ਸਿੱਧਵਾਂ ਬੇਟ, 7 ਦਸੰਬਰ (ਜਸਵੰਤ ਸਿੰਘ ਸਲੇਮਪੁਰੀ)-ਸੀਨੀਅਰ ਅਕਾਲੀ ਆਗੂ ਅਤੇ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਦੇ ਨਜ਼ਦੀਕੀ ਸਾਥੀ ਜਗਦੀਸ਼ ਸਿੰਘ ਤੂਰ ਸਦਰਪੁਰਾ ਅਤੇ ਸਾਬਕਾ ਬਲਾਕ ਸੰਮਤੀ ਮੈਂਬਰ ਜਤਿੰਦਰਪਾਲ ਸਿੰਘ ਬੱਬੀ ਮਾਨ ਨੇ ਆਖਿਆ ਕਿ ਜ਼ਿਲ੍ਹਾ ਪ੍ਰੀਸਦ ਜ਼ੋਨ ਪੁੜੈਣ ਤੋਂ ਵਿਧਾਇਕ ਇਯਾਲੀ ਦੀ ਅਗਵਾਈ ਹੇਠ ਟਰੱਕ ਚੋਣ ਨਿਸ਼ਾਨ 'ਤੇ ਆਜ਼ਾਦ ਚੋਣ ਲੜ ਰਹੇ ਜਥੇਦਾਰ ਗੁਰਮੀਤ ਸਿੰਘ ਹਾਂਸ, ਸੰਮਤੀ ਜ਼ੋਨ ਸਿੱਧਵਾਂ ਬੇਟ ਤੋਂ ਟਾਰਚ ਚੋਣ ਨਿਸ਼ਾਨ 'ਤੇ ਚੋਣ ਲੜ ਰਹੇ ਪਰਮਜੀਤ ਸਿੰਘ ਧਾਲੀਵਾਲ ਅਤੇ ਸੰਮਤੀ ਜ਼ੋਨ ਸਲੇਮਪੁਰਾ ਤੋਂ ਵੀ ਟਾਰਚ ਚੋਣ ਨਿਸ਼ਾਨ 'ਤੇ ਚੋਣ ਲੜ ਰਹੀ ਨੰਬਰਦਾਰ ਹਰਿੰਦਰ ਸਿੰਘ ਕਾਕਾ ਦੀ ਨੂੰ ਹ ਬੀਬੀ ਮਨਦੀਪ ਕੌਰ ਥਿੰਦ ਪਤਨੀ ਅਰਸ਼ਪ੍ਰੀਤ ਸਿੰਘ ਥਿੰਦ ਸਮੇਤ ਹੋਰ ਉਮੀਦਵਾਰ ਵੱਡੀ ਜਿੱਤ ਦਰਜ ਕਰਕੇ ਵਿਧਾਇਕ ਇਯਾਲੀ ਦੇ ਹੋਰ ਹੱਥ ਮਜ਼ਬੂਤ ਕਰਨਗੇ | ਉਕਤ ਆਗੂਆਂ ਨੇ ਆਖਿਆ ਕਿ ਜਿਸ ਤਰ੍ਹਾਂ ਹਲਕਾ ਦਾਖਾ ਵਿਚੋਂ ਵਿਧਾਇਕ ਇਯਾਲੀ ਨੂੰ ਲੋਕਾਂ ਦਾ ਪਹਿਲਾਂ ਨਾਲੋਂ ਵੀ ਵੱਧ ਪਿਆਰ ਮਿਲ ਰਿਹਾ ਹੈ | ਉਸ ਤੋਂ ਜਾਪਦਾ ਹੈ ਕਿ ਇੰਨਾਂ ਚੋਣਾਂ ਵਿਚ ਇਯਾਲੀ ਅਜਿਹਾ ਇਤਿਹਾਸ ਸਿਰਜਣਗੇ ਜਿਸ ਨਾਲ ਉਨਾਂ ਦਾ ਸਿਆਸੀ ਕੱਦ ਪੂਰੇ ਪੰਜਾਬ ਵਿਚ ਹੋਰ ਉੱਚਾ ਹੋ ਜਾਵੇਗਾ |
