਿਰਾਂ ਨੇ ਜਾਰੀ ਕੀਤਾ ਹੈ | ਡਾ. ਸਿੰਘ ਦੀ ਇਹ ਮਾਨਤਾ ਉਨ੍ਹਾਂ ਦੀ ਸ਼ਾਨਦਾਰ ਰਿਸਰਚ ਅਤੇ ਅਕਾਦਮਿਕ ਉਤਕਿ੍ਸ਼ਟਤਾ ਲਈ ਪ੍ਰਤੀਬੱਧਤਾ ਨੂੰ ਦਰਸਾਉਂਦੀ ਹੈ | ਕਲੀਨਿਕਲ ਮੈਡੀਸਿਨ, ਫਾਰਮਾਕੋਲੋਜੀ ਅਤੇ ਫਾਰਮੇਸੀ ਵਿਚ ਮਾਹਿਰ ਡਾ. ਸਿੰਘ ਨੇ ਆਪਣੇ ਉੱਚ ਪ੍ਰਭਾਵ ਵਾਲੇ ਪ੍ਰਕਾਸ਼ਨਾਂ ਅਤੇ ਸ਼ਾਨਦਾਰ 8-ਇੰਡੈਕਸ ਰਾਹੀਂ ਵਿਗਿਆਨ ਵਿਚ ਮਹੱਤਵਪੂਰਨ ਯੋਗਦਾਨ ਦਿੱਤਾ ਹੈ | ਉਨ੍ਹਾਂ ਦਾ ਕੰਮ ਸਿਰਫ ਅਕਾਦਮਿਕ ਖੇਤਰ ਤੱਕ ਸੀਮਿਤ ਨਹੀਂ ਹੈ, ਬਲਕਿ ਉਦਯੋਗ ਵਿਚ ਵੀ ਪ੍ਰਭਾਵ ਪਾ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਖੇਤਰ ਵਿਚ ਵਿਸ਼ਵ ਪੱਧਰੀ ਪ੍ਰਸਿੱਧੀ ਮਿਲੀ ਹੈ | ਸੀ.ਟੀ. ਯੂਨੀਵਰਸਿਟੀ ਦੇ ਪ੍ਰੋ: ਚਾਂਸਲਰ ਡਾ. ਮਨਬੀਰ ਸਿੰਘ ਨੇ ਕਿਹਾ ਅਸੀਂ ਡਾ: ਦਿਲਪ੍ਰੀਤ ਸਿੰਘ ਦੀ ਇਸ ਸ਼ਾਨਦਾਰ ਪ੍ਰਾਪਤੀ 'ਤੇ ਬਹੁਤ ਮਾਣ ਮਹਿਸੂਸ ਕਰਦੇ ਹਾਂ | ਵਿਸ਼ਵ ਦੇ ਟੌਪ 2 ਫ਼ੀਸਦੀ ਵਿਗਿਆਨੀਆਂ ਵਿਚ ਸ਼ਾਮਿਲ ਹੋਣਾ ਸਿਰਫ਼ ਨਿੱਜੀ ਸਫ਼ਲਤਾ ਨਹੀਂ ਬਲਕਿ ਸੀਟੀ ਯੂਨੀਵਰਸਿਟੀ ਵਿਚ ਉਤਕਿ੍ਸ਼ਟਤਾ ਅਤੇ ਗੁਣਵੱਤਾ ਦੀ ਸੰਸਕਿ੍ਤੀ ਦਾ ਸਬੂਤ ਹੈ | ਉਨ੍ਹਾਂ ਦੀ ਮਿਹਨਤ, ਰਿਸਰਚ ਦੀ ਗਹਿਰਾਈ ਅਤੇ ਫਾਰਮਾਸਿਊਟਿਕਲ ਸਾਇੰਸ ਵਿਚ ਯੋਗਦਾਨ ਵਿਦਿਆਰਥੀਆਂ ਅਤੇ ਫੈਕਲਟੀ ਲਈ ਪ੍ਰੇਰਣਾ ਹੈ | ਵਾਈਸ ਚਾਂਸਲਰ ਡਾ. ਨਿਤਿਨ ਤੰਦਨ ਨੇ ਕਿਹਾ ਕਿ ਡਾ: ਸਿੰਘ ਦੀ ਵਿਸ਼ਵ ਪੱਧਰੀ ਮਾਨਤਾ ਸੀ.