ਮੁੱਲਾਂਪੁਰ-ਦਾਖਾ, 22 ਦਸੰਬਰ (ਨਿਰਮਲ ਸਿੰਘ ਧਾਲੀਵਾਲ)-ਵਿਧਾਨ ਸਭਾ ਹਲਕਾ ਦਾਖਾ 'ਚ ਪਿੰਡ ਪਮਾਲ (ਲੁਧਿ:) ਉਦਾਸੀਨ ਸੰਪਰਦਾਇ ਦੀ ਜ਼ਮੀਨ ਇਕ ਪਰਿਵਾਰ ਦੀ ਮਾਲਕੀ ਬਣ ਜਾਣ 'ਤੇ ਮਹੰਤ ਜੀਵਨ ਦਾਸ ਚੇਲਾ ਹਰਨਾਮ ਦਾਸ ਦੀ ਨਜ਼ਰਸਾਨੀ ਵਾਲੀ ਉਦਾਸੀਨ ਸੰਪਰਦਾਇ ਡੇਰੇ ਦੀ ਜਾਇਦਾਦ ਮੁੱਢ ਤੋਂ ਗੁਰੂ-ਚੇਲੇ ਦੀ ਮਾਲਕੀ ਹੁੰਦੀ ਸੀ | ਵਿਅਕਤੀ ਵਿਸ਼ੇਸ਼ ਦੇ ਨਾਂਅ ਵਿਰਾਸਤ ਦਾ ਇੰਤਕਾਲ ਹੋਣ 'ਤੇ ਖੁਸ਼ਪਾਲ ਸਿੰਘ ਪੁੱਤਰ ਗੁਰਦੇਵ ਸਿੰਘ ਪਿੰਡ ਪਮਾਲ ਵਗੈਰਾ 50-52 ਕਿੱਲ੍ਹੇ ਦੀ ਜਾਇਦਾਦ ਮੁੜ ਉਦਾਸੀਨ ਸੰਪਰਦਾਇ ਦੇ ਕਬਜ਼ੇ ਹੇਠ ਲਿਆਉਣ ਲਈ ਜ਼ਿਲ੍ਹਾ ਕੁਲੈਕਟਰ ਲੁਧਿਆਣਾ ਦੀ ਅਦਾਲਤ ਵਿਚ ਦਰਖਾਸਤਬਜ਼ੀ ਕਰਕੇ ਉਕਤ ਇੰਤਕਾਲ ਦਾ ਮਤਨਾਜ਼ਾ ਕਰਵਾ ਲਿਆ | ਐੱਸ.ਡੀ.ਐੱਮ ਦੀ ਕਾਰਵਾਈ ਬਾਅਦ ਜਦ ਜਦ ਖੁਸ਼ਪਾਲ ਸਿੰਘ ਆਪਣੇ ਸਮਰਥਕਾਂ ਨਾਲ ਅਦਾਲਤ ਦਾ ਰੁਖ਼ ਕੀਤਾ ਤਾਂ ਮਾਨਯੋਗ ਐਡੀਸ਼ਨਲ ਜ਼ਿਲ੍ਹਾ ਤੇ ਸ਼ੈਸ਼ਨ ਜੱਜ ਵਲੋਂ ਉਕਤ ਜ਼ਮੀਨ 'ਤੇ 30 ਜਨਵਰੀ 2026 ਤੱਕ ਸਟੇਅ ਕਰ ਦਿੱਤਾ | ਅੱਜ ਵੱਡੀ ਤਾਆਦ ਪਮਾਲ ਵਿਖੇ ਇਕੱਤਰ ਲੋਕਾਂ ਨੇ ਦੱਸਿਆ ਕਿ ਭਾਵੇਂ ਅਦਾਲਤੀ ਪ੍ਰਕਿਰਿਆ ਕਿੰਨੀ ਵੀ ਲੰਮੀ ਕਿਉਂ ਨਾ ਹੋ ਜਾਵੇ, ਉਹ ਉਦਾਸੀਨ ਡੇਰੇ ਦੀ ਜਾਇਦਾਦ ਇਕ ਪਰਿਵਾਰ ਵਿਸ਼ੇਸ਼ ਕੋਲੋਂ ਖਾਲੀ ਕਰਵਾ ਕੇ ਦਮ ਲੈਣਗੇਂ | ਪ੍ਰਧਾਨ ਨਛੱਤਰ ਸਿੰਘ, ਸਾਬਕਾ ਸਰਪੰਚ ਅਮਰਜੀਤ ਸਿੰਘ ਸਿੱਧੂ, ਅਮਰਜੀਤ ਸਿੰਘ ਅੰਬੀ, ਅਮਰਜੀਤ ਸਿੰਘ ਸੇਖੋਂ, ਬਿੱਕਰ ਸਿੰਘ, ਜ਼ੋਰਾ ਸਿੰਘ, ਸਰਬਜੀਤ ਸਿੰਘ, ਜਗਤਾਰ ਸਿੰਘ, ਦਰਸ਼ਨ ਸਿੰਘ, ਨਵਦੀਪ ਸਿੰਘ, ਗੁਰਮੀਤ ਸਿੰਘ, ਹਰਨੇਕ ਸਿੰਘ ਫੌਜ਼ੀ, ਮਨਜੀਤ ਸਿੰਘ, ਬੂਟਾ ਸਿੰਘ, ਸੁਖਪਾਲ ਸਿੰਘ, ਹੋਰਨਾਂ ਵਲੋਂ ਉਦਾਸੀਨ ਸੰਪਰਦਾਇ ਬਾਬਾ ਸ੍ਰੀ ਚੰਦ ਪੰਚਾਇਤੀ ਵੱਡਾ ਅਖਾੜਾ ਪਿੰਡ ਪਮਾਲ ਦੀ ਜ਼ਮੀਨ 'ਤੇ ਇਕ ਪਰਿਵਾਰ ਦੇ ਕਬਜ਼ੇ ਨੂੰ ਮਨੁੱਖਤਾ ਦੀ ਸੇਵਾ ਦਾ ਘਾਣ ਦੱਸਦਿਆਂ ਕਿਹਾ ਕਿ ਇਹ ਜਾਇਦਾਦ ਆਜ਼ਾਦੀ ਤੋਂ ਪਹਿਲਾਂ ਦੀ ਲੋੜਵੰਦਾਂ ਲਈ ਰਾਖਵੀਂ ਸੀ, ਹੁਣ ਇਕ ਪਰਿਵਾਰ ਦੇ ਕਬਜ਼ੇ 'ਚੋਂ ਮੁਕਤ ਕਰਵਾ ਕੇ ਉਦਾਸੀਨ ਸੰਪਰਦਾਇ ਦਾ ਅਖਾੜਾ ਮੁੜ ਸੁਰਜੀਤ ਕੀਤਾ ਜਾਵੇਗਾ |
