ਜਗਰਾਉਂ, 20 ਦਸੰਬਰ (ਸ਼ਮਸ਼ੇਰ ਸਿੰਘ ਗਾਲਿਬ)-ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਵਲੋਂ ਅੱਜ ਪਿੰਡ ਬਾਘੀਆਂ ਅਤੇ ਬਹਾਦਰਕੇ ਵਿਖੇ ਮੀਟਿੰਗ ਕੀਤੀ ਗਈ | ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਜ਼ਿਲ੍ਹਾ ਮੀਤ ਪ੍ਰਧਾਨ ਮਨੋਹਰ ਸਿੰਘ ਕਲਾੜ ਤੇ ਜ਼ਿਲ੍ਹਾ ਆਗੂ ਯੁਵਰਾਜ ਸਿੰਘ ਘੁਡਾਣੀ ਨੇ ਦੱਸਿਆ ਕਿ ਹੜ੍ਹ ਪੀੜਤਾਂ ਦੇ ਪਰਿਵਾਰਾਂ ਦਾ ਜੋ ਫ਼ਸਲਾਂ ਦਾ ਨੁਕਸਾਨ ਹੋਇਆ ਹੈ ਉਸ ਦੀ ਪੂਰਤੀ ਹਲੇ ਤੱਕ ਨਹੀਂ ਹੋਈ | ਉਨ੍ਹਾਂ ਕਿਹਾ ਕਿ ਸਰਕਾਰਾਂ ਵਲੋਂ ਜੋ ਮੁਆਵਜ਼ੇ ਰਾਸ਼ੀ ਪੂਰੀ ਦੇਣੀ ਸੀ ਉਹ ਵੀ ਨਹੀਂ ਦਿੱਤੀ ਗਈ | ਆਗੂਆਂ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਆਪਣੇ ਹੜ੍ਹਾਂ ਦੇ ਪੂਰੇ ਮੁਆਵਜ਼ੇ ਲੈਣ ਲਈ 22 ਦਸੰਬਰ ਨੂੰ ਜਗਰਾਉਂ ਐੱਸ.ਡੀ.ਐੱਮ ਵਿਖੇ ਪਹੁੰਚਿਆ ਜਾਵੇ ਤਾਂ ਜੋ ਹੜ੍ਹ ਪੀੜਤਾਂ ਦਾ ਜੋ ਨੁਕਸਾਨ ਹੋਇਆ ਉਸਦੀ ਪੂਰੀ ਭਰਪਾਈ ਕਰਵਾਈ ਜਾ ਸਕੇ | ਇਸ ਮੌਕੇ ਸਤਪਾਲ ਸਿੰਘ ਪੱਤੀ ਮੁਲਤਾਨੀ, ਸੋਹਣ ਸਿੰਘ ਬਾਘੀਆਂ, ਜਗਰੂਪ ਸਿੰਘ ਬਾਘੀਆਂ, ਬਜਿੰਦਰ ਸਿੰਘ ਬਹਾਦਰਕੇ , ਹਰਨੇਕ ਸਿੰਘ ਬਹਾਦਰਕੇ, ਬੂਟਾ ਸਿੰਘ ਬਹਾਦਰਕੇ, ਸਾਹਿਬ ਸਿੰਘ ਅਤੇ ਹੋਰ ਪਿੰਡ ਦੇ ਕਿਸਾਨ ਮੀਟਿੰਗ 'ਚ ਸ਼ਾਮਿਲ ਰਹੇ |