ਟੀ. ਯੂਨੀਵਰਸਿਟੀ ਦੇ ਰਿਸਰਚ ਅਤੇ ਇਨੋਵੇਸ਼ਨ ਵਿਚ ਵਧਦੇ ਪ੍ਰਭਾਵ ਨੂੰ ਦਰਸਾਉਂਦੀ ਹੈ ਅਤੇ ਅਜਿਹੇ ਸਨਮਾਨ ਉੱਚ ਗੁਣਵੱਤਾ ਵਾਲੀ ਰਿਸਰਚ ਅਤੇ ਮੈਨਟੋਰਸ਼ਿਪ ਦੇ ਮਹੱਤਵ ਨੂੰ ਮਜ਼ਬੂਤ ਕਰਦੇ ਹਨ | ਅਸੀਂ ਉਨ੍ਹਾਂ ਨੂੰ ਇਸ ਸ਼ਾਨਦਾਰ ਪ੍ਰਾਪਤੀ ਲਈ ਮੁਬਾਰਕਬਾਦ ਦਿੰਦੇ ਹਾਂ | ਸੀ.ਟੀ. ਯੂਨੀਵਰਸਿਟੀ 'ਚ ਚੰਗੇ ਮਾਹੌਲ ਕਰਕੇ ਡਾ. ਸਿੰਘ ਵਰਗੇ ਫੈਕਲਟੀ ਮੈਂਬਰ ਰਿਸਰਚ ਵਿਚ ਉੱਚ ਮਾਪਦੰਡ ਸਥਾਪਿਤ ਕਰ ਰਹੇ ਹਨ | ਇਹ ਸਨਮਾਨ ਨਾ ਸਿਰਫ਼ ਯੂਨੀਵਰਸਿਟੀ ਦੀ ਵਿਸ਼ਵ ਪੱਧਰੀ ਪ੍ਰਤਿਸ਼ਠਾ ਨੂੰ ਵਧਾਉਂਦਾ ਹੈ, ਸਗੋਂ ਅਗਲੀ ਪੀੜ੍ਹੀ ਦੇ ਵਿਗਿਆਨੀਆਂ ਨੂੰ ਬਦਲਾਅ ਵਾਲੀ ਰਿਸਰਚ ਕਰਨ ਲਈ ਪ੍ਰੇਰਿਤ ਕਰਦਾ ਹੈ |
Ad Position 22
No active advertisement
ਪਿਛਲੀ ਖ਼ਬਰ ਐੱਸ. ਐੱਮ. ਓ. ਮੈਡਮ ਮਨਦੀਪ ਸਿੱਧੂ ਸਿੱਧਵਾਂ ਬੇਟ ਦੇ ਪਦਉੱਨਤ ਹੋਣ ਉਪਰੰਤ ਸਮੂਹ ਸਟਾਫ਼ ਵਲੋਂ ਸ਼ਾਨਦਾਰ ਵਿਦਾਇਗੀ ਪਾਰਟੀ... ਅਗਲੀ ਖ਼ਬਰ ਸ੍ਰੀ ਗੁਰੂ ਰਾਮਦਾਸ ਕਾਲਜ ਆਫ਼ ਐਜੂਕੇਸ਼ਨ ਹਲਵਾਰਾ ਵਿਖੇ ਸ਼ਖ਼ਸੀਅਤ ਵਿਕਾਸ ਵਿਸ਼ੇ 'ਤੇ ਲੈਕਚਰ ਕਰਵਾਇਆ
Ad Position 24