ਮਜਾਰੀ/ਸਾਹਿਬਾ, 4 ਸਤੰਬਰ (ਚਾਹਲ)-ਕਾਂਗਰਸ ਦੇ ਸੀਨੀਅਰ ਆਗੂ ਜਸਵਿੰਦਰ ਬਿੱਕੀ ਕਾਠਗੜ੍ਹ ਸਾਬਕਾ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਨੇ ਕਸਬਾ ਮਜਾਰੀ ਵਿਖੇ ਗੱਲਬਾਤ ਕਰਦਿਆਂ ਕਿਹਾ ਕਿ ਪੰਜਾਬ ਨੂੰ ਇਕ ਗਿਣੀ-ਮਿਥੀ ਸਾਜ਼ਿਸ਼ ਤਹਿਤ ਪਾਣੀ 'ਚ ਡਬੋਇਆ ਗਿਆ ਹੈ | ਮੌਸਮ ਵਿਭਾਗ ਦੇ ਪਹਿਲਾਂ ਹੀ ਦੱਸਣ ਮੁਤਾਬਿਕ ਜ਼ਿਆਦਾ ਬਰਸਾਤ ਦਾ ਅਨੁਮਾਨ ਹੈ ਤੇ ਬਰਸਾਤ ਵੀ ਜਲਦੀ ਸ਼ੁਰੂ ਹੋ ਗਈ ਸੀ | ਫਿਰ ਡੈਮਾਂ ਦਾ ਪਾਣੀ ਨਾਲ ਦੀ ਨਾਲ ਕਿਉਂ ਨਹੀਂ ਛੱਡਿਆ ਗਿਆ | ਇਕ ਗਿਣੀ-ਮਿਥੀ ਸਾਜ਼ਿਸ਼ ਤਹਿਤ ਡੈਮਾਂ ਨੂੰ ਪੂਰੇ ਭਰ ਕੇ ਪੰਜਾਬ ਨੂੰ ਡੁਬਾਉਣ ਖ਼ਾਤਰ ਇਕੱਠਾ ਪਾਣੀ ਛੱਡਿਆ ਗਿਆ ਤੇ ਸਿਰਫ਼ ਦਰਿਆਵਾਂ 'ਚ ਛੱਡੇ ਪਾਣੀ ਨੇ ਪੰਜਾਬ ਦੇ ਮਾਝਾ ਤੇ ਮਾਲਵਾ ਖੇਤਰ ਬਰਬਾਦ ਕਰਕੇ ਰੱਖ ਦਿੱਤੇ |
