ਨਵਾਂਸ਼ਹਿਰ, 2 ਜੂਨ (ਦੀਦਾਰ ਸਿੰਘ ਸ਼ੇਤਰਾ)-ਸਰਕਾਰੀ ਸਮਾਰਟ ਸੀਨੀਅਰ ਸੈਕੰਡਰੀ ਸਕੂਲ ਹਿਆਲਾ ਵਿਖੇ ਸਕੂਲ ਦੇ ਸਾਹਿਤਕ ਰੂਚੀਆਂ ਰੱਖਦੇ ਵਿਦਿਆਰਥੀਆਂ ਵਲੋਂ ਆਪਣੇ ਸਾਹਿਤਕਾਰ ਅਧਿਆਪਕ ਡਾਕਟਰ ਕੇਵਲ ਰਾਮ ਨਵਾਂਸ਼ਹਿਰ ਮੁੱਖ ਸੰਪਾਦਕ ਅਤੇ ਵਿਦਿਆਰਥੀ ਸੰਪਾਦਕ ਹਰਦੀਪ ਸਿੰਘ ਵਲੋਂ ਸੰਪਾਦਿਤ ਸਾਲਾਨਾ ਮੈਗਜ਼ੀਨ 'ਰੌਸ਼ਨੀ' ਦਾ ਚੌਥਾ ਅੰਕ ਪਿ੍ੰਸੀਪਲ ਸ਼ਿਵਾਨੀ ਸੇਤੀਆ ਵਲੋਂ ਜਾਰੀ ਕੀਤਾ ਗਿਆ | ਇਸ ਮੌਕੇ ਪਿ੍ੰਸੀਪਲ ਨੇ ਕਿਹਾ ਕਿ ਸਕੂਲ ਪੱਧਰ 'ਤੇ ਅਜਿਹਾ ਸਾਹਿਤਕ ਉਪਰਾਲਾ ਕਰਨਾ ਬੱਚਿਆਂ ਅਤੇ ਅਧਿਆਪਕਾਂ ਅੰਦਰ ਛੁਪੀਆਂ ਸਾਹਿਤਕ ਰੂਚੀਆਂ ਨੂੰ ਉਭਾਰਨ ਲਈ ਇਕ ਚੰਗਾ ਉੱਦਮ ਹੈ | ਇਹ ਮੈਗਜ਼ੀਨ ਸਕੂਲ ਦੀਆਂ ਸਾਲ ਭਰ ਦੀਆਂ ਵੱਖ-ਵੱਖ ਗਤੀਵਿਧੀਆਂ 'ਤੇ ਵੀ ਝਾਤ ਪੁਆ ਰਿਹਾ ਹੈ | ਰੌਸ਼ਨੀ ਦੇ ਮੁੱਖ ਸੰਪਾਦਕ ਡਾਕਟਰ ਕੇਵਲ ਰਾਮ ਨਵਾਂਸ਼ਹਿਰ ਨੇ ਕਿਹਾ ਕਿ ਇਸ ਤਰ੍ਹਾਂ ਵਿਭਾਗ ਵਲੋਂ ਪ੍ਰੇਰਿਤ ਕਰਨਾ, ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਵਿਚ ਮਾਂ ਬੋਲੀ ਲਈ ਪਿਆਰ ਸਤਿਕਾਰ ਅਤੇ ਉਹਨਾਂ ਅੰਦਰਲੀ ਛੁਪੀ ਪ੍ਰਤਿਭਾ ਪ੍ਰਗਟ ਹੁੰਦੀ ਹੈ | ਇਸ ਮੌਕੇ ਸਕੂਲ ਦੇ ਅਧਿਆਪਕ ਅਤੇ ਬਚਿਆਂ ਦੇ ਮਾਪੇ ਵੀ ਹਾਜ਼ਰ ਸਨ |
