ਕਾਠਗੜ੍ਹ, 3 ਜੂਨ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਲੈਮਰਿਨ ਟੈੱਕ ਸਕਿੱਲਜ਼ ਯੂਨੀਵਰਸਿਟੀ ਪੰਜਾਬ ਲਈ ਮਾਣ ਵਾਲਾ ਪਲ ਆਇਆ ਹੈ | ਲੈਮਰਿਨ ਟੈੱਕ ਸਕਿੱਲਜ਼ ਯੂਨੀਵਰਸਿਟੀ ਪੰਜਾਬ ਦੇ ਵਿਦਿਆਰਥੀ ਪਿ੍ੰਸ ਨੇ 82 ਕਿਲੋਗ੍ਰਾਮ ਭਾਰ ਤੋਂ ਘੱਟ ਸ਼੍ਰੇਣੀ ਵਿਸ਼ਵ ਰੈਂਕਿੰਗ ਸੀਰੀਜ਼ 2025 ਗ੍ਰੀਕੋ ਰੋਮਨ 'ਚ ਚਾਂਦੀ ਦਾ ਤਗਮਾ ਜਿੱਤ ਕੇ ਯੂਨੀਵਰਸਿਟੀ ਦਾ ਨਾਂਅ ਰੌਸ਼ਨ ਕੀਤਾ ਹੈ | ਰਾਮ ਮੇਹਰ ਸਹਾਇਕ ਨਿਰਦੇਸ਼ਕ ਸਪੋਰਟਸ ਐਲ.ਟੀ.ਐਸ.ਯੂ ਪੰਜਾਬ ਨੇ ਦੱਸਿਆ ਕਿ ਇਹ ਚੈਂਪੀਅਨਸ਼ਿਪ 25 ਮਈ ਤੋਂ 29 ਮਈ 2025 ਤੱਕ ਮੰਗੋਲੀਆ ਵਿਖੇ ਕੀਤੀ ਗਈ ਸੀ ਅਤੇ ਪਹਿਲਵਾਨ ਪਿ੍ੰਸ ਦਾ ਸ਼ਾਨਦਾਰ ਪ੍ਰਦਰਸ਼ਨ ਉਸ ਦੀ ਲਗਨ, ਹੁਨਰ ਅਤੇ ਮਿਹਨਤ ਦਾ ਪ੍ਰਮਾਣ ਹੈ | ਡਾ. ਸੰਦੀਪ ਸਿੰਘ ਕੌੜਾ ਚਾਂਸਲਰ ਐਲ.ਟੀ.ਐਸ.ਯੂ ਪੰਜਾਬ ਇਸ ਸ਼ਾਨਦਾਰ ਸਫ਼ਲਤਾ 'ਤੇ ਪੂਰੇ ਖੇਡ ਵਿਭਾਗ ਅਤੇ ਪਹਿਲਵਾਨ ਪਿ੍ੰਸ ਨੂੰ ਉਸ ਦੀ ਸ਼ਾਨਦਾਰ ਪ੍ਰਾਪਤੀ ਲਈ ਵਧਾਈ ਦਿੰਦੇ ਹਨ ਅਤੇ ਉਸ ਦੇ ਭਵਿੱਖ ਦੇ ਸਾਰੇ ਯਤਨਾਂ 'ਚ ਸਫਲਤਾ ਦੀ ਕਾਮਨਾ ਕਰਦੇ ਹਨ | ਡਾ. ਪਰਵਿੰਦਰ ਕੌਰ ਪ੍ਰੋ. ਚਾਂਸਲਰ, ਡਾ. ਰਾਜੀਵ ਮਹਾਜਨ ਰਜਿਸਟਰਾਰ, ਐਸ. ਸਤਬੀਰ ਸਿੰਘ ਬਾਜਵਾ ਸੰਯੁਕਤ ਰਜਿਸਟਰਾਰ ਐਲ.ਟੀ.ਐਸ.ਯੂ ਪੰਜਾਬ ਨੇ ਵੀ ਖੇਡ ਟੀਮ ਅਤੇ ਉਨ੍ਹਾਂ ਦੇ ਕੋਚਾਂ ਨੂੰ ਵਧਾਈ ਦਿੱਤੀ ਜਿਨ੍ਹਾਂ ਨੇ ਸ਼ਾਨਦਾਰ ਨਤੀਜੇ ਪ੍ਰਾਪਤ ਕਰਨ ਲਈ ਆਪਣੇ ਹੁਨਰ ਨੂੰ ਨਿਖਾਰਿਆ ਹੈ |